صافى السريره
14/04/2011, 01:36 AM
بسم الله الرحمن الرحيم
كيف ازهب يابو عبدالله زهاب ؟=وأحمل البرتا ودون الخلق علًه
حتى لو ترخيصها وسط الجراب=بعضهم يذَيك وتجيك المذلًه
ودي افصح كل مابي من عذاب=بس اخاف ازيد فوق الطين بله
آه ياوقت(ن) مضى واصبح سراب=صار مثل الحلم وين اللي يدله
يالله اصلح حالنا قبل الخراب=منهج(ن)معضم عربنا طالب(ن) له
قبل تغرق ذا السفينه بالركاب=وتفرح نفوس(ن)على الديره مغلًه
إعتبر يالمعتبر وارخ الجناب=السماحه هقوتي فينا جبله
الهبايب كاثره من كل باب=والعقد كثرت عسى ربي يحله
أنت ياللي سالين عيشك رضاب=خل عنك العلم ثم خله وخله
هل ترون الحر عشش كالغراب ؟=أو ترون الذيب قد صابته خلًه ؟
سارح(ن) مع ذا الغنم وسط الهضاب=مادرى ان العيش هذا فيه ذله
ودي أسهب بس مالي من نصاب=الفطين اللي يعرف العلم كله
شايبي وصًى الوصيه ثم غاب=قال خل الداب لاتاطا محله
لاغشتك الريح سكًر كل باب=ان بغيت النفس تبقى مسفهله
التمني ما يفيد اهل الطلاب=وقفي يانفس لاتذًيك زله
(آل بوهلال التميمي)10/5/1432هـ
كيف ازهب يابو عبدالله زهاب ؟=وأحمل البرتا ودون الخلق علًه
حتى لو ترخيصها وسط الجراب=بعضهم يذَيك وتجيك المذلًه
ودي افصح كل مابي من عذاب=بس اخاف ازيد فوق الطين بله
آه ياوقت(ن) مضى واصبح سراب=صار مثل الحلم وين اللي يدله
يالله اصلح حالنا قبل الخراب=منهج(ن)معضم عربنا طالب(ن) له
قبل تغرق ذا السفينه بالركاب=وتفرح نفوس(ن)على الديره مغلًه
إعتبر يالمعتبر وارخ الجناب=السماحه هقوتي فينا جبله
الهبايب كاثره من كل باب=والعقد كثرت عسى ربي يحله
أنت ياللي سالين عيشك رضاب=خل عنك العلم ثم خله وخله
هل ترون الحر عشش كالغراب ؟=أو ترون الذيب قد صابته خلًه ؟
سارح(ن) مع ذا الغنم وسط الهضاب=مادرى ان العيش هذا فيه ذله
ودي أسهب بس مالي من نصاب=الفطين اللي يعرف العلم كله
شايبي وصًى الوصيه ثم غاب=قال خل الداب لاتاطا محله
لاغشتك الريح سكًر كل باب=ان بغيت النفس تبقى مسفهله
التمني ما يفيد اهل الطلاب=وقفي يانفس لاتذًيك زله
(آل بوهلال التميمي)10/5/1432هـ