ضياع قرناس حر مغتر + قرناس سيبيري رصاصي ( بالصور )

[المري]

السلام عليكم


اخواني الاعزاء


تم فقدان طيرين في نفس اليوم وفي نفس الوقت

بتاريخ 3 أبريل 2011 م
الموافق
29 ربيع ثاني 1432 هـ

سبحان الله


وكلها ضايعه من مربطها


الاول : قرناس حر مغتر
مقرنس باقي عليه 4


ضايع من مدينة الخبر


في حجل يحمل رقم


0505861012


صورته :



http://a1.sphotos.ak.fbcdn.net/hphotos-ak-ash1/167551_10150359963030182_720330181_16802247_518420 8_n.jpg


http://a7.sphotos.ak.fbcdn.net/hphotos-ak-snc6/167551_10150359963025182_720330181_16802246_166943 _n.jpg



http://a5.sphotos.ak.fbcdn.net/hphotos-ak-snc6/169059_10150359916085182_720330181_16801341_591582 9_n.jpg




الطير الثاني:


قرناس سيبيري مقاس 18 مابعد حذف


ضايع شمال مدينة بقيق


في علامة واضحة وهي ريشة بيضاء في ظهره


الطير مافيه حجل


الرجاء من يجده او يسمع عنه الاتصال


0505808179



صور السيبيري:


http://up.arab-x.com/Mar11/dcX02450.jpg



http://up.arab-x.com/Mar11/6Gj02450.jpg


http://up.arab-x.com/Mar11/gHz02450.jpg




وعسى الله يعقل على جميع مسلم


ملاحظة :


الطيور عليها بشاره ماليه طيبه وعسى الله يعقل على كل


راعي ضاله.


وسلاامتكم


اخوكم - المري

[ابوسمرى]

الله يعقلهن ويفرحكم بسلامتهن...

[حمد العذبي]

يا شو الي بيرد هالنمونه يا بو معيض على اهلها!!

ماقول غير الله يعقل عليهم طيورهم

ولاهنت على علمك الطيب

[طلعه وكاد]

اللــه يعقلها عليـكم ..

[سفيرالانسانية]

الله يرده للك وإن شاء راح تلقاه
والسلام عليكم /////////////////////////////////////////////////////////

[عاهد بن علي]

الله يعقلهم عليك
اللهم آمين

[جير دبي]

الله يعقلها

[شاهين2]

الله يعقلها ويفرحكم فيها يارب
ان شاءالله تطيح بيد ابن حلال يخاف الله ويردها يارب

[se7t]

السلام عليكم
والله مدري وش اقولك يالمري
لكن في الدين والشرع يقول كما تدين انت كمله ومقصدي مفهوم لكن بصير احسن منك واقول الله يسامحك علي اللي سويته فيناوانت فاهم قصدي
فينا وفي غيرنا

تقبل مروري ونقدي برحابت صدر وانتقادي لك

[السومر]

الله يعقلهن

الله يجعلهن يطيحين بأيادي اهل الامانه والنيه الطيبه مزحزحين ضيقة المكروب

[Gamam]

السلام عليكم
والله مدري وش اقولك يالمري
لكن في الدين والشرع يقول كما تدين انت كمله ومقصدي مفهوم لكن بصير احسن منك واقول الله يسامحك علي اللي سويته فيناوانت فاهم قصدي
فينا وفي غيرنا

تقبل مروري ونقدي برحابت صدر وانتقادي لك


انشاء الله المري راح يعطيك حقك
و لا هو بجاحده ان شاء الله
وقصتك معروفة للكثير وانت ماقصرت
وانا من هنا اطلب من المري مراجعة نفسة
ولا ياخذ شي حرام

[جفنان ينبع]

الله يعقلهن لك ويفرحك في رجعتهن

[عابر الموج]

الله يعقل حلال المسلم والتدخين مضر في الصحة باين المالبورو تقبل تحياتي

[شريف مكة]

السلام عليكم ورحمة الله وبركاته
مسا ء الخير علي الجميع والله يعقله ويستا هل ابو فهد الفزعه
ويبشر با العوض تحياتي للجميع

[ذراع الذيب]

الله يعقلها ,,,,,,,,

[المري]

الله يجزاكم خير جميعا وماقصرتو كلكم


وعسى الله يعقل على كل مسلم..


*****


اخواني : Se7t و Gamam


والله ماعندي خبر لامن بعيد ولا من قريب بالسالفة كن عندي شي لكم


ابشروبه وانا مانيب والله خابر شي !!!


عطونا علومكم الله يجزاكم خير!!



اخوي Gammam


وش قصته المعروفه للكثير !! دامها معروفه للكثير علمني عنها تراني


ماادري عن شي !!!


يادافع البلا


يالربع وش القصة ؟ افزعولنا

[المري]

يالربع العلم وش هو ؟؟


ان كان لكم حق عندي فبشرو بالحق


اعطيكم من حلالي كيف ان الحلال حلالكم على قولتكم!

Se7t و Gamam



وان كنكم ظالميني الله يسامحكم وان بايح منكم

دنيا واخره !

وضحو لي ولاخواني في مكشات بالعلم كامل

وابشرو بالحق واللي اقدر عليه ابشرو به

وعسى الله يجملني مع الرجال اللي يعرفون الحق

والعلوم الغانمه

[روزفلت]

عسى الله يعقل عليك حلالك ولا يهمك القول يابو معيض
سبق واحد الاعضاء نزل موضوع شكر يوم ترد له طير ضايع لا حجل ولاغيره باجتهاد منك فوق الواجب واللي يسوي هالسوات موفق باذن الله ويخاف ربه ولاياكل حق غيره

[المري]

مرحبا اخوي روزفلت


والله مانيب خابر شي اني اخذت طير احد ولا جحدت طير احد


حتى اني اروح اشتري الطير المقبوض واوديه للمستشفى واقول


عطوني رقم راعيه ...


بس الربع هذولا جعل ربي يوفقكم دنيا واخره


كلامهم والله انه قوي علي


ولا ابغى احد يشيل في خاطره علي لاكبير ولاصغير


الدنيا تبغى والاخره تبغى اكثر


وجعل ربي يجعلنا عند حسن ظن الناس فينا


ونصبر الين نشوف وش السالفة ولا يصير خاطرهم


الا طيب


اخوان وجمعنا مكشات على العز والطاعة والعلوم الغانمه


ومعرفة الرجال اللي مثلكم وشرواكم


اخوكم - المري

[ذراع الذيب]

مرحبا اخوي روزفلت



والله مانيب خابر شي اني اخذت طير احد ولا جحدت طير احد


حتى اني اروح اشتري الطير المقبوض واوديه للمستشفى واقول


عطوني رقم راعيه ...


بس الربع هذولا جعل ربي يوفقكم دنيا واخره


كلامهم والله انه قوي علي


ولا ابغى احد يشيل في خاطره علي لاكبير ولاصغير


الدنيا تبغى والاخره تبغى اكثر


وجعل ربي يجعلنا عند حسن ظن الناس فينا


ونصبر الين نشوف وش السالفة ولا يصير خاطرهم


الا طيب


اخوان وجمعنا مكشات على العز والطاعة والعلوم الغانمه


ومعرفة الرجال اللي مثلكم وشرواكم



اخوكم - المري


هلابك يالمري,,

ومرحبابك يالغالي يالله حيه.... طيبك مخبور ولاتشيل هم ورايتك بيضا ياطويل العمر,,
والكل يمدحك فيه ناس اعرفهم ضاعت عليهم طيور تدري وش يقولون؟
يدعون الله ان تطيح طيورهم عندك وموفق خير,,

[falcon 1]

الله يعقلهن ان شاء الله والحلال ما يضيع

[راشد حسين]

الله يعقله

[عـــــزام]

الله يعقله

[حمد هضبان]

الله اعقله لك انشاءالله

[ابن الاصيل]

الله يعقله والحلال مايضيع

[انسانه؟]

الله يعقلها لك ,
وان شاء الله تلاقيها..

[ابن حـنيف]

ارررحب يالمرري

اول شي .. الله يعقلها يا رب ويردها لكم

والطير والله ماهو بقيمته كثر ماهي غلاته عند راااعيه

وثاني شي اعتب عليك يالغالي بإنك حاط صور الطيور ،، ويا ليت لو اكتفيت بالاعلان

ولكن بقول عسى ربي يسوقهن لواحد شرواك ويتواصل معك طال عمرك ويرد الحلال لراعيه



تحياتي ..

[alrshedi]

السلام عليكم ورحمة الله وبركاته
الله يعقل طيوركم يالمري
مال الحلال مايضيع يجيك ابن الحلال شرواكم ويبشرك ان شاء الله
لا تنسا الدعاء والله يعقله ان شاء الله

[منصور بن محمد]

السلام عليكم ورحمة الله وبركاته

كيف حالك يالمري ؟؟
بشرنا عنك ؟؟
الله يعقلهن لكم

وعلومك غانمه يابو معيض

[أبوفرحان]

الله يعقلهم عليك
اللهم آمين

[the_wolfq8]

عسى الله يعقل على اهلها

[راعي مختار]

ارررررررحب يابومعيض الله يعقل الطيور وبيجيبها الله انشاء الله ونت يالذيب مايجي منك قصور مايجي منك الا كل علم طيب .اخوك ابوحمود

[المسرع]

اللــه يعقلها عليـكم

[أحمد البصمان]

معوض يالمري
وعسالله يعقل عليك وعلى كل مسلم

[الهداد2010]

اللــه يعقلها ان شاء الله

وانا والله ماعرفك يابومعيض شخصيآ
لكن اسمع عنك كل علم زين وطيب
والله يكتب الي فيه خير

[المري]

الله يجزاكم خير وماقصرتو

[راكان1000]

الله يعقلها انشاء الله
وانت غني عن التعريف يا بو معيض وعلومك كلها غانمه



يابومعيض يوم المراجل كليفه


شرواك حاز المرجله مع شرفها


دايم علومك يارفيقي نظيفه


وغيرك زهور الطيب ماقد قطفها


ودايم فعولك بالمواقف شريفه


ماهو يهمك صعبها مع صلفها


مدة يمينك مابعد جت شفيفه


منته تحرى مدتك ويش هدفها


عسى حياتك يارفيقي مريفه


يافخر نفسا جت تدور شرفها

[nasser2003]

الله يعقلها ان شاء الله.....

[مرار]

السلام عليكم ورحمه الله وبركاتة ...اللة يعقل طيوركم وترجع انشاء اللة ورايتك بيضاء يا المري وعلمك غانم اما بخصوص الاخوان Se7t و Gamam اسلوبكم هذا مرفوض والرجال الي لة حق يعرف بنفسة ودامة كتب في المنتدى يعلم بالسالفة وان كان لة شي بياخذة .ارجوا انة تكون عندكم الشجاعة وتردون على الرجال

[المري]

ماعليك زود ياراكان

وجعلك ذخر


اخوي مرار
ماقصرت وعزالله كلامك هو عين الصواب

[قنيص غير]

اللــه يعقلها عليـكم

[wwmfs]

الله يعقلها ويفرحكم فيها

[فارس 74]

الله يعقل عليكم يابو معيض

وكلن يعد ما واجهه حنا غدالنا طير وماقصرت معنا ساعدتنا ودورته معنا وعلمك طيب
ولا نجحده والله يجزاك عنا خير

وبيض الله وجهك يابو معيض

[المري]

الله يجزاكم خير وعسى الله يجملنا مع الرجال اللي مثلكم وشرواكم

[راعي مسكت]

الله يعقلها انشاءالله
وابومعيض مستحيل يجحد طير او يسرق طير هذا كلام مفروغ منه
ومادري ليه الشباب يتكلمون عليه (ويش هو الي كما تدين تدان )عيب والله عليكم
واذا فيه سؤ تفاهم وضحوه لنا وانا اول واحد بارد لك حقك مهو بو معيض
بومعيض مصلي ورجال يخاف الله وهو فوق هل الامور
وشهادتي فيه مجروحه

[الاشعل 316]

الله يعقلها عليكم

ابو معيض انت رجال معروف والنعم فيك ورايتك بيضا وما شفنا منك الا كل خير

والله لو اقول كل اللي عندي ما اوفي بحقك وتستاهل كل خير

وانا ما دخلت الا للدفاع عنك

[حمد العذبي]

السلام عليكم
والله مدري وش اقولك يالمري
لكن في الدين والشرع يقول كما تدين انت كمله ومقصدي مفهوم لكن بصير احسن منك واقول الله يسامحك علي اللي سويته فيناوانت فاهم قصدي
فينا وفي غيرنا

تقبل مروري ونقدي برحابت صدر وانتقادي لك

صح النوم يامشرفين!!

احد يوقف ذا السلاتيح الي توها متعلمه الصقاره وتبي تطلع على اكتاف غيرها
عند حدها..

[كلاش 1]

أللة يعقلها على أهلها أنشأللة

[المري]

الله يجزاك خير خوي راعي مسكت
وعسانا نكون عند حسن الظن وانا اخوك

انشهد يبشرون بالحق ان كان حقهم عندي

ويبشرون بالحق ايضا ان كان عند احد من ابناء قبيلتي ال مره

بس يوضحون السالفه مضبوط

والله يسهلها

اخوكم المري

[المري]

ارحب ارحب يابوعبيد

لا لا يتدخلون المشرفين وانا اخوك

خلنا تشوف اللي في خاطرهم

لايرحون كذا واللي في خاطهم فيه لازم نعالج الموضوع

وعسى الله يوفق الجميع

[هاوي هدد 11]

الله يعقلهاوالي فيه نصيب ما يروح
ياجبل ماياهزك ريح

[نواف وبران]

يالربع شنو الموضوع جحد ومدري ايش خلونا على بينه الرجال باين عليه مظلوووم

الرجال يدور منكم الفزعه والدعاااء لعقلان طيوره

صفووو النفوووس تره كلها كومة ريش والعلم الغانم يبقى

اخوي المري عسى الله يعقل عليك طيورك اللهم آمين

[الرقعي]

عسى الله يعقلها يابومعيض وابشر بالعوض وانا خوك

[راعي عزام 123]

طيورا طيبه عسى الله يعقله
وابوي معيض رجال كفو شروا من يقرا
واللي له حق عندده عز الله ماهوب رايح

[501]

الله يعقل عليهم ان شاء الله طيورهــــــــــــم ويفرحهم فيها
501

[ولد مساكن]

السلام عليكم و رحمة الله و بركاته

عن المرّي أسأل و من سال لا يخيب **** أهل الرّجوله و الكرم و الصّقاره
أهل الفخر و الجود و للعلّه طبيب **** و معروف من هو و ما هي دياره


خسأ كل من يشكّك فيك يا المرّي و اللّي له شي يقوله على روس الأشهاد

[NZ Diver]

الله يعقل الغوادي على راعينها ويفرحهم بها

[رفحاوي 999]

الله يعقلهم عليك
اللهم آمين

[صقرالعوسي]

الله يعقلها ان شاء الله

[alanaziB52]

الله يعقلهم لك

[النداوي84]

الله يعقلهم عليك
اللهم آمين

[هاااااوي]

الله يعقلهن عليكم .

[ولد السبع]

ابو معيض مساك الله بلخير واصبحك الله بلخير انت ولموجدين

فيه مثل نسمعه من زمان يقول ردات العقل مصيبه
وماهي غريبه وهذا مريض نفسي الله يشفيه
ونت تدفع من جيبك لجل غيرك وحقك البيضاء
اخوك جابر البريدي

[se7t]

السلام عليكم

مساء الخير للجميع
اخواني اللي قالو كلام ماله داعي انتم اتوقع مو من حقكم تقولون هالكلام قبل تسمعون الموضوع اما اللي يقول سلتوح ومن هالكلام اترفع عنه ولاانزل لمستوااه

اخوي المري انا بوجه لك سؤال والاجابه هي الحكم بيني وبينك ان كنت انت اللي في الصوره الاولي اللي فيها الطير الاابي اقول السالفه كله وان كنت مهو انتي لا والله مالك شغل في الموضوع

http://a1.sphotos.ak.fbcdn.net/hphotos-ak-ash1/167551_10150359963030182_720330181_16802247_518420 8_n.jpg

ان كنت اللي في هالصوره ابي اقول الموضوع كامل والحكم بينا الناس اللي فيها خير وتعرف الحق وتعرف العلوم
وان شاءالله يالمري تكون مو اللي في الصوره وهذااللي اتمنااه من الكلام اللي قريته ثانياا بخصوص عدم ردي علي الموضوع سبب العمل هو اللي اخرني عن الرد


انتظر الاجابه منك يالمري

واتمني من الاخوان بعدم التلفض في كلام ماله داعي وانترفع عن هالكلماات اللي لا تجيب ولا تودي

بنتظار الرد من الاخ المري

[الاشعل 316]

se7t

ترا اللي بالصور ماهو اخونا ابو معيض

[se7t]

هلا فيك اخوي الغالي الاشعل
بيض الله وجهك علي هالمعلومه
وانااتمني انه مايكون هو
بس اتوقع انه يعرف اللي في الصوره واللي في الصوره حصل لنا منه موقف وراح اقول موضوعه
وانا مانلام لانه اللي كتب الموضوع واللي نزل الصور هو المري
يعني اتوقع انه له معرفه في راعي الصور
وموقف الرجل مهو زين معنا وراح تحكمون كلكم في الموضع بس يجي المري ويتكلم
ويقول منو هو اللي في الصوره
تقبل تحياتي واشكر مروك علي الموضوع يالغالي

[وشــــام]

الله يعقل على المسلمين جميعا

[هبوب]

اللة يردها لك

[راعي غضبان]

الله يعقلها اللهم امين

[راعي جالود]

عزالله ما كذب اللي سمّا الكروان ( مخلي الوكور )


الله يعقلهم وإن شاء الله نشـوفك .. تبشرنا .. بـ عقلانهم

[راعي شلهوب]

السلام عليكم
الاخ الي ينشد عن راعي الصورة انا راعي الصورة عبدالعزيز بن فهد السويكت وان كان عندك سالفة عطنا سالفتك وان كان لك ريال خذ الف وعطني علمك وش عندك

[راعي غضبان]

الله يعقلها انشاء الله
وانت غني عن التعريف يا بو معيض وعلومك كلها غانمه



يابومعيض يوم المراجل كليفه



شرواك حاز المرجله مع شرفها



دايم علومك يارفيقي نظيفه



وغيرك زهور الطيب ماقد قطفها



ودايم فعولك بالمواقف شريفه



ماهو يهمك صعبها مع صلفها



مدة يمينك مابعد جت شفيفه



منته تحرى مدتك ويش هدفها



عسى حياتك يارفيقي مريفه




يافخر نفسا جت تدور شرفها


صح لسانك اخوي الشاعر ويستاهل ابومعيض وعلومه كلها غانمه
والله من طيب الذمه الله من طيور طرحوها جماعته وجابها لهلها الله يبيض وجهه وشلون لو انه طرحها بنفسه انشهد ان الله عقلها لاطاحت بيده
والله يكثر من امثاله وجنسه والله يعافي شيبانه
والف شكراخوي

[ولد السبع]

ونعم ياعبدالعزيز
الله يعقل عليك

[الصامل1]

الله يعقلة عليك

[se7t]

السلام عليكم
الاخ الي ينشد عن راعي الصورة انا راعي الصورة عبدالعزيز بن فهد السويكت وان كان عندك سالفة عطنا سالفتك وان كان لك ريال خذ الف وعطني علمك وش عندك


السلام عليكم

ان كنت انت راعي الصوره انت راعي الجيب الاندكروز الذهبي اللي مكسور صطابه الايمن
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتظر منك الاجابه

اما بخصوص اخوي بو معيض اخوي الغالي انا ماعرفك لكن دام جاوب هالحبيب علي الموضوع وقال انه هو راعي الصوره انت بري من سالفتنا والسالفه ان جاوب وقال انا راعي الجيب اللي وصفت راح اكتب الموضوع وتعرف السبب اللي خلاني اتهمك يابو معيض لانك انت اللي كتبت الموضوع
واكرر اعتذاري لك وانااخوك
وبخصوص عبد العزيز ابشر بالموضوع وراح يكون موضوع كامل ويشهدون عليه الرجال اللي في هالمنتدي
تقبل مروري يابو معيض علي موضوعك واكرر اعتذاري لك

الحين علي قولت القايل لقيت خويي وبتكلم معكم في الموضوع واتحكمون انتم
واتمني من الاخوان عدم التلفض في كلام ماله داعي

[راعي شلهوب]

االله الله انا راعي الجيب الذهبي اللي اسطابه مكسور

[se7t]

المشرف السابق ابو معيض اخي الكريم اعتذر منك واناا اخوك انا قريت الموضوع وانت تقول فيه طيور لك
ان كانت الطيور لك وانااخوك الله يعقله لك وتقبل اعتذاري
بخصوص الحبيب عبد العزيز هذاانت قلت اي نعم وخوينا المري مارد علي الموضوع كلش يمكن الرجال مشغول وعذره معه
عبد العزيز اليوم راح انزل موضوع في المنتديوالناس تحكم في الموضوع
ترقب موضوعي اليوم ان شاءالله

[المري]

السلام عليكم

اولا شي : معذور وعسى الله يوفقكم للخير

ثاني شي: والله ماودي ان موضوعي يسبب مشكلة بينك وبين راعي شلهوب

[البرنس الليبي]

الحمدلله اللي طلّعك بري يابومعيض والله يعقل عليك

اذكروا الله يالربع وتعوذوا من الشيطان

[بواردي بدران]

بيض الله وجهك يابو معيض
انك سامحة الرجال
ونعم والله فيك والله يكثر من امثالك

[عـــــزام]

الله يعقله

[خافق الريش]

عسى الله يعقله
وابوي معيض رجال كفو شروا من يقرا
واللي يعرفه ابدا ما يصدق اللي قيل من كلام....وراح يتفاجأ ولا ينصدم الصدق رجل بن حلال ويخاف الله وتحطه على يمناك ولا نزكيه على الله

[رامى السيد]

انشاء الله ربنا يردهم لك المال الحلال ما يروح ابشر انشاء الله خير