المساعد الشخصي الرقمي

مشاهدة النسخة كاملة : زنقه +زنقه الطرنبه خربانه ممكن مساعده تفضلو هنا ياربع


عطيب ومايغيب
11/04/2011, 10:21 PM
اخواني الاكارم السلام عليكم ورحمة الله وبركاته...


اخواني انا عندي جمس مديل 96سوبر ...دايم تخرب فيه الطرنبه البنزيل....

ويقولون فيه ترهيم ناجح 100% ممكن فزعه ولكم الدعاء

انا رجال عندي عيله كبيره ولله الحمد الوالده واولادي وبناتي واختى ...واسافر من مكان الى مكان ودايم خايف من الطربنه حتى الصلاه احيان مصلي الافي منطقه كبيره كل خايف من العطلا....

هذي قصتي وارجو الافاده....
النبع الصافي
11/04/2011, 10:37 PM
بعد معاناة ما لك إلا الصبر
الترهيم ولا غيره ما ينفع
الله ييسر أمرك
email man
12/04/2011, 01:15 AM
يمدحون طرمبة جراند شروكي 8 سلندر
إسمها موبار mopar
يركبونها للجموس بالقصيم
adil33
12/04/2011, 04:41 AM
عندي سيارة الوالد كان فيها نفس المشكلة مرتين اغير لها طرمبة البنزين من الوكالة واخر شيء قررت اركب طرمبة فيدرل والان لها من عام 1429 وما غيرناها والعزم ثابت ولا تغير واختلف صوت الزنة الي تجي في الخلف وخف استهلاك البنزين كثير مع العطاء الجيد للسيارة
عطيب ومايغيب
12/04/2011, 11:05 AM
عندي سيارة الوالد كان فيها نفس المشكلة مرتين اغير لها طرمبة البنزين من الوكالة واخر شيء قررت اركب طرمبة فيدرل والان لها من عام 1429 وما غيرناها والعزم ثابت ولا تغير واختلف صوت الزنة الي تجي في الخلف وخف استهلاك البنزين كثير مع العطاء الجيد للسيارة

اخي الكريم جزاك الله خير...عندي كم استفسار

هل سيارة الوالد جعله في الجنه ..جمس ولا شفر والمديل كم

فيدرل والله مافهمته جمس نسان بنز وشو ممكن توضح لي اكثر

مكان التركيب وين ركبته..
وهل داخل التانكي ولاخارج ...بنتظار ردك الكريم
عاشق GMC مصفح
12/04/2011, 12:08 PM
حبيبنا جرب طرمبة في اكس ار هذا علاج الطرمبات معروف
الصمان 2
12/04/2011, 12:46 PM
راجع هذا الرابط :



توليف طرمبة الجمس (vxr) صـــور (http://www.mekshat.com/vb/showthread.php?t=264677&highlight=%D8%D1%E3%C8%C9+%C7%E1%CC%E3%D3)


موفق يالغالي .





.
هماس2009
15/04/2011, 02:53 PM
فعلاً غير لسيارتك طرمبة في اكس آر انا غيرتها في يوكن 95 من ثلاث سنوات وباقي إلى الحين ما عطلت
كانت قيمتها في ذاك الوقت 580 ريال وما ادري ارتفعت أو لا
سعود الرمالي
17/04/2011, 03:05 AM
صدقوا الإخوان ركب طرمبة لاند كروزر وادع لنا أنا مثل حالتك وركبتها من مدة طويلة وارتحت والحمد لله
السنع كله
17/04/2011, 06:31 AM
موديلات التسعين فيها خلل اول وصول الاسلاك للطرنبة دايم احركها بعلاق ملابس وتشتغل
الترهيم طنبة فكس ار الاصلية ممتاز لكن الاهم تغيير افياش الاسلاك فوق التانكي
راعي الركيات
19/04/2011, 03:52 AM
حبيبنا جرب طرمبة في اكس ار هذا علاج الطرمبات معروف

طرمبة الفورد افضل منها من خلال تجربه شخصيه مع يوكن 97
YUKON_GMC
20/04/2011, 08:20 PM
دايم اللي يخرب الفيش اللي فوق التانكي بسبب حراره من زيادة فوطيه يصدرها كمبيوتر السياره في حالة عدم صفاوة المكينه لتعويض النقص الحاصل بالعزم ..

وحين تركب طرمبه جديده تأخذ فتره وتتاثر افياش الطرمبه من الفيش القديم

لو تجرب الطرمبه الخربانه بعد تنزيلها غالباً تجدها شغاله .. وصارت معي ثلاث مرررات ..

لكن العماله السايبه اللي عندنا مايعرف غير " صديق روح جيب طرمبة بنزين "

للحفاظ على الطرمبه دائما غير صفاية بنزين كل ستة اشهر وبواجي كل سنه مع ملاحظة عدم وجود ضعف عزم بالسياره والا يجب عمل صيانة لها وتنظيف بخاخات ..
النوبل
20/04/2011, 09:44 PM
غير طرمبة vxr نوع ( دنسو ) وأتكل على الله

أنا مضبطها لـ سوبر 97 والحمد لله الأمور تمام


وإذا تبي ورشه تضبطها لك

رح لصناعية الرياض القديمه - مركز الجابري ( المهندس صالح الجابري )

وهذا جوالهم بعد إذن الإداره

0533433922
أبو مزنه
29/04/2011, 12:01 AM
أنا معي سوبربان موديل 2002 دايمن تتعطل الطرمبه لدرجة اني ركبت حقت vxr
وتعطلت معي وفي النهايه طلع الحل بسييط ما تخلي البنزين ينزل تحت الربع ولا تعبي من المحطات الوسخه ولا تعبي وقت الغبار
حسين السبيعي
30/04/2011, 05:21 PM
أنا معي سوبربان موديل 2002 دايمن تتعطل الطرمبه لدرجة اني ركبت حقت vxr
وتعطلت معي وفي النهايه طلع الحل بسييط ما تخلي البنزين ينزل تحت الربع ولا تعبي من المحطات الوسخه ولا تعبي وقت الغبار
كلام سليم 100%100 وصادر من صاحب خبره
GMC89
01/05/2011, 04:13 PM
غير طرمبة vxr نوع ( دنسو ) وأتكل على الله

أنا مضبطها لـ سوبر 97 والحمد لله الأمور تمام


وإذا تبي ورشه تضبطها لك

رح لصناعية الرياض القديمه - مركز الجابري ( المهندس صالح الجابري )

وهذا جوالهم بعد إذن الإداره

0533433922
اوافقك الراي
بدوري7
03/05/2011, 11:36 AM
هلااا آخوووي
والله انا معاي صالون 97
وجتني مشاكل الطرمبه بالسنه توصل اغير مرتين او ثلاث
ودخلته بورشة بالرياض .. وقال لي جيب طرمبة لاند كروزر 99
ورحت وجبت طرمبة آصليه قيمتها تقريباُ الان 600 ريال
طبعاً راعي الورشة بيقول لك شنو تجيب معاها ..
لانه بيقول جيب سلكين قفيز للي يركب بالطرمبه
والحمدلله لي الان 3 سنوات وانا مفتك من هالمشاكل
بس انا كل ما بين فتره وفتره اغير صفاية البنزين بعد 7 او 8 شهور
وان شاء الله افدتك آخوي
راس البر 2
13/06/2011, 03:42 PM
السلام عليكم جميعاً .. اخوي عطيب انا كان معي جمس يوكن موديل 97 وخربت الطرمبه ورهمتلها الماني بس بعته بعدها بفتره بس الالماني معروووف ماشالله ... بس الافضل انك تسأل اكثر للفائدة ...


تحياتي: راس البر 2 عاشـــق (GMC)
سفاري فتك
15/06/2011, 11:13 AM
حسب تجربتي ركبت طرنبة حقة في اكس ار على يوكن99 وماشاءالله
100% علما تركيبها سهل جدا بس اهم شئ يركبها واحد فاهم , قيمة فك التانكي وتركيب الطرنبه في الصناعية القديم من 150 ريال الى 200 ريال ؟
تحياتي
المتزمجر
15/06/2011, 12:04 PM
اخوي عليك بطرمبه vxr او الفياجرا والله يوفقك