المساعد الشخصي الرقمي

مشاهدة النسخة كاملة : سؤاااااااااال ياصقاقير مكشات ارجو الافادة عاجلا .


بحر الخليج
09/04/2011, 10:23 PM
مساكم الله بالخير جميعا
ياصقاقير عندي شيهانتي في الربطة سليمة وطيبة وفجأة اليوم العصر جاها مرض غريب تسلقي رأسها على فوق ولايرجع الين تطيح على ظهرها لكن علفها طيب وديتها العيادة البيطرية قال عندها نقص فيتامين وعطاها علاج وصارحه ما اطمأنيت له وترى مرضها يشبه لمرض الحمام الي يدور راسه لكن مهوب هو هذا مرض جديد الي عنده خبره فيه وقد مر عليه يفيدنا في علاجه الله لايهينكم؟
قرناس شاهين
09/04/2011, 10:39 PM
فعلن نقص فيتامين
وطيرك فيه صرع
بحر الخليج
09/04/2011, 10:55 PM
طيب ياقرناس شاهين وش العلاج المناسب ؟
ومشكور على الرد.
انسانه؟
09/04/2011, 10:58 PM
ان شاء الله الاخوان يفيدونك أكثر,,
والله يشفي طيرك.
الحمش1
09/04/2011, 11:37 PM
السلام عليكم

اخوي اكو الطير بس لاتكويه انت وده لواحد يعرف ولابك قصور
بحر الخليج
09/04/2011, 11:43 PM
يا اخوي الحمش 1 حالة الطير توها اليوم فيه اخوان يقولون عطه فيتامين وطلعه في الشمس مدري الكوي الان ولا اخر حل؟
صويااان
10/04/2011, 12:18 AM
بسيطه انشالله نقص فيتامين عطها فيتامين الاحمر والشمس زينه لها طير واحد من الربع صارة فيه وعطاه فيتامينات وابر مضاد 5ايام وطاب
رامى السيد
10/04/2011, 12:23 AM
والله ياخى ربنا يشفى لك طيرك هذا صرع وعلى حد علمى هو يجى من نقص فيتامين e
وربنا يشفي
شرمان99
10/04/2011, 12:54 AM
استمر بالفتامينات وخل الكوي اخر شي لانها صارة مع طير واحد من الربع وعطاه العلاج وتشافا بعد الله
صقار قديم
10/04/2011, 01:06 AM
اذا كان طيرك يلوي راسه وينظر لأعلي عن جنب فهو صرع و الصرع فيروس نيوكاسل .

اما اذا كان طيرك يرفع راسه لأعلي مباشرة فهو نقص فيتامينات .. وبما انك اخذته للطبيب و شخص الحاله واعطاك علاج فيجب ان تتبع ارشاداته .


لك الاحترام و التقدير
بحر الخليج
10/04/2011, 01:23 AM
بيض الله وجهيكم ولاهنتوا على الافادات والله يجعلكم ذخر لمكشات .
((السنياري))
10/04/2011, 03:00 PM
يا اخوي الحمش 1 حالة الطير توها اليوم فيه اخوان يقولون عطه فيتامين وطلعه في الشمس مدري الكوي الان ولا اخر حل؟


امش على الفيتامينات ولو تطلعها بشمس اشوي يكون اطيب لها
والله يشافيها لك
الكوي لاتجيه لان اشمس افيد لها
بحر الخليج
10/04/2011, 06:11 PM
ياخوي nz diver مشكور على الرسالة والطريقة الي قلت مجربة في الربطة ومعروفة وبيض الله وجهك .
NZ Diver
10/04/2011, 07:22 PM
الله يعافيك يابعدي
هماش
10/04/2011, 07:31 PM
السلام عليكم

عطها كبد خروف وشمسها وبأذن الواحد الاحد انها تشفا اذا كان هو نقص فيتامين
راعي البحرية
10/04/2011, 11:07 PM
مساكم الله بالخير جميع:
هذا صرع يجي الطيور بسبب نقص فيتامينات أو العلف بعض الحمام المصروع وعلاجه بسيط بأذن الله أهم شي لايطري على أحد من الصقاقير يكوي طيره نصيحة من أخو بالنسبة لعلاجه حط الطير في الشمس وحط عنده ماء وعطه فيتامين وعطه ثنادي حمام والكبد لاتنساه لأن فيه فيتامين وبأذن الله الله بيشفيها وتبشرنا وهالحالة مرت على طيرتي وكانت ماتقدر تعلف ودوم رافعة راسه والحمدلله طابت أما الفيتامين أخذته من الدكتور علاء عاشور من البحرين يعطيه العافيه .
se7t
11/04/2011, 02:41 PM
السلام عليكم
اخوي الغالي اسف علي الرد متاخر لاني توني اشوف هالموضوع
اخوي الغالي بحر الخليج
علي قولت القايل اسال مجرب ولا تسال طبيب والله يالغالي انا جربت الشمس ومن بعدها مرت علي عدت حالات نفس الطريقه وكان اعلاجه هو الشمس الكي اخر وسيله تسويه
بس يبي منك مجهود بسيط
الطريقه تحرص علي شمس الصبح لانه في الاشعه البنفسجيه وشمس العصر من الساعه خمس في وقتنا هذا الي غايت باكر الصباح الساعه 8 وتشيله من نفس المكان تكرر هالطريقه لي غايت من سبع ايام الي عشر ايام وانشاءالله انك تبي تنقله علي ايدك وتفرح في هددها السنه الجايه
واهم شي يكون عندها الماي علي شان تشرب وتتحمل حرارت الشمس
تقبل مروري
بحر الخليج
11/04/2011, 03:53 PM
مشكور اخوي se7t اعلى الافادة.
هاااااوي
11/04/2011, 05:30 PM
افادوك الشباب . خلك على الفيتامين والشمس . ولا تخاف المرض توه جديد يعني يروح انشاء الله

واحمد ربك انه جاه المرض بأول الربطة مهب بأخره . والله يشفيه .وبشرنا .
راعي جالود
11/04/2011, 05:42 PM
الله يشافي طيرك

وإن شاء الله إن رابط أخوي ( دعاس ) يفيدك

أستــلم

http://www.mekshat.com/vb/showthread.php?t=393234


.
كلاش 1
12/04/2011, 05:33 PM
أنصحك ياخوى بالفيتامين ألأحمر