المساعد الشخصي الرقمي

مشاهدة النسخة كاملة : يالذيابة ابي رايكم ,,,,,,,,,,,,,,,,,,,


دواج تيماء
09/04/2011, 11:29 AM
السلام عليكم ورحمة الله وبركاته وبعد ...
وش رايكم باستخدام الاف جي في البر وشو من لحية هل هو يتحمل الجور وهل ديكوراته تتفكك بسرعه مع البطانيج والي استعمل القير العايدي بالذات لاني ناويه ان شالله لانه نزل منه سعودي 2011 قير عادي ست نمر .
ابي شوركم يالربع وخاصة المستخدمين له سواء قير عادي او تماتيك .
وشاكر مروركم سلفا ,,,,,,,,,,,,
ابن عكاش
09/04/2011, 12:10 PM
ودي افيدك يالغالي انا ماجربته لكن اشوف مع الزملاء طبعاً قير تماتيك للي راعي نفود وتطعيس الموتر حليو
عيوبه ديكوراته بايخه فتح البيبان بايخ وسمعت انها تقرقع مع البطناج وبصراحه فيه عيب وهو ان اكثر من يركبه حقين الكدش هداهم الله وانا ما اقصد ان كل من يقنيه من هالنوع
بالتوفيق يالغالي اتمنى اني افدتك ولو بعض الشي وارجوا ان لا يفهم كلامي خطأ
ابو دحيم...
09/04/2011, 12:50 PM
ههههههههههههههه حقين الكدش ..
اخوي انا ماودي اتفلسف عليك لاني ماجربت الموتر الصراحه.. لكن من ناحية الشكل شييييين وبقوه وحق كدش والتحليه لا وطاحوبه اخواننا العرب حقين الملز..
يارجل يمكن لو تحمل فيه العزبه استنكر وطفى ههههههههه
مع احترامي لملاك هذه السياره القبيحه بنظري (يعني وجهت نظر شخصيه )
والله يدبرك على الصالح والمبارك...
دواج تيماء
10/04/2011, 12:50 PM
يعطيكم العافية على مروركم وبعدين لو قعدنا نشوف حقين الكدش وغيرهم من الاشكال ما ركبنا سيارات ولا انا غلطان . المقصد هل السيارة تصلح للبران ولا لا بغض النظر عن شكلها( للناس فيما يعشقون مذاهب )

وشكراا,,,,,,,,,,,,,,,
المنيعي1
10/04/2011, 01:07 PM
ياخي الشكل أهم شي بالسيارة
يعني لوكان قيمته من الخمسين وجاي مايهم الشكل لكن موتر قيمته بحدود 120000 ألف ريال وشكله بايخ مشكله.
عاشق الحيسية
10/04/2011, 01:58 PM
هلا أخوي

جربت موتر واحد من العيال (أتوقع 2008) وبقولك عن اللي طلعت به:

1- خفيف نفس.
2- مريح (ما تدري عن البطناج).
3- ما سمعت فيه قرقعه.


وانت استاجر الموتر وجربه
ولا تنسى تستخير


والله يكتب لك اللي فيه الخير

تحياتي
سفاري959
10/04/2011, 02:39 PM
والله ماجربته لكن وجه نظر بهالسعر فيه خيارات ثانيه يعني اذا انت من عشاق التايوتا ياخي اخذ gx هدد مستخدم ونظيف احسن بألف مره موتر معروف وواسع يشيل عزبتك واغراضك وربعك الي يروحون معك ومتأكد انه افضل منه في الاستخدام الله يوفقك ويدلك لدرب الخير
دواج تيماء
11/04/2011, 10:08 AM
الله يبيض وجيهكم يالمنيعي 1 وياعاشق الحيسية وياسفاري 959 . وشاكر مروركم والله يعطيكم الف عافية
دواج تيماء
17/04/2011, 01:50 PM
ماجانا ردود يالربع
عبدالعزيز بن احمد
17/04/2011, 02:22 PM
والله انا ما انصحك فيه لانه غير ثابت على الخط وموتر مايستاهل تحط فلوسك فيه ((وجهة نظر ارجو تقبلها بصدر رحب ))

الله يكتب لك اللي فيه الخير
SRAAAB
17/04/2011, 02:29 PM
انصحك أنك تساجر لك واحد
وتجربة لك يومين وإلا ثلاثة
وإنت الحكم ترى ذا الحركة تريحك بالحيل وتاخذ لك سيارة وإنت مرتاح
أما بالنسبة لي سعرة آخذ به جكس آر 2007 نظيف بالحيل
لأن سعرة أتوقع حول 138000 ريال
كيفي سعودي..؟
17/04/2011, 02:34 PM
عليكم السلام
اخوي اف جي حليو
لاكن ان كنت بتشتري اف جي اشتر لاند كروزر GX احسن لكـ
وانا انصحك با GX لانه بيدوملك وقوي للبر
وانت اشتر الي يريحك
وانشأ الله يكتبلك الي فيه الخير
تقبل مروري...!؟
GMC 111
17/04/2011, 02:57 PM
ياحبيبي خلك من الي يقولون كدش وماكدش لو تناضر الكدش ماركبت موتر وبعدين الي يقول شكله بايخ مو على سعره اقوله شف الربع التيوتا هل شكله يستاهل فوق 70 الف

وتبي نصيحتي انا معي جمس سييرا واف جي 2007 وله معي 3 سنوات ونص وكارفه كرف مابقية محل مارحتله


والله مايقول لا وعن الديكور الحمد لله ماقيد سمعة صوة في الموتر

وخذ نصيحة مجرب
طير شلوى نجد
17/04/2011, 03:05 PM
مساءك الله بالخير يادواج تيماء فهمت من مواضعك انك تبي سيارة خخخخخخخخخخخاصة للخليان وانت طلبة المشورة ويقول سرك لواحد وشورك لالف ودياركم يبيله موتر صاحي عليك بلاند بكل انواعة الي خابرينهن ومتعرفينهن والباترول تراه له وزنه والله يرزقك ......
احمد الشمال
17/04/2011, 03:31 PM
انا بعد ماانصحك به ياخي مطبه قاسي و صدق انه جبر شوي لكن طيروا سعره بالحيل غالي حول 138 الف

صراحه انا مع اخواني انصحك اذا ناوي جيب للبر خذ لك GX 2007

افضل بكثير اريح واوسع وحتى المنظر الخارجي والداخلي احلى بكثير ولابعد تانكين بانزين وثلاجه

والراي الاول والاخير لك انت شف استأجره وجربه اذا اعجبك توكل على الله

وياخوي ترا الناس اذواق فيه ناس عاجبهم و وفيه ناس لا

وقبل كل شيء استخر وبالتوفيق ان شاء الله