محمد العبدالسلام
03/12/2005, 01:34 PM
السلام عليكم ورحمة الله وبركاته
فقدت احد الاصحاب وسألته وينك لك مده ما شفناك قال ..
قدر الله علي وشريت سياره تويوتا مستعمله وبعد ما شريتها رحت عليها مشوار فقدر الله علي وانكسر العكس وكانت السيارة من نوع برادو 1997م نظام Abs المهم شلت السياره بالسطحه والى الورشه ففك الميكانيكي السيارة وقال سيارتك بها العكس مكسور ولازم تبدله يقول قلت بس سهله اجيب جديد قال لا الجديد غالي ولا يجي الا كل شئ لحاله اشتر من التشليج تاخذ كامل احسن لك واقل تكلفه بكثير يقول وعلى التشليح وامسك التشليح مثل ما امسك صفحات النت تقليب ولا حصلت العكس اللي ابي كل الموجود عادي ولا يركب .. يقول وانا اللي اطير الى محلات قطع الغيار ولا حولك احد .. قالوا مالك الا الوكاله قلت الوكاله الوكاله وصاروخ يم الوكاله والضحيان يقول رح يم الرشيد والرشيد يقول رح يم عبداللطيف جميل قلت ما لها الا عبداللطيف وعلى طول لخريص ولا حولك احد قال الموظف بالوكاله عند عبداللطيف جميل ماعندنا شئ لا بالرياض ولا بغيره لكن فيه حبه وحده فقط ..... بمستودعات جده ويمكن تركب ويمكن ما تركب لكن ادفع .. ( وهذا اهم شئ عندهم ) ونطلبها لك وفي حالة ما ركبت ترى مالنا شغل فيك تتحمل القطعه - والله مسخره - المهم يقول قلت اذا صار الوضع ما ذكرت اسمح لي يقول ويم البازعي ولا حولك احد ويم تشليح الصناعية القديمة ولاحولك احد يقول والسياره اصبح لها خسمة ايام بالورشه ويقول اصابني اليأس قلت مافيه غير ارجع لعبداللطيف جميل واشوف يقول واتوجه يم فرع العليا وهناك حصلت ولد شباب سعودي والله قمه بالاخلاق والتعامل قال لي هات لي رقم هيكل السيارة وانا اتأكد لك اذا كان القطعة بتركب ولا لا يقول وبرق لم السيارة واجيب له رقم الهيكل يقول طابق القطعة برقم الهيكل فصارت تركب يقول وانا اللي اناقز من الفرحة يقول قلت بكم قال 709 ريال يقول كأنه قايل سبعة ريال قلت اطلبهااااااااااااااا يقول قال ادفع عربون مئتين ريال واطلبها لك يقول وادفع العربون ويطلبونها قلت كم يوم قال يومين قلت اللي صبرنا خمسة ايام يصبرنا يومين يقول يوم جا يوم وصولها يقول وانا اللي صاروخ لمهم يقول قلت وصلت قطعتي قالوا وصلت وانا اتشقق ولما فتحوا الطلبيات .. يقول حتى من اللهفه رحت وقت فرز القطع المطلوبه توهم منزلينها من السيارة يقول ويدورون ولا طلبيتي ما وصلت وصل منها الرمان والصوف والعكس المهم ما وصل .. ليش!!! شالسالفه غير بدل ... قالوا والله ماندري يمكن القطعة مفقودة يقول وانا اللي انصدم .. يقول وانا اللي الح فيهم شوفوا شالسالفه يالربع انا متعطل ومعطل معي اصحاب الورشه ورشتهم صغيره وسيارتي مسكره عليهم قالوا خلاص اترك رقم جوالك وراح نشوف (..........) يقول واطلع من عندهم حالتي حاله المهم يقول لما جا العصر اتصل ما حولك احد اليوم الثاني الصباح اتصل قالو ارسلنا ايميل لم جده وراح ننتظر الرد قلنا .. طيب المهم لما جا اليوم الثالث اتصلوا علي وقالوا القطعة صارت مفقودة ولا لك غير تصبر لمدة 3-4 اسابيع لحين ما نطلبها لك من اليابان يعني راح يجلس الرجال ثلاثة الى اربعة اسابيع ينتظر بدون سيارة ويمكن توصل ويمكن ما توصل .... هذه معاناتنا مع اصحاب الوكالات بالسعودية .. شرايكم يا الربع
**مع ملاحظة ان الرجال صرف نفسه وحصل دفرنس كامل وشراه بقيمة 3000ريال يعني اذا خرب عندك يوم من الايام زرالمكيف راح تضطر تغير الطبلون كله عشان عيون عبداللطيف جميل وامثاله
فقدت احد الاصحاب وسألته وينك لك مده ما شفناك قال ..
قدر الله علي وشريت سياره تويوتا مستعمله وبعد ما شريتها رحت عليها مشوار فقدر الله علي وانكسر العكس وكانت السيارة من نوع برادو 1997م نظام Abs المهم شلت السياره بالسطحه والى الورشه ففك الميكانيكي السيارة وقال سيارتك بها العكس مكسور ولازم تبدله يقول قلت بس سهله اجيب جديد قال لا الجديد غالي ولا يجي الا كل شئ لحاله اشتر من التشليج تاخذ كامل احسن لك واقل تكلفه بكثير يقول وعلى التشليح وامسك التشليح مثل ما امسك صفحات النت تقليب ولا حصلت العكس اللي ابي كل الموجود عادي ولا يركب .. يقول وانا اللي اطير الى محلات قطع الغيار ولا حولك احد .. قالوا مالك الا الوكاله قلت الوكاله الوكاله وصاروخ يم الوكاله والضحيان يقول رح يم الرشيد والرشيد يقول رح يم عبداللطيف جميل قلت ما لها الا عبداللطيف وعلى طول لخريص ولا حولك احد قال الموظف بالوكاله عند عبداللطيف جميل ماعندنا شئ لا بالرياض ولا بغيره لكن فيه حبه وحده فقط ..... بمستودعات جده ويمكن تركب ويمكن ما تركب لكن ادفع .. ( وهذا اهم شئ عندهم ) ونطلبها لك وفي حالة ما ركبت ترى مالنا شغل فيك تتحمل القطعه - والله مسخره - المهم يقول قلت اذا صار الوضع ما ذكرت اسمح لي يقول ويم البازعي ولا حولك احد ويم تشليح الصناعية القديمة ولاحولك احد يقول والسياره اصبح لها خسمة ايام بالورشه ويقول اصابني اليأس قلت مافيه غير ارجع لعبداللطيف جميل واشوف يقول واتوجه يم فرع العليا وهناك حصلت ولد شباب سعودي والله قمه بالاخلاق والتعامل قال لي هات لي رقم هيكل السيارة وانا اتأكد لك اذا كان القطعة بتركب ولا لا يقول وبرق لم السيارة واجيب له رقم الهيكل يقول طابق القطعة برقم الهيكل فصارت تركب يقول وانا اللي اناقز من الفرحة يقول قلت بكم قال 709 ريال يقول كأنه قايل سبعة ريال قلت اطلبهااااااااااااااا يقول قال ادفع عربون مئتين ريال واطلبها لك يقول وادفع العربون ويطلبونها قلت كم يوم قال يومين قلت اللي صبرنا خمسة ايام يصبرنا يومين يقول يوم جا يوم وصولها يقول وانا اللي صاروخ لمهم يقول قلت وصلت قطعتي قالوا وصلت وانا اتشقق ولما فتحوا الطلبيات .. يقول حتى من اللهفه رحت وقت فرز القطع المطلوبه توهم منزلينها من السيارة يقول ويدورون ولا طلبيتي ما وصلت وصل منها الرمان والصوف والعكس المهم ما وصل .. ليش!!! شالسالفه غير بدل ... قالوا والله ماندري يمكن القطعة مفقودة يقول وانا اللي انصدم .. يقول وانا اللي الح فيهم شوفوا شالسالفه يالربع انا متعطل ومعطل معي اصحاب الورشه ورشتهم صغيره وسيارتي مسكره عليهم قالوا خلاص اترك رقم جوالك وراح نشوف (..........) يقول واطلع من عندهم حالتي حاله المهم يقول لما جا العصر اتصل ما حولك احد اليوم الثاني الصباح اتصل قالو ارسلنا ايميل لم جده وراح ننتظر الرد قلنا .. طيب المهم لما جا اليوم الثالث اتصلوا علي وقالوا القطعة صارت مفقودة ولا لك غير تصبر لمدة 3-4 اسابيع لحين ما نطلبها لك من اليابان يعني راح يجلس الرجال ثلاثة الى اربعة اسابيع ينتظر بدون سيارة ويمكن توصل ويمكن ما توصل .... هذه معاناتنا مع اصحاب الوكالات بالسعودية .. شرايكم يا الربع
**مع ملاحظة ان الرجال صرف نفسه وحصل دفرنس كامل وشراه بقيمة 3000ريال يعني اذا خرب عندك يوم من الايام زرالمكيف راح تضطر تغير الطبلون كله عشان عيون عبداللطيف جميل وامثاله