حراره البترول بهذلتني

[T A Y H]

السلام عليكم جميعآ

أخواني معاي بترول موديل 90والحراره تاصل الى النص غيرت دريتر من المنيوم الى نحاس3طبقات صناعه وطنيه وغيرت غطا الرديت غطا كراسيده 92من الوكاله ونظفت المكينه من المويه القديمه والحراره الأن تاصل الربع وترجع مع المكيف مشيت عليه تقريبآ 100 كيلو والحراره ماتتعدا الربع بس المشكله المويه تطلع مع القربه ولادري وش المشكله جيت أكثر من ميكانيكي قال الراس مظبوط وطرمبت المويه مظبوط ولادري المشكله وين هل هو من غطاء الرديتر ولا من راس المكينه
وياليت الي حصلت معه نفس المشكله يخبرنا
أعان الله من كان في عون اخيه
وشكرآآ

[مركز حراره]

افحص الراس اذاكان الماء يخرج من القربه

[kmn]

التشييك حبة حبة من قليل التكلفة الى اكثر تكلفه .
1- افحص عطاء الاديتر لازم وكالة اصلي وقبله افحص قاعدة اللي يركب فيها غطا الاديتر يمكن تلقاه منطعج ويهرب ماء الى القربة .
2- تأكد من وزنية البلوف .
3- هل السيارة تحتر مع السرعات العالية اذا كان كذلك افحص الراس .