الفززززعة يالميكانيكية في يوووووكون 2007

[naqeel]

السلام عليكم يالمكشاتيين


عندي يومون طلع فيه السائق على خط الشرقية الاسبوع الماضي وقت الغبار.
وقبل ما يوصل اتصل بي يقول يابابا (اسناني واوا) :D مكينة يتحرك (ترج) وصوت السيارى عالي.


طبعاَ على طول ارسلت له واحد من الزملاء هناك اخذ السيارة لورشة وقالوا يبي لها كويل ومنظم واعادة برمجة تكلف مع قطع الغيار وكالة 2700 ريال :mad:.


فكرت اصلحها لكن لو صار شي لها صعبة ارجعها للشرقية، مالي الا ورش الرياض كثيرة ولو صار شي قريبين لرجعها لهم.


وديتها لورشة جنب البيت لك عليها، وقالي تحتاج بلووووف :eek: ويمكن راس مكينة :eek::eek::eek:، والقطع بلحالها ب 5000 ريال :f.


ياليت احد منكم اذا مرت عليه مثل هالشغلة يفيدنا او يذكر لنا ميكانيكي جيد.
الله يجزاكم عنا كل خير

[مغلي]

الله العالم ... ان المشكله .... ماتتعدا ... حساس متسخ او منفصل سلكه
وهالاغبياء (عمال الورش) يبون يخسرونك
.
.
افحصه كمبيوتر ... بورشه محترمه(البريدي - او الوكاله) وشف وش يقولون لك

[naqeel]

الله العالم ... ان المشكله .... ماتتعدا ... حساس متسخ او منفصل سلكه

وهالاغبياء (عمال الورش) يبون يخسرونك
.
.
افحصه كمبيوتر ... بورشه محترمه(البريدي - او الوكاله) وشف وش يقولون لك





الله يوفقك على سرعة ردك.

لو توصف لي ورشة البريدي اكون لك شاكر (لآن الوكالة مايعطون وجه الا سيارات الحكومة والتجار)

[الحصان 1]

اخوي اذا كانت السياره تمشي كب لها علبة زيت اتو ماتيك في التانكي
اصلي وعب البنزين النصف وامش عليها واذا ماصفت ودها الورش

[naqeel]

اخوي اذا كانت السياره تمشي كب لها علبة زيت اتو ماتيك في التانكي


اصلي وعب البنزين النصف وامش عليها واذا ماصفت ودها الورش


السيارة تمشي.

لكن لوكبيت علبة الظيت في التانكي ما يأثر على المكينة ؟

واذا ما يأثر وما صفت . هل تنصح بورشة معينة

[النووي 2009]

أن شاء الله تلقى لها الحل

[naqeel]

الله يجزاكم خير جميعا على ردودكم.

لكن حتى الان لم اجد رد كافي ( ورشة متخصصة)

[naqeel]

الله يجزاكم خير جميعا على ردودكم.


لكن حتى الان لم اجد رد كافي ( ورشة متخصصة ويكون ثقة )

[ملك الفكتوريا]

تبي نصيحتي انت بنفسك دور البلا بالمكينه يا سلك مو مشبوك زين والا وصخ



وبعدين بجي معك حبه حبه حساس حساس سلك سلك :D



1- صديقك وداها وقالوا كويل ومنظم واعادة برمجه

* كويل/ يمكن ولكن الكويل يسبب رجه من 60كم الى 90 كم
ولا يكشف خراب الكويل الا الكمبيوتر فهل تم الفحص بالكمبيوتر

* منظم / من علامات خرابه ان عداد ضغط الهواء يلعب على خفيف يعني ما يكون على الشرطه اللي تحت واحد ويثبت بالوقوف لا يلعب بالطريقة التذبذب ويصاحبه رجه خفيفه جدا او مع التعشيق على D تضعف الكهرباء شوي

* اعادة برمجه تقدر تسويها انت من الكاتلوج وترى كلها شغل السويتش ثلا مرات وادعس البنزين كم مره يعني سهل



2- أنت رحت لورشة ويقول جلد بلوف و ( يمكن ) راس مكينه

بسيطه بسيطه

* جلد البلوف / وقف السيارة 10 دقائق وبعدها ادعس وشف الشكمان يطلع دخان والا لا اذا يطلع فهذا جلد بلوف واذا لا الحمد لله البلوف اوكيه ، ودي اقول السيارة اذا تحمى بوقت حار يعني الظهر وما يطلع دخان لا تخاف لان الصبح يمكن يكون براد ويصير يطلع دخان وهذا طبيعي


* راس المكينه / جور على السيارة شوي وتابع الحرارة اذا ما ارتفعت تمام :good: ، وافحص الزيت وشوف اذا تمام ما هو حليبي او ما فيه قطرات مويه :good: تمام لا تخاف ، وبالاخير اذا بردت السيارة شف الرديتر اذا خالط او فيه نقص اذا ما فيه :good: لا تخاف ويمكن يكون النقص بسبب اخر .

وترى اذا ارتفعت الحرارة والمويه والمراوح تمام هذا الرأس

واذا الزيت معه مويه هذا الرأس والرديتر كذلك:)




3-هذا كلام من عندي او تشخيص متواضع وهو البنزين



* اسأل السواق هل صارت المشكلة بعد تعبئة بنزين من محطه معينه أم لا

اذا ايه


على طول عبي بنزين جديد من محطة تمام وسو تنظيف للبخاخات وهو سايل من الوكالة سعره بوكالة فورد 35 ريال تحطه بعد ما تفلل وتمشي عليه


لكن كم تمشي عليه هذي مدري مقدر افتي بصراحه

والحل هذا افضل من تفك البخاخات



او عبي بنزين جديد اذا ولعت اللمبة


وعبي جديد وراح تنتهي ان شاء الله






واذا طلعت المشكلة منها رح للورشة وخذ عينه وحللها وبلغ عليه



لان صار لي قصة نفسها رجه والسبب بنزين ويوم عبيت جديد راحت





# أخيرا أنصحك تروح نفحص كمبيوتر وتترك شغل الكذابين يمكن ويمكن وعند واحد فاهم ومتخصص


# انت شيك مثل ما قلت وراح يبين معك الخربان من اللي قالوه ويمكن غيره


# ما عمري سمعت عن بلوف والرأس يسبب رجه


#اسأل السواق هل ارتفعت الحرارة أو لا وهو بالطريق


#اسأله اكل مطب حفره شئ لانه يمكن المطب والا الحفره يفصل سلك


# الاول اللي يقول كويل وش دراه هل سأل وقال متى تجي الرجه وجاوب السواق وقال بين سرعه 60 و90 عشان يقول كويل

أو فحص كمبيوتر


واذا ما فحص بس من راسه شوتوه



وباالاخير متى سويت اخر مره سويت تصفية مكينه



ودعواتك لي بالقبول بالوظيفة يا رب

[THE KILLER]

يابويا حرام عليك ايش الي بلوف ومدري ايش اليوكن حقك 2007 مهو جمس 78 او 85 انا عندي واحد 2007 زي العسل ما اشتكيت منو بس الميكانيكية بعضهم مايعرفووو للسيارات الجديدة زي 2007 كلها الكترونية وكيف البلوف وهي لسه جديدة طازة حاول تشوف الحساسات زي ما قالو الاخوااان الي فوقي وشوف انتا المكينة وتاكد كل شي كويس ولا ايش damn !!

[فارس المدى]

ولله انا اوافق اخوي ملك الفكتوريا (http://www.mekshat.com/vb/member.php?u=177554) بالكلام

[storm way]

اخوي ما دام الريز مرتفع ماله دخل في المكينه

هذي تصير معي وقت الغبار

عندك حلين يا تكبس له بنزين او تمسك خط سريع

او تكب منظف في تانكي البانزين وتوكل على الله

لاهي مسالة مكينه ولا غيره

[Magellan]

ياخي هذا اغلب الظن من ان هناك توسخ في لهات المكينة (منظم الهواء) الذي يسمونه الثروتل
أنا تصير عندي مثل كذا بعد الغبار مع اختلافه نوعا ما عن اعراضك
وأقوم بفك غطا قربة المكينة بنفسي وانظفه بنفسي
وطبعا بعد الغبار اذا ظهرت مثل اعراض التي ظهرت على سيارتك ...