سلسلة حكايات صياد مبتدئ [الأرشيف]

مشاهدة النسخة كاملة : سلسلة حكايات صياد مبتدئ

TAKTEK

09/04/2011, 05:07 PM

السلام عليكم ورحمة الله وبركاته

في السنة الماضية وتحديداً شهر ذي الحجة قررت السفر إلى دياري في جنوب المملكة
المهم كأي صياد مبتدئ كنت متحمس للصيد والجلب وكل ما أقف على كسارة ضربني الموج وقلت توكلنا على الله وكملت طريقي ....الخ
وصلت للديار بالسلامة وحكيت السالفة لعمي
وقال: تبغى تصيد
قلت: إي والله
قال : سهلة جهز عدتك وصل الفجر عندي
قبل الصلاة ماشي سبعة آلاف لصوب المسجد خايف يروح الوقت ( نمت ساعتين من الحماس (
قلت: مشينا
قال : شكلك مستعجل
قلت : السمك بدا ياكل ( هنا ضحك بخبث (

المهم البحر يبعد حوالي 70 كم وجلست اقلب في تاريخ عمي البحري وهنا كانت المفاجئة ( طلعت ماخذ مقلب في عمي ماعمره صاد حتى لو خرم من البحر أصلاً البحر في وادي وهو في وادي مرة جلس اسبوع عشان يفرق بين الشعور والهامور )
المهم حملنا عدتنا ومشينا وهنا لاحضت شيء غريب ا اصبحنا نبتعد عن طريق البحر وسلكنا طريق الجبال هنا تأكدت ان ماله في السمك وخفت انه فاهم اني أبي أقنص وبران وقماري .
وقلت : ياعمي الله يرضى عليك تراني جيب خيوط وسنانير ولعف ماني جايب ساكتون وشوزن .
قال : تبي تصيد سمك
قلت : ايه
قال : استغفر ربك وخلك ساكت
قلت في نفسي : المشكى على الله .

وبعد 40 كيلو صعود ونزول مرات نعانق الضباب ومرات نمشي في الوديان حتى وصلنا لمكان أتوقع انه قطعة من ماليزيا وليست في السعودية ( بنزل عنه تقرير في خيمة الرحلات إن شاء الله ) شلالات وبحيرات صغيرة وماء يجري وهواء عليل أنساني ما جئت لأجله حتى من الدهشة نسيت ان اساعد عمي في تنزيل وترتيب العزبة وباقي الأغراض مادريت إلا هو يقول رح جيب غدانا !!
قلت له من وين ياعمي أقرب مطعم أكثر من 20 كيلو!.
ناظر فيني وقال أنت جاي ليش ؟
قلت نصيد سمك ( هنا فهمت المقصود وطلعت ذكي ) بس فكرت شوي واناظر حولي مافي إلا جبال ووديان خضرة دورت بحر دورت كسارة دور لنشات دورت سقالة مااااااافي شي تحطمت وجا في بالي متى نرجع للبحر
وانا أردد ( هواي البحر وأهل البحر ) وأمد فيها صوتي
شوي عمي منزل الخيوط والسنانير وبدا يربط ويقطع بالعف المهم هنا أبي أثبت نفسي وبديت أعلمه وش لون يربط السنارة وكيف يشبك اللعف وكيف يشك إذا صاد وبعدين حسيت إني تجرأت وأخذت نفس عميق كأني بغطس سنوركل وقلت (وين بنصيد ) المهم هنا ناظر فيني وقال كم عمرك انا بصراحة استحيت على وجهي وعطيته حبة راس متعوب عليها .
وقام يمشي خطوة خطوة لين وصل عند أحد البحيرات الصغيرة وقال انت وش لك وش للسمك مادامك ماتصبر الصيد صبر وياولدي ترى ربك مع الصابرين ( درس عملي للصبر بالغصب ) وقال ياولدي حنا لا جعنا من أول جينا يم المكان ذا وطلعنا رزقنا من المكان ذا أنا كبرت عيوني وقلت انا في علم ولا حلم معقولة بنصيد في الغدير ذا :eek: وناظرني وسكت
قال اذكر الله وارم خيطك
انا ماستوعبت قلت : هاه
قال : من قال هاه سمع .
وانا ارمي خيطي ولا عدت 5 ثواني إلا والخيط يهتز كأن ماسكني كهرب واسحب واسحب إلا والمفاجئة تذكرت رامي الصياد الصغير سمك من من زينة خفت اني اجرحه اذا فكيت السنارة وهنا عمي صار مطلع اربع من نفس النوع لاكن اكبر واشتد الصيد وصرنا ننتقل من غدير لغدير حتى تعبت من الوقفة واطالع بالمحصول إلا تقريبا فوق 11 كيلو مختلف الأحجام غير اللي نصيده ونرجعه للبحيرة . وأحلى شوي بعدها وأجمل غدا وأجمل عشاء طبعاً كله شوي وهنا ناظرني عمي وقال يازين الركادة
وهذى صوره واحدة واعتذر عن الباقي لأسباب أمنية ( عمي مايرحم :mad: )

http://www.mekshat.com/pix/upload05/images209/mk153496_65.jpg

انتهى( وانتظروا الحلقة القادمة )

فش-أندرتيكر

09/04/2011, 05:30 PM

احمد حسن صغير

09/04/2011, 05:37 PM

alqamr

09/04/2011, 06:29 PM

ماشاء الله سرد مشوق وممتع
ولكن لم تذكر لنا انت في اي منطقة وايضا السمك غريب اتوقعت يكون سمك بلطي !!!!

s3eed

09/04/2011, 10:11 PM

قصتك روعه
عيشتني معاك اللحظه باسلوبك في كتابة الموضوع
مشكور اخوي

ABO ZAIN 29

09/04/2011, 10:22 PM

ماشاء الله عليك عندك أسلوب جميل
نصيحتي لك نمي موهبتك

ابوصالح2006

09/04/2011, 11:43 PM

ماشاء الله تبارك الله

الله يبارك في عمر عمك ويطوله في طاعته
ويرزقك من واسع فضله سواء صدت في غدير ولا بحر

O M A A R

09/04/2011, 11:58 PM

وعليكم السسلآم ورحمة آلله وبركآته

مَ ششآء آلله عليك ،، أسلوب جميل ومشوق ،، آلله يطول بعمر عمك وجميع المسلمين

بإنتظآر التكلمة ،، وآصل يَ بطططل

Makaveli

10/04/2011, 12:34 AM

لاتقول لأحد المكان خليه نظيف الله يسلمك ويسلم عمك
تقرير حلوا والله دخلتني جو والله وأنتظر تقريرك هنا وليس في خيمة الرحلات لأن الطلعة صيد الله يسلمك

baed almanal

10/04/2011, 12:50 AM

موضوعك مرة حلو وسردة للقصة جميل تسلم يمناك

baed almanal

10/04/2011, 12:57 AM

لاتقول لأحد المكان خليه نظيف الله يسلمك ويسلم عمك

تقرير حلوا والله دخلتني جو والله وأنتظر تقريرك هنا وليس في خيمة الرحلات لأن الطلعة صيد الله يسلمك

رد للأخ مكافيلي وش صار في موضوع الطلعة ترى الشباب جالسين ينسقوا مع صاحب بوت بس ما سمعت شيئ منك أنته طالع ولا (لا)

TAKTEK

10/04/2011, 02:24 PM

و عليكم السلام و رحمة الله و بركاته

ما شاء الله تبارك الله

صيد طيب و الأطيب هو أسلوب سردك الجميل و الممتع للحكايه

الله يعطيك العافيه إنت و عمك يالغالي

و بإنتظار الحلقه القادمه بفارغ الصبر

تحياتي

جزاك الله خير على الإطراء

والأجمل من ذلك مرورك أخي الكريم وان شاء الله الحلقة القادمة قريبة.

TAKTEK

10/04/2011, 02:33 PM

السلام عليكم ....

السرد .... ممتع ... والدرس ...موجع ... والصبر هو الصبر ... والعمر ( الخبرة ) ... سلاحه الصبر ... في الشباب ...سرعة ( وطيشه).. ما احلى عنفوان الشباب مع حكمة الكبار ...
هذا الفرق في هذة الايام ... عدم اكتساب ... الصبر ...

احلى سمك واحلى درس وعليك بالعافية ... الزم كبيرك ....تنعم ..........

صحيح أخوي ان الخبرة والحلم تلعب دورها في كل الأحيان جزاك الله خير على المرور

ماشاء الله سرد مشوق وممتع
ولكن لم تذكر لنا انت في اي منطقة وايضا السمك غريب اتوقعت يكون سمك بلطي !!!!

والله ياخوك اني ماتجرأت اسأل وش نوع السمك ولاكن من لديه الخبرة في سمك المياه العذبة لايحرمنا من معلوماته لأنها تهمني .

قصتك روعه
عيشتني معاك اللحظه باسلوبك في كتابة الموضوع
مشكور اخوي

أنت الأروع بمرورك وتسطير حروفك في هذا الموضوع شكر الله لك

ماشاء الله عليك عندك أسلوب جميل
نصيحتي لك نمي موهبتك

نصيحة تكتب بماء الذهب وسأعمل بها إن شاء الله وسنقارع كبار الكتاب في مكشات ان شاء الله

وعليكم السسلآم ورحمة آلله وبركآته

مَ ششآء آلله عليك ،، أسلوب جميل ومشوق ،، آلله يطول بعمر عمك وجميع المسلمين

بإنتظآر التكلمة ،، وآصل يَ بطططل

آمين يارب الله يسمع منك والتكملة عن قريب ان شاء الله

لاتقول لأحد المكان خليه نظيف الله يسلمك ويسلم عمك
تقرير حلوا والله دخلتني جو والله وأنتظر تقريرك هنا وليس في خيمة الرحلات لأن الطلعة صيد الله يسلمك

لا توصي حريص ومثل ما قلت عمي مايرحم:)

موضوعك مرة حلو وسردة للقصة جميل تسلم يمناك

وسلمك يمينك التي علقت على هذا الموضوع جزاك الله خير

مجنووون صيد

10/04/2011, 03:22 PM

بيض الله وجــهك
مبدع ماشاء الله عليك

والتقرير ننتظــره هنا بهــذا القســم لانه من الجماعه :D

منتظرين بقية ابداعاتك
دمت بالف خير
تقبل مروري

محر999م

10/04/2011, 03:25 PM

كلك عربي على عربي..والسمك عربي.

محمد آل يتيم

10/04/2011, 06:04 PM

سرد جميل جدا.. وما شاء الله بوصفك للمكان وتصويرك له عيّشتنا جو رائع :)

الرحموني

10/04/2011, 10:22 PM

يعطيك العافية اخوي عيسى

على السرد الممتع وعلى التقرير الامتع

ان لم تخوني معلوماتي الضئيلة ان هذا السمك (سمك الكربون)

تحياتي لك ولطلابك

TAKTEK

11/04/2011, 03:38 AM

بيض الله وجــهك
مبدع ماشاء الله عليك

والتقرير ننتظــره هنا بهــذا القســم لانه من الجماعه :D

منتظرين بقية ابداعاتك
دمت بالف خير
تقبل مروري

وجهك ابيض الابداع لايكون إلا بوجودكم

كلك عربي على عربي..والسمك عربي.

ذكرتني بوين الملايين الشعب العربي وين
الله يرحم حال امتنا
جزاك الله خير على المرور

سرد جميل جدا.. وما شاء الله بوصفك للمكان وتصويرك له عيّشتنا جو رائع :)

إطرائك شهادة افتخر بها فجزاك الله خيرا

يعطيك العافية اخوي عيسى

على السرد الممتع وعلى التقرير الامتع

ان لم تخوني معلوماتي الضئيلة ان هذا السمك (سمك الكربون)

تحياتي لك ولطلابك

أبو يوسف حياك الله لك وحشة ( أقول لك صورة عندي وأبو فيصل خادجك بالمخدجة يحسبك خرم ) وابشرك الطلاب من احسن إلى أحسن شوي ونشترى لنش ;)
بالنسبة للسمك والله اني اجهله ولا أعرف اسمه لاكن عليه طعم الله لا يوريك كلمة رهيييييب قليلة بحقة بس مدري من الجوع أو من الدهشة .

TAKTEK

11/04/2011, 03:57 AM

حيا الله أهل البحر وكل من علق على الحكاية الأولى

وهنا يااخوان لابد أن أنبه على شي وهو اني أول مره اكتب في منتدى مكشات ولا أنا كنت متابع من بعيد
حتى يسر الله لي لقاء مع وحيد الشيخ ( أبو فيصل ) وكان معه الرحموني ( ماتلاحظون ان الرحموني في كل مكان ماشاء الله عليه )
وأصبحت من بعدها أفطر كل صباح على مكشات والتهم من مقتطفات السر الكبير أسأل الله ان يجمعني به وأنقنق بنصائح أبو صندوق ووحيد الشيخ
وكلما قريت شيء وحسيت اني فهمته شغلت الموتر وطوالي على أقرب ساحل
وهاتيك من اللخبطة وتشبيك الخيوط وكم سنارة ما طلعت إلا باللحم مرة من يدي ومرة من رجلي حتى اني مره من المرات .........
خلونا نكمل هالحكاية في مرة قادمة لأن فيها أحداث مثيرة ووأكشن .

المهم قررت أني اطلق العنان لقلمي وأسوي إرسالية في منتدى مكشات ونشارك الأحبة حسياً ومعنوياً لأني أشعر بالإنتماء لهذا الصرح التعليمي الممتع
فشتان بين تعليم بمتعة وتعليم بدون نفس
وستكون الحكايات عفوية ومنوعة لا تلتزم بوقت معين ولا بأسلوب معين وإنما مايخطر على البال .

فهاكم ماحدث معي في الأسبوع الماضي .

كحماس أي مبتديء
يحتفل بمنجزاته وكم صاد وكم طلع وكم جلس يسحب وانقطع المصفر وحنا طلعنا وحنا جبنا وحنا وحنا وحنا طلعنا دينصور
وهاتيك من الرخيص والسواليف اللي تكبر لها العيون وتتشنج منها الأعصاب ويزداد منها مستوى الأدرينالين

هذا حالنا على سفرة عشاء جمعتنا مع بعض عشاق البحر من نفس المنطقة
أنا من كثر السواليف والحماس خطرت لي فكرة أني استفيد من هالكنز اللي معي فهم أهل البحر واستخرجوا منه من الدواهي مالله به عليم
فقلت : يا شباب والله إنها جمعة مباركة وماراح تكمل إلا إنا ننزل جلب بلنش ونطلع المقسوم .
الجميع ناظر فيني ! كأنهم ماسمعوا وش قلت .
قلت : ونطلع على حسابي محمولين مكفولين , هنا ماصرت أسمع صوتي من ضحكهم ووناستهم وكأني أهديت لكل واحد فحل ناجل .
قالوا : متى تبينا نطلع ترى الماشي قرب يجي , نقز واحد من آخر الطاولة
وقال: ياحليلك الماشي قرب ينتهي ( طبعا الكلام على ماشي الضيرك في سواحل تبوك )
المهم صارت حوسة ولخبطة واحد يقول قرب وواحد يقول خلص الماشي واحد يقول الهامور والثاني الشعور
أنا في هذى اللحظة انحاست كل المعلومات اللي عندي وخبصوها لين صرت لو تعطيني حريد بقول لك هذا طيبات الذكر ( الله يذكرك بالخير ياوحيد الشيخ )
وكل اللي في المطعم يناظرون وش فيهم ذولي تجننوا ولا انهبلوا ولا انهم بيتطاقون عقب العشاء على القطة
وعدت على خير بعد ماحكم كبيرهم على أنا ننزل صباح الخميس ونطلع المغرب

مساء الثلاثاء أرسلت رسالة الساعة 4 إلا ثلث في الليل ( للخبير) وقلت له : ( تعرف أحد ينزلنا باللنش )
وبعد دقيقتين نغمة رسالة ووصل المرسال بالجواب ( لا تشيل هم , وإذا مالقينا تجلب انت واخوياك من فوق ظهري )
وصباح الأربعاء وصلتني الرسالة التالية ( جيب معك خيوطك وسنانيرك وكل عدتك وإذا تبي لعف حي بيزيد المبلغ 500 ريال )
طوالي ارسلت له ( طيب المجلب واللنش يستاهل المبلغ هذا مانبي نتوهق ودنا بالفلة )
جواب الرسالة ( فالك الناجل والرزق على الله ) ......

هنا استأذنكم فقد حان وقت الرقاد و انتظروا مفاجأة الرحلة مع الخبير المرافق لنا
تحياتي

نور 2010

11/04/2011, 04:28 AM

جميل بيض الله وجهك
وعليكم بالعافية

سلطان ss

11/04/2011, 05:02 AM

بيض الله وجــهك
مبدع ماشاء الله عليك

الرحموني

11/04/2011, 05:45 AM

يا ابويا ما يصير تعلقنا كذا خخخخخخخخ

في انتظار الحلقة القادمه

تحياتي لك ...................................

مهمش

11/04/2011, 12:00 PM

اجل بالقوة تتعلم الصبر
ههههههههههههه ترتيب

أبو فيء

11/04/2011, 12:41 PM

وعليكم السلام ورحمة الله وبركاته

ما شاء الله تبارك الله
أسلوب رائع ، وخفة دم رائعه ...
قصص جميلة يستفاد منها ...
استمر في القصص ...

دمت بود

White_Shark

11/04/2011, 01:30 PM

ماشاء الله .. اسلوب جميل وسرد رائع ومتكامل .. وننتظر الحلقة القادمة .

وتقبل تحياتي .

زاحف بحر

11/04/2011, 03:51 PM

رحلة سعيدة مليئة بالمفأجأت ,,

اتمنى انك استفدت منهاااا ,,

والدنيا الامتحان وبعدين الدرس سبحان الله ,,

بالتوفيق للجميع ,,

صياد الخبر

12/04/2011, 03:59 AM

السلام عليكم

استمتعت كثيرا لهذة الوقائع والاحداث لدرجة ان الادريالين ارتفع عندي كن قرش مار من جنب رجولي :)

وفي انتضار التكملة بكل شغف بعد ما تصحى من النوم عساها نومه العافية

ودمتم

accentkool

12/04/2011, 04:20 AM

يعطيك الف عافية اخوي على سرد القصة استمتعنا بالقراءة والاسلوب الشيق

alqamr

12/04/2011, 11:08 AM

ماشاء الله
:) متابع

ABO ZAIN 29

12/04/2011, 10:36 PM

ابغى الحلقه القادمه حصريا مشفره
ننزلها في رمضان
ايش رايك

TAKTEK

23/07/2011, 11:42 PM

السلام عليكم أحبابي في مكشات

بالصراحة منحرج منكم بالحيل ومالي وجه أخش الموضوع
لاكن قريت ردودكم وهي كانت أكبر محفز للإكمال وكسر حاجز الخجل :)

بس ما أشغلني عن إكمال الحكايا إلا دخولي دورة غوص
وأصبحت شبه منشغل عن الموضوع لانه يحتاج جهد ذهني لتذكر الأحداث وعرض الحكايا ..

والأولين قالوا (( من طول الغيبات جاب الغنايم ))

وانا أقول ((من طول الغيبات جاب الحكايا))

وش اسمه وين وصلنا بالحكاية الاخيره
ايه تذكرت والمهم ياشباب ارسلت رسالة للشباب لتأكيد الموعد
ووزعنا المهام بين الشباب وكله من تدبير الخبير أبو الدواهي
الأول عزبة طبخ والثاني عزبة الشاي والثالث ينتظر سوق الخضار يشري بصل وطماط

وهاتيك لفلفة من صباح الله نجمع عفوشنا وأغراضنا تقول معنا عفش مطلقة
وشدينا الرحال وخذ لك من الرخيص والدهك المتعوب عليه

وانا عيوني بتطلع وكل شوي أسوي معادلة الضغط من قوة السواليف بعضها 220 فولت مايمديك تاخذ نفس إلا الثاني مركب لك سالفة ....

ومرت علينا لحظة سكوت عجيبة تقول جالسين دقيقة صمت حداد على السمك اللي راح نصيده بها الطلعة
فجأة طاخ طيخ طوخ لاتلف شيل رجلك من على الفرامل ثبت الطارة ويييييي ياساتر انفجر كفر الراكب الأمامي :eek:. ....

والحمد لله وقفت السيارة على خير

نزلنا وفي واحد من الشباب ما أنساه طاح من الفجعة , ركبه ماهي قادرة تشيله وصار سالفتنا طول الرحلة

(( ذكرني بالتيوس لما نوديهم المسلخ ))

المهم سلامات سلامات يارجال ماتشوفوا شر ومن هاالكلام
وشدينا الهمة ناس العفريته وناس الكفر وناس تقيم الموقف

وفي واحد بالصراحة كان كالقائد

واقف فوق روسنا سوي شيل ركب وسع لا ماينفع انت ماتعرف ليش ماتسوي

انا ناظرت فيه بنص عين وقلت حبيبي اسمع حنا ياما بنشرنا وياما تعطلنا بس ارجوك لاتسوي فيها معلم

اللي فينا مكفينا الرجال حس انه غلطان وبدا يساعدنا

ومن الحماس نزل تحت السيارة وهنا صااااااااارت الكارثة

خوينا القائد المحنك شكله أول مره يبنشر سيارة جالس يحاول يفك الأسبير من تحت السيارة

وشوي اسمع ذيك الصرخة وكلنا بصوت واحد وش فييييييييييييييك ......

الرجال طلع تحت السيارة وخده كله أحمر مع شوي أسود

ويدور له شي بارد مالقى غير بايسن صاير مثل الشاي من الحرارة ويرش على وجهه وجالس يئن من الألم حنا مادرينا وش السالفة

طلع الرجال لصق خده بالشكمان والله ياهو انلسع لسعة كأن عقابه جاه

وقديماً قيل ( من تكلم في غير فنه أتى بالعجائب )

وسوينا بنشرنا وكملنا طريقنا وحنا فاطسين من الضحك والرجال ساكت تقول في عزا .

هنا نقف أيها الأحبة فإن سريري ينادي
تابعوا معنا صيادنا الخبير في الحلقة القادمة
وأحداث درامية وكمان شوية أكشن .

الرحموني

24/07/2011, 12:05 AM

تسجيل متابعة وحضورفي دفتر المشاركات

ايضاً تسجيل اعجاب بالغواص الجديد

بيض الله وجهك يا عيسى

اسلوب شيق في السرد مشوب بنوع من الفكاهة العفوية

تحياتي لك

TAKTEK

24/07/2011, 02:37 AM

تم تحضيرك يالرحموني ووجهك أبيض

وكلم الشباب لايتأخرون قبل لا أرفع فيهم حسم

والله لايوريك مواقف صارت معي بالغوص لاكن تجي بوقتها

ونسردها ان شاء الله في هذا الموضوع

تحياتي لك أبو يوسف

اسماعيل كمال

24/07/2011, 02:46 AM

ماشاء الله عليك
كاني معاكم في الرحله
يعطيك الف عافيه

وحدي بحر

24/07/2011, 11:08 AM

مشاء الله تبارك صيد طيب وتعليم اطيب خخخخخخخخخ
بس انت من وين من الجنوب يا غالي
أخوك: وحـــــــ د ــــــــي بـــــــــ ح ـــــــــــر

TAKTEK

24/07/2011, 12:00 PM

ماشاء الله عليك
كاني معاكم في الرحله
يعطيك الف عافيه

لاتحرمنا من طلاتك وتابعنا في هذا الموضوع
وراح تقرا الكثير ان شاء الله

مشاء الله تبارك صيد طيب وتعليم اطيب خخخخخخخخخ
بس انت من وين من الجنوب يا غالي
أخوك: وحـــــــ د ــــــــي بـــــــــ ح ـــــــــــر

حياك الله أخوي وحيد بحر

لك مني هذي الابتسامة :D

ودياري الجنوب ورزقي في الشمال وبينهما أدندن ;)

KING FISAL

24/07/2011, 01:38 PM

الله يجزاك خير اربع شهور وانت نايم توك تصحى ذكرتني باهل الكهف

ننتظر الجزء الاخير من ليالي الحلمية يا اسامه انور عكاشه

تقبل دعابتي
بالتوفيق

ابو ماريا

24/07/2011, 04:01 PM

بتكمل ولا لا