المساعد الشخصي الرقمي

مشاهدة النسخة كاملة : سؤال عن انواع القارمن


نسيم الذواري
08/04/2011, 11:05 PM
السلام عليكم ورحمة الله وبركاته


يا اخواني المكشاتية

بسألكم عن القارمن وش أنواعه وأفضل الانواع والاحجام وماهي المزايا والاسعار لأني صراحة ودي اشتري واحد وجاهل تمام الجهل فيه وما أعرف شي أبد .



ذكر لي واحد من الاخوان قارمن يباع عند دار موجه بـ 500 ريال النوع والله اني مدري وشو لاكن يقول عليها ضمان ويثبتون عليه خرائط ...
صقار الوشم
09/04/2011, 12:22 AM
وعليكم السلام.. هلا والله حياك
يالغالي فيه انواع واجد من اجهزه القارمن تعتمد في المقام الاول على حاجتك ورغبتك.
وهي كلها تؤدي الغرض واللي هو الملاحة .
اذا بغيت حجم الشاشة كبير عندك 1410 .
واذا بغيت حجم متوسط وجهاز متواضع عندك 205w او 1300.
واذا بغيت حجم صغير وجهاز متواضع عندك 205 او 1200 .
واذا بغيت قارمن مطور عندك 3790 اغلب مميزات النوفي موجودة فية وهو اخر مانزل.
واذا بغيت ملاحة متطورة مثل تسجيل المسارات التراكات ثم الرجوع عليها عندك فئة 7xx مثل 780
فأنت حدد مرادك واحنا في الخدمة ..
وبالنسبة للجهاز اللي ذكرتة اظن انه 205w اذكر كان عليه عرض ولا ادري ان كانة
موجود او خلص عموما اذا بغيت تاخذ جهاز عليه عرض فتأكد انة يحطلك خرائط البر وخرائط المدن الاخيرة لان فية ناس رجعت اجهزتها علشان الشي هذا ولما رجعو له غير لهم الخرائط.

واي سؤال حاضرين يابعدي
نسيم الذواري
09/04/2011, 09:15 AM
بيض الله وجهك اخوي صقار الوشم


بالنسبة للرغبة والحاجة ولله ودي بشي يسجل المسارات ثم الرجوع عليها هذي
وبالنسبة ميزات النوفي ياليت توضحها والميزات الثانية الي في الاجهزة الله لايهينك
sameer_1798
09/04/2011, 09:33 AM
وعليكم السلام ورحمة الله وبركاته
الاجهزة كثيرة ولمستخدمين كثر فأنت حدد استخدامك للجهاز حتى تعرف المناسب لك
شوف هذا الرابط : لعله يفيدك
http://mekshat.com/vb/showpost.php?p=4602597&postcount=2



واذا بغيت ملاحة متطورة مثل تسجيل المسارات التراكات ثم الرجوع عليها عندك فئة 7xx مثل 780

أخالفك الرأي اخي صقار الوشم في هذه النقطة صحيح هذه الاجهزة متطورة ولكن في ملاحة المدن والطرق فقط يعني لايمكن الرجوع على التراكات فقط ترسمها وهذه عامة في كل أجهزة النوفي
ماعدا نوفي موديل 550 و 500
http://www.mekshat.com/vb/showthread.php?t=347674
لذلك إذا تريد اجهزة بمواصفات الاجهزة البرية عليك عليك بالنوعين هذه من النوفي أو اختيار اجهزة الملاحة الخارجيه .

إلا إذا كنت تريد فقط المؤشر في النوفي فشوف هذا الموضوع يفيدك :
http://www.mekshat.com/vb/showthread.php?t=314009
صقار الوشم
09/04/2011, 01:49 PM
اشكرك اخي سمير على المشاركة والتعديل, والعذر على الخطا
skeet
09/04/2011, 02:05 PM
اخوي انصحك بالنوفي
نسيم الذواري
09/04/2011, 03:31 PM
بيض الله وجيهكم يالربع

بالنسبة لي انا ودي بجهاز مدن سياحة بري


وودي يكون ناطق ينطق الشوارع والاماكن ويوجه في الطريق .


وأيضاً يرسم الطريق الي مشيت عليه ؟ علشان لو بغيت ارجع أقدر ارجع على نفس الطريق . والاهم اني اقدر احط علامة في محل ويرجعني لها .

مثلاً احدد بيتنا وارضيع في هالرياض ويرجعني :D


وسؤال أخير ما الفرق بين نوفي 205 و 205w

أخوي الغالي sameer_1798

وش تقصد بـ الاجهزة البرية واجهزة الملاحة الخارجية وش الفرق بينها ؟


وهل تنصحوني بـ نوفي 205 ؟
صقار الوشم
10/04/2011, 12:19 AM
بيض الله وجيهكم يالربع

بالنسبة لي انا ودي بجهاز مدن سياحة بري


وودي يكون ناطق ينطق الشوارع والاماكن ويوجه في الطريق .

عندك 205w جيد
وأيضاً يرسم الطريق الي مشيت عليه ؟ علشان لو بغيت ارجع أقدر ارجع على نفس الطريق . والاهم اني اقدر احط علامة في محل ويرجعني لها .

مثلاً احدد بيتنا وارضيع في هالرياض ويرجعني :D
موجود وتقدر تحفظ اي مكان وترجع له بسهولة

وسؤال أخير ما الفرق بين نوفي 205 و 205w
حجم الشاشة اكبر في 205w
أخوي الغالي sameer_1798

وش تقصد بـ الاجهزة البرية واجهزة الملاحة الخارجية وش الفرق بينها ؟
لااعلم

وهل تنصحوني بـ نوفي 205 ؟


انصحك بــ 205w
has-120
11/04/2011, 07:16 AM
إذا بغيت شيء
من محل السياري
(خرائط الصحراء)
تواصل معي