المساعد الشخصي الرقمي

مشاهدة النسخة كاملة : مشكلة الترخيص والـ 50 واط للـ VHF


bo AbdullAziz
10/04/2011, 07:27 PM
السلام عليكم ورحمة الله وبركاته

الحمد لله نجحت في اختبار هواة اللاسلكي الفئة ( أ ) .
وأبحث عن جهاز ( جديد ) VHF بالمواصفات اللي توافق عليها هيئة الاتصالات 50 واط لأجل اطلبهم عن طريق النت او استوردهم من احد الدول المجاورة.
والمشكلة اني ما لقيت الا اجهزة تشتغل على الـ VHF والـ UHF في نفس الوقت, والـ UHF غير مسموح.
وش الحل أو الجهاز اللي ممكن القاهـ ؟

تحياتي
أبو عبد العزيز

الـ HF راح يكون الخطوة القادمة لكن بعد ما تتحسن الميزانية :)
oneizi
10/04/2011, 07:37 PM
سلام عليكم شباب
مبرك علي النجاح بعدين عندك حي الاتصالات في الرياض في محلات تبيع جميع الاتصالات وسلامتكم.
bo AbdullAziz
10/04/2011, 07:40 PM
الاجهزة المحلية غير مسموح فيها حسب ما وصلني

والله يبارك فيك
محمد-الرس
10/04/2011, 08:53 PM
أفهم من كلامك أنك تبي جهاز مرخص وطاقته 50 وات ...
مانتب لاقي جهاز بهاذي المواصفات ...
الأيكوم من65w وفوق...
فيه كم جهاز من ياسو 50 وات ...
اطلب الجهاز من الخارج أصلي أفضل لك ...
اللي بالسوق كثير مقلد ...
أو رح لدار البوصلة ومعك الترخيص وشوف مواصفات الجهاز المناسب لك ...


بالتوفيق




73...
BEN SADEQ
10/04/2011, 10:41 PM
انت حدد الجهاز اللي تبيه

وافضل لك طلبه عن طريق النت الايبي او امازون


اللي بالسوق اغلبيه تقليد


ومبروك على الرخصه
sameer_1798
14/04/2011, 08:43 AM
يعني ورى الترخيص لابد جهاز بمواصفاتهم شيء عجيب والله
طيب هل تفكك الرخصه إذا كان معك ايكوم 8000 ؟
محمد-الرس
14/04/2011, 10:21 AM
يعني ورى الترخيص لابد جهاز بمواصفاتهم شيء عجيب والله
طيب هل تفكك الرخصه إذا كان معك ايكوم 8000 ؟


هذا النظام الدولي وليس بالسعودية ...
و50 وات تعتبر جيدة لأن لو زاد الوات
زاد التشويش و التداخلات على الأجهزة الاخرى ..
والرخصة مب شرط يكون معك جهاز ...
(لازم تكون تعرف أساسيات الاتصال الاسلكي والرموز والمصطلحات)
وبكذا تدخل امتحان وتنجح وتاخذ الرخصة وتكون (هاوي لاسلكي)...
وتقدر تمتلك أي جهاز لاسلكي ...
بالتوفيق.
===========================
ابوغلاب
14/04/2011, 12:00 PM
اخوي عندك اجهزة كثيرة ، لكن مسألة UHF ودي انك تستفسر من المهندس اسامه يعني تقول له انك تبي الجهاز وراح تقفل الباند هذا من دار البوصلة وتخليهم يفحصونه او ما معك الا تاخذ جهاز بدون UHF وهو احسن لك

عموما هذي عدة اجهزة في حدود 50 واط


Icom IC-2820H
144/440 MHz Mobile
50 واط
http://www.universal-radio.com/catalog/fm_txvrs/ic2820h.jpg
Kenwood TM-271A
144 MHz Mobile
60 واط بس ناس كثيرة رخصت مثله من قريب
http://www.universal-radio.com/catalog/fm_txvrs/0271.jpg

Yaesu FT-1900R
2 Meter Transceiver
55 واط

http://www.universal-radio.com/catalog/fm_txvrs/1900.jpg

Alinco DR-135TMkIII
144-148 MHz 50 Watt
50 واط

http://www.universal-radio.com/catalog/fm_txvrs/1980.jpg

وانت واللى ترغبه وعسى الله يوفقك ومبروك الرخصة

73
bo AbdullAziz
14/04/2011, 12:19 PM
يعطيكم العافية شباب
بالنسبة للاجهزة اللي تشتغل على 2 باند غير مسموح فيها
النظام القديم كان يسمح بأمور كثيرة لكن الوضع تغير الان
بالنسبة لاجهزة ياسو وكنوود ما اعرف مين وكيلهم في السعودية
دار البوصلة وكيل أيكوم فقط

ولا هنتم

اخوكم
أبو عبدالعزيز
ابوحموود
14/04/2011, 12:44 PM
السلام عليكم
مرحبابك اخوي ابوعبد العزيز في قائمة هواة اللاسلكي في السعوديه
اخوك 7z2aa
بالنسبه لتصريح الجهاز والمسموح به نظاميا خذ النصيحه
1-شوف لك جهاز ياسو ويكون 50 واط من دبي الوكيل الروسي بموجب رخصة هاوي اللاسلكي وبعد مايوصل الجهاز في الجمازك السعوديه ينحجز الجهاز عندهم
بعد كذا تكلم هيئة الاتصالات وتسدد رسوم تصريح الجهاز وهم يطلعونه من الجماز بصفه رسميه ويعملون للجهاز فسح حسب المواصفات
50 واط
vhf 144-146
وشكرا
73
محمد-الرس
14/04/2011, 01:07 PM
الاخ أبو غلاب افادك بتوثيق جميل ....

بالتوفيق...
أميرالعشاق
28/04/2011, 01:16 AM
أخي الكريم ...حسب معلوماتي المتواضعه...
لازم تطلب الجهاز من الخارج حسب المواصفات المطلوبة وترسل صورة من الترخيص والمواصفات للشركة ...وبعد وصول الجهاز تطلب تصريح فسح من الجمارك وتاخذ التصريح من هيئة الاتصالات ويكون معك فني لفحص الجهاز والتاكد من مطابقته للمواصفات ...وبهذا تنتهي الاجراءات النظامية
موبايلي
28/04/2011, 08:47 AM
السلام عليكم ..
ياخوي .. خذ براي ابوغلاب وكلامه منطقي ومعقول ولايهونون الشباب
ومرحبابك يابوغلاب :good2: