مشاهدة النسخة كاملة : لمبة O/D تشر ولمبة صورة المكينه شغاله (GXR)
عبدالله المطيري
09/04/2011, 11:53 PM
السلام عليكم
قبل يومين كنت مسافر
وانسلخ معي الكفر الخلفي الايسر
بعده طلعت البر
بعد مارجعت وهديت عند أحد التفاتيش
شفت العداد (حق السرعة)مايشتغل واذا رفعت رجلي عن البنزين اشتغل
واذا حطيت رجلي على الفرامل اشتغل
المهم بعد ماجيت البيت فصلت اصبع البطارية السالب
وخليته نص ساعه
شغلت ولكن عداد السرعه مايشتغل ابد
يوم اخذت شوي ولعت لمبة المكينة ولمبة O/D OFF تشر
آسف على الاطالة ولكن للإيضاح
من مرة عليه مشكلتي أو عنده خلفيه عنها ياليت يفيدنا
الموتر GXR 2002
دمتم بود:good2:
الصارم 444
10/04/2011, 12:06 AM
وعليكم السلام
انا مر علي قريب من مشكلتك لكن بدون انسلاخ كفر ماسك خط وشوي ويطفى العداد واذا دعست فرامل يشتغل وانا جاي من الشرقية واول ماوصلت الرياض ولعت لمبه المكينة وديته لكهربائي وطلع قطعة بلاستيك في القير حقت عداد السرعة وسعرها وكاله تقريبا 180 ريال
عبدالله المطيري
10/04/2011, 12:26 AM
أخوي الصارم حياك الله
طيب واللمبة اللي زرها بجنب القير تشر عندك أو لا
اخوي اكيد من حساس السرعة في القير
وقبل ما تغيره تأكد من ترس سرعة القير ترى قيمته 45 ريال اما الحساس اظن انه فوق 300 ريال .
ولا تروح لناس تلعب عليك شيك على اللي قلتلك وادعيلي .
رااعي الابل
10/04/2011, 04:08 PM
قارة معي وغيرة الترس بـ 45 ريال وضبط
عبدالله المطيري
11/04/2011, 02:59 AM
شكرا لكل من شارك بموضوعي
والحمد لله تم حل المشكلة بفضل الله ثم فضلكم
رحت لواحد وعلمته بالمشكله قال لازم اسوي فحص ب 100 ريال
قلت تلعب علينا
يوم حس اني فاهم يحط الموتر على الرافعه
ويطلع لي ترس قال هذا الخربان جاي في آخر الدبل
وسعره 45 ريال
دمتم بود والله لا يخلينا منكم
HAS5SAN
11/04/2011, 03:07 AM
بيض الله وجهك
علمتنا المشكلة والحل
غيرك ياخذ افكار ولا عاد نشوفه
المهم
لمبة الـ O/D هذى معناها أوفر درايف
لها في الجيوب شغلتين
إذا أنت ماشي اقل من 80 وضغطها تثقل الموتر
وتخليه يهدي بشرط ماتدعس بانزين
والشغله الثانية
إذا انت داعس اكثر من 80 و ضغطها
صار موترك مايعشق الرابع يعني تحركه في الثالث
وماراح يعشق إلا إذا ضغطها مرة ثانية
وهذا ينفع في الطلعات الكبيرة أو التجاوز المفاجئ
أو ( السباقات ) عاد ودي أشوفك وانت شاد للكروزر من عند الاشارة
ويتفتف في الثالث
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir