المساعد الشخصي الرقمي

مشاهدة النسخة كاملة : مشكلة بالجيب لاندكروزر في اكس ار 98


العاج
13/04/2011, 07:25 AM
السلام عليكم ورحمة الله وبركاته .

اخواني الاعزاء اناعندي جيب في اكس ار 98 ياجماعة الخير الموتر وانا امشي يثقل ويصير عزمه بطيئ بمعنى الكلمة وتحجر الفرامل لدرجة انها يصير كأني اضغط على بلكة وقالو لي ان الشغلة قماشات وصوف ومن هالكلام ورحت وغيرتها وخرطتها ورجعت المشكلة من جديد .

واليوم يا اخوان راجن من الله ثم منكم الفزعة وانكم تدلوني على ورشة معروفة بالدمام

ولكم من جزيل الشكر والعرفان .
mr.قهد
13/04/2011, 08:24 AM
اخوي يسعدني ان اكون اول من يرد على موضوعك
اخوي شوف موترك يكربن ولالا وشيك على البخاخات وباكم الفرامل
وتقبل تحياتي
العاج
13/04/2011, 08:51 AM
يامرحبا والله يحيك وانا اخوك

والله يابن الحلال مهوب يكربن بس مثل ماقلت يثقل لدرجة ان الفرامل يطلع من الكفرات الامامية دخان
رحال7
13/04/2011, 10:54 AM
اذا يطلع دخان يعنى ان القماش يمسك ولا يفتح...وهنا اعتقد المشكله فى الهيدروليك..
عندك حلين:

الاول وهو الاسهل وهو تقوم بعمل تغيير كامل لزيت الفرامل ويتم تنسيم الزيت من جميع الكفرات الاربع...وتشييك القطعه (لا اعرف الاسم) التى تفتح وتسكر القماش بقوة ضغط الزيت...هذا شىء معروف ويجب عمله كصيانه دوريه..

اذا لم ينفع فلا بد من تغيير البريك بوستر (Brake booster) وهو الجزء الدائرى اللى فيه علبة زيت الفرامل...والمفروض تكون غيرته من قبل على الاقل مره واحده!!!!

الامر بسيط ان شاء الله ...توكل على الله
العاج
13/04/2011, 11:01 AM
الله يبيض وجيهك وماقصرت بس ياخوي ماتعرف لك ورشة طيبة بالدمام لاهنت .
رحال7
13/04/2011, 11:15 AM
افضل الوكاله وترى سعرهم ما اعتقد بيفرق وشغل ضمان! يعنى اذا فيه مشكله يبدلون قطع الغيار على حسابهم بينما الورش الخارجيه لا يضمونون قطع الغيار...مشكلة الوكاله التأخير اذا ما عندك موتر بديل ولكن انصحك بقوووووه تروح الوكاله!

هناك ورشة رد كاب شغل نظيف!

وهناك ورشه فى الخضريه متخصصه باللاند لا اذكر الاسم يمكن الاخوه يفيدونك!


الامر بسيط ان شاء الله
العاج
13/04/2011, 12:32 PM
الله يعطيك العافية يارب بس وانا اخوك موتري شاريه مستعمل ولاحظ موديله 98 .
والله لايهينك وبيض الله وجهك .
شامخ ألهيلا
13/04/2011, 12:56 PM
السلام عليكم

اخوي وش نوع فراملك عادي او مانع انزلاق abs
مجنون عسل
13/04/2011, 01:29 PM
اخوي الله يكون في عونك وأن شاء الله يفيدوك الشباب
العاج
13/04/2011, 02:51 PM
مراحب بالجميع فراملي عادي .
راعي الفزعه.
13/04/2011, 04:51 PM
ياخوي العاج شيكت على الباكم ؟؟

لآن الباكم تلاقي داخله زيت وصارت الاقمشه تعلق بالهوب وتطلع دخان

وعشان كذا تحس ان عزمه يطيح لان الاقمشه ماتفك من الهوبات
شامخ ألهيلا
13/04/2011, 07:24 PM
السلام عليكم
بخصوص مشكلتك 80% من الباكم و20% من الكليبرات
ياليت تشووف مهندس مختص يفحص لك الباكم اول ثم الكليبرات
الباكم لاتاخذ جديد في الصناعيه محلات مختصه في بيع الباكم المستعمل وباقل الاسعار
./عنيزاوي./
13/04/2011, 07:46 PM
اخي العاج
السلام عليكم
خذ العلم الوكاد فرامل السياره تحتاج طقم اصلاح كليبر او كليبر جديد
الوقيدي
13/04/2011, 09:35 PM
السلام عليكم: 1-فحص الباكم ادعس رجلك على الفرامل ثم شغل السياره اذا نزلت دعسه الفرامل معك الباكم جيد
2- علبه الزيت العلويه اذاكنت احيانا تدوس فرامل والسياره ماتمسك اوتفوت مسك معك فهي خربانه اوخروج زيت فرامل منها من ناحيه الباكم اومن داخل السياره من فوق دواسه الفرامل ترى تسرب زيت بريك اونسم زيت من الكليبر اذاخروج الزيت ضعيف فعلبه الزيت العلويه عطلانه. او المواسير مسكركه تحتاج نفخ بالهواه بعد فكها من فوق وتحت حتى يتم النفخ بالراحه .
3- الكليبر فك الكفر اولا ثم دوس فرامل قبل فك القماشات اذاتحرك الكليبر من الجانبان فهو جيد . الحكركه ملاحظه بالعين . والعكس صحيح .