لاهل الخبره في الباترول فتك

[الجاسوس]

السلام عليكم ورحمة الله وبركاته


يالربع عندي مشكله بسيطه بالسياره ... باترول 2005 فتك المشكله اذا وصلت 120 يبداء يكتم وتقول اني رافع رجلي من الدواسه حقت البنزين ولحظات ويرجع عادي وشوي ترجع الكتمه ... وديته لورشة وسويت له فحص بالكمبيوتر وقالو لي انه ما يطلع البواجي علماً اني مغيرها قبل ثمان شهور تقريبا ... وفيه مهندس قال لي ان الكتمه هذي من طرمبة البنزين والمشكله ان له طرمبتين ولا ادري اي وحده اغير ...

ياليت الي عنده خلفيه عن هالمشكله يفيديني او ورشه فيها مهندس يطلع المشكله ... انا من الرياض

مشكورين والله يعطيكم العافيه

[adel488]

معليش اخوي باجاوبك على حسب خبرتي الصغيره
مشكلة الكتمه اتوقع تنضيف اللهاة والثروتل حقت الهواء
ويمكن طرنبة البنزين بس طرنبة البنزين ماتسبب كتمه
الطرنبه تسبب تقطيع
انت جرب السهل اللي هو تنضيف اللهاة والثروتل
وبعدين فيه الطرنبه تلقاها في موخرة السياره جوا غمارة السياره
تفتح الفرشه اللي ورا المرتبه الخلفيه وتغيرها تغييرها سهل
وفيه اللي تحت اللسياره وهذي ترا مالها علاقه بالمره

[adel488]

على فكره انا زيك غيرت الطرنبه مانفع
واليوم الصبح بامر اقرب ورشه وبنضف اللهاة والثروتل واقولك وش يصير معي

[الجاسوس]

adel الله يعطيك العافيه

بس وشهي اللهاة والثروتل ؟

[mr.قهد]

اخوي الجاسوس نظف البخاخات وغير طرمبه البنزين وشيك على اسلاك البواجي؟
وان شاء الله موفق!

[راعي وفى]

استمر على بنزين 95لاكثر من مره واتوقع يضبط

[الجاسوس]

فهد اخوي ماتجي له اسلاك للبواجي

بنظف البخاخات

البنزين 95

[adel488]

اخواني نضفت اللهاة والثروتل وغيرت البواجي من الوكاله وبالعكس زاد التقطيع نصيحه لاتنضف ولاشي

[adel488]

اللهاة او الثروتل هي اللي تدخل الهواء للمكينه اللي لها لي عريض اسود
واللي لها فلتر ويتنضف

[الجاسوس]

الحمدلله لقيت الخلل

رحت لورشة في الصناعية الكبيره و

اختبرو
ا الطرمبة وطلعت المشكله منها بس الغريب انهم نصحوني بتغيير الطرمبة وتركيب طرمبة
bmw

ولما ركبوا الطرمبة باقي شوي تقطيع وطلعت من حساس فلتر الهواء ولازم اغيره كامل ب 1500 ريال

ركبو حساس مكسيما ب 300 ريال والحمدلله الموتر صافي ولله الحمد

الف شكر لكل من رد علي

[كديان]

عندنا ورشة الكهربائي العثيم ببريدة يغير حساس لهاة يركب حق مكسيما ب300ريال يركب 100%
لان حساس الباترول شد بلد ب1600 الحرامية
لكن على حد علمي ان طرمبة الفتك قوية جدا و قليل جدا تخرب
و دايم ينقطع الخرطوش اللي بين اللهاة و بين منظم الهواء فيش عليه 4اسلاك بجنب قربة الهواء
الخرطوش سابقا كان ب600ريال الان سعره تقريبا من 250 الى 400 جديد
و الافضل اي واحد معه باترول يكون معه شطرطون عريض اسود
لانه لو انشق الخرطوش يبدا الموتر يقطع و يتفتف ويرمي سواء باترول فتك او بخاخ قديم
لف عليه الشطرطون و يطلع جديد صافي
عندك بالرياض ورشة التركي تخصص باترول بالصناعية القديمة

[ركوووون]

طيب ياخوان انا عندي فتك ٢٠٠٥ قبل ٦ او ٧ شهور صارت عندي كتمة حيل قوية وطلعت عندي علامة المكينة وقالو لي غير منظم البخاخات الي الدعسة رحت لم الوكالة لقيتة ٥٠٠٠ ريال والله وانا انجلط وادخل المستشفى ههههههههه امزح بس رحت لم العثيم لا اله الا الله دخلت الموتر الظهر وطلع العصر بس يا اخوان عزم الموتر ضعف
صار ادعس يكتم ليا وصل الضغط لي ٤ فتح معي وصارت له حنة طبعا من وقته سويت كل شي ما افاد ولا شي بالنسبة للحنة غيرت التماتيك المروحة ومافيه فايده صيخت الرديتر وركبت لة بلف جديد وحطيت له ماء اصلي ومافية فايدة وعزم الموتر كشفت علية بكل شي طبعا كمبيوتر البواجي ساليمات صفاية بنزين غيرة لي العثيم طرنبة البنزين واحد كهرباي قال لي فك اليات حقات الطرنبة واذا فرق عزمة غير الطرنبة و مافية تغير ووملاحظة بالتبرونك بالعادي اذا جيت اغير للثاني يتاخر شوي مدوي ليه المهم غيرت كراسي المكينة وزينت الفحمات الدينمو عشان خربانات السيور تمام يعني سويت كل شي ولا افد النتيجة الي قالو لي بالنسبة للحنة من الرديتر الفتحات حقاتة مسكرة بالرغم مافية حرارة سافرت للقصيم علية ماشاء الله ممتاز وبالنسبة لضعف العزم يقولون ان الدعسة الي هي منظم البخاخات لا نضفت تزين بس تضعف العزم بس وله دخل بتغير القير للنمرات والي يقهر لا فكيت فلتر الهوا يرجع عزمة تب بالرغم اني عيرت الفلتر قبل شهر ب١٧٠ الله لايخصر ورحت للقصيم وركبت له دبة على كيف كيفكم عطت عزم شوي وصوت خيالي ابد لو تسمعونة تقولون مركب هيدارز دبه امراتية بس يبي لك يالواحد ماتقرب للمرور لانهم راح يحجزونكم المهم داري طولت عليكم لكن افيدوني ياهل الخير قبل لا اخسر على الي قالو لي وش مشكلتة والله يوفق الجميع وشكرا