يا اخوان عندي سلوقي يأكل الجربوع وش السوات

[المجروح 999]

السلام عليكم ورحمة الله وبركاته

يااخوان عندي سلوقي عمره سنتين يمسك الجربوع وإذا مسك ما نقدر نفكه علشان الجربوع ويأكله عطون حل

الحل الله لايهينكم

[شهراني وأفتخر]

السلام عليكم اهل الخبرة يفيدونك

[صلهآم]

مسيت بالخير اخوي المجروح


عسى الله يداوي جروحك ويوسع خاطرك ويفرجها عليك دنيا وأخره


ابعطيك طريقه انا استخدمها ونفعت معي عساها تنفعك


السلوقي لابد ان يفهم بأنه مسيطر عليه وماله مجال للهرب بأساليب كثيره


ومنها الي تنفع بنفس حالت السلوقي الي معك وهو ان طبعه شرود يلقط صيدتها وينحاش بها



حل المشكله تربط بطوقه حبل يكون ماهو سميك وطويل طوله 4 متر تقريباً بحيث انه مايعيق السلق وقت الطرد



وجربع فيه بمنطقه يقل بها القشع تكون ارض مستويه عشان الحبل مايعيقه ويلف علي قشعه ولاشي



ومتى ما امسك بالجربوع انت حاول تمسك الحبل وتجره لك بقوه وتصيح عليه هاته هاته


وتاخذ منه الجربوع وتمدحه وتعطيه اي قصعة اكل ياكلها وانصحك ( بالدراي فوت _ اكل الكلاب الي يكون بسكوت )



وخلك على هالحاله اسبوع وبعدها هو بيحس انه لو حاول ينحاش بيسحب بقوه وبتوخذ فريسته بدون فايده فماعاد يتعودها \


لكن تجنب الضرب وخلك وسيع بال لكن صارم وحازم بالتدريب وعطنا النتائج بعد التجربه


اخوك صلهآم

[راعي قنص112]

الحل تفكله الجربوع في حوش ولا مكان محجور واذا مسك الجربوع خلك قريب منه واخد الجربوع منه وان اكله اضربه وصح عليه وكرر عليه الطريقه هذي وذا قدرت تاخذة منه ذكي الجربوع واشويه له وهو يناضرك وعطه ياكله عشان يتشجع يومين ثلاثه ايام وبذن الله معاد هو اكله

[يحق لك]

الحل تفكله الجربوع في حوش ولا مكان محجور واذا مسك الجربوع خلك قريب منه واخد الجربوع منه وان اكله اضربه وصح عليه وكرر عليه الطريقه هذي وذا قدرت تاخذة منه ذكي الجربوع واشويه له وهو يناضرك وعطه ياكله عشان يتشجع يومين ثلاثه ايام وبذن الله معاد هو اكله



الطريقه هذي مجربهآ انآ بنفسي وظبطت يآربي لك الحمد

بس طريقة اخوي صلهآم . . مدري احسهآ صعبه شوي يمكن يتوجع السلوقي !

سو طريقة اخوي رآعي قنص . . ولآ تعوده انك توكله لحم ني . . وكله لحم مطبوخ . .

تحيآتي

[صقر الشماااال]

هلا والله بك اخووي المجروح 999

الطــريقه المزبوطـه والمجــربه بنفــسي

اول ما يبلـع الجـربوع يعني يأكله

خـل معـك ملح بيـدك وعلى طول امسكـه
وحـط الملح بفــمه بـعدين يبلـع الملـح وراح يزوع
الله يكرمـك (يطرش )وبعـدين يتوب يــاكله

والطـــريقه انا مجربها بنفسي

تقبل مروري

اتمنا انـك استفدت

[بدوي.]

ماقصرو الشباب بيض الله وجيههم؟

[الــحـاكــمــ]

الربع ما قصروا

كلٍ أبدا رايه و وجهة نظره

لكن أنا اتفق معي أخوي راعي قنص

[ابن الاصيل]

افادوك الاخوان

[الصارم1]

صقر الشمال طريفته ميه ميه

[راعي السوداء]

المجروح الله يسلام جروحك
اعط السلوقي مشعاب

[هاوي الجوف]

افادوك الخوان

[محمد العتيبي]

امعص اذانيه

[هاوي بندق]

الله يعينك سنتين صعب تعلمه في ها عمر

[مخطط 2008]

جب جربوع ميت وحط في بطنة فلفل احمر

[نايف البصمان]

http://www.mekshat.com/vb/member.php?u=89883

[مجنون سلق12]

الله يبيض وجيه الشباب متعاونين الصراحه

[الهاوي5]

افادوك الاخوان إنشاءلله

[مكشاتي وهاوي]

فادوك الأخوان بيض الله وجيهم

[راعي تويوتا]

:D
امعص اذانيه
ههههههههههههههههههههههههههههههههههههه