هل الصقر ذكر أم أنثى

[راع القنص]

إستفسار يالغالين
سمعت من واحد من الرجاجيل يقولي
الصقر مايجي إلا أنثى والتزاوج يكون عن طريق طير آخر
والسالفه ومافيها أنه سالني يومن من الأيام الصقر ذكر ولا أنثى؟
قلتله يجي ذكر ويجي أنثى قال أرفع علومك
أفيدوني مشكورين

[السومر]

يجي ذكر وانثى

والكلام يطول في هذا الموضوع ولكن اختصره عليك بموجز بسيط

اولآ/بالنسبه لصقور الشياهين لا تتزاوج الا مع نفس فصيلتها الا ان كان عن طريق التهجين

ثانيآ/ يوجد دليل قطعي بهذا الموضوع الا وهو مربط الاخ جراح في رفحاء تزواجت عنده صقور و بيضت الان

وفيه موضوع في ذلك على المنتدى

ثالثآ/هذا رابط فيه موضوع يبين ان لكل فصيله ذكور واناث

http://www.mekshat.com/vb/showthread.php?t=74682

[مقدام911]

بسم الله الرحمن الرحيم
السلام عليكم ورحمه الله وبركاته
تحيه عطره للجميع
اخونا الغالي لا يكون عندك شك ان اي من خلق الله من انسان او حيوان اونبات الى فيهم الذكر والأنثى
لقوله سبحانه وتعالى
(ومن كل شئ خلقنا زوجين لعلكم تذكرون )
صدق الله العظيم
اخوك مقدام 911

[البراء آل عثمان]

السلام عليكم

خويك إلي قال لك أرفع علومك

قول له طال عمرك أرفعها برافعه ولا بشنوا (للفكاهه)

الكلام إلي تقول مسأله منتهين منها وحطها قاعده الطيور الوافيه الزينه إلكبار من 16 وفوق في الغالب(تراها بنات )
والطير القصار الدقيقه وتجيك رجولها نحاف وطوال ومقاسها ما يزيد عن 16 وتحت في الغالب(تراها تماسيح)


رح لموشوع خوينا العرادي في إنتاج الطيور عنده بالمربط وراح تشوف الذكر والإنثى

تحياتي وأعتذر للمزح فقط لإضافة جو

[ابن الاصيل]

نعم فيه ذكر وانثى والانثى هي الاكبر حجم

[عاهد بن علي]

التبع ذكر الشاهين

الكوبج ذكر الحر

السيبيري الصغير ذكر السيبيري الكبير

الوكري الصغير ذكر الوكري الكبير

لجبيله الصغيره ذكر لجبليه الكبيره

دائمآ يكون الذكر اصغر حجمآ من الانثى