المساعد الشخصي الرقمي

مشاهدة النسخة كاملة : لملاك الباترول تكفففون


adel488
08/04/2011, 03:41 PM
السلام عليكم اسعد الله مساكم عندي مشكله في الجيب الباترول 2002 فتك تماتيك
اذا عشق من الثاني للثالث يهز الموتر هز رجه قويه واذا رفعت رجلي عن البنزين راخت
وادعس ثانيه ويصفى الموتر وبعض الاوقات يتأخر في تبديل النمر
واذا كنت امشي على سرعه بطيئه يلعب بالتبديلات مرهخفيف ومره ثقيل
مع العلم تم تغيير كل شي حتى الكفرات ووزن اذرعه وعواميد ومساعدات ولا نفع
بعدين عرفت المشكله انها من القير
رحت لكذا ميكانيكي قيور وكل واحد يعطي علم من راسه
واحد يقول توضيب وواحد يقول حساسات القير
ومن خلال متابعتي لمندى مكشات لفيته زنقه زنقه اشوف ناس تقول طنجره وناس تقول مخ القير
وناس تقول تصفيه المكينه
بيني وبينكم انا عندي اهم شي الرعشه هذي وش سببها لاني لو حليتها كلش انحل
الرجاء من اصحاب الخبره متعودين على ردودهم الشافيه والوافيه
تككفووون اللي قد مر بالهمشكله لايبخل علي
واللي يعرف ورشه جيده يقولي
الموتر عزيز علي وخرابه مسبب لي قلق :looney::looney:
برايدوي عنيد
08/04/2011, 08:59 PM
هلابك اخوي

ممكن العطل عندك من كتاوت القير

او ان الموتر يحتاج تغيير زيت القير علشان كذا تعشيقاته ثقيله شوي

حل بدائي افصل البطاريه لمده ربع ساعه وشف تروح المشكله والا لا؟

حدد موقعك؟ وماراح يقصرون الشباب

هذا مالدي وتقبل مروري...
adel488
09/04/2011, 01:03 AM
انا في الرياض
وغيرت زيت القير
وشكرا للك يالبريداوي
adel488
09/04/2011, 01:06 AM
وازودكم من الشعر بيت
صارت السياره تضرب شروخ
مع الكنداسه بعض الاوقات يطلع انفجار من الكنداسه
واحس السياره كاتمه
محسن اليامي
10/04/2011, 12:07 AM
انصحك تفحص في الوكاله الشغله بسيطه كتاوت ولا زيت لحد يلعب في الموتر
صباح القايله
10/04/2011, 03:14 PM
يمكن معلومتي ماء له دخل لكن تاكد
اخوي تاكد من خرطوش الهواء ليكون فيه قطع
اذا كان فيه قطع يسبب تقطيع
adel488
10/04/2011, 11:15 PM
اخوي محسن وين اروح الوكاله بيصكوني مبلغ وقدره وبيلطعوني لايقل اسبوعين اقل شي
مجربهم وعارفهم
اخوي صباح القايله مشيك حتى على البواجي
عجزت اصيد المشكله