صافى السريره
14/04/2011, 08:26 PM
بسم الله الرحمن الرحيم
-------------ياخويي في الشعر والكيف طاب
من تحدى السيل يقعد في محله
-------------ضاع عنك القصد والمضمون غاب
دورًه بين البيوت المستجله
-------------غيبة الشايب بروحه ما تعاب
يرحمه ربي وحنا فدوة(ن) له
-------------قلت لي شكواً ولا جاني جواب
هقوتي ماجا سؤالي في محلًه
-------------اعرف المقصود وادري بالصواب
بس وين اللي يعرف الغطو كله
-------------قال ماجلان يوصلك الشعاب
قلت مابي شوفته لا لا وليله
-------------عارف(ن)بالبر ووعور الهضاب
قبل ما يفتح سنيدي(ن)محله
-------------ربعتي ناس(ن) مداهلهم صعاب
مجلس(ن) معهم ترى ماحد(ن) يمله
-------------عارفين العلم من صفحة كتاب
زادهم طاعه ولا ينسون فلًه
-------------والنصيحه ماتعاف وتستطاب
خص لاجت من نفوس(ن) دون علًه
-------------ياسند عجًل علي ولا تغاب
جيتك هي علة القلب او دوا (ن) له
-------------أقنص البرقا واخيل بالسحاب
------------واقني القرناس وارخي مطلب(ن) له
-------------والهروج اللي تخاط ابها الثياب
ما عرفناها واظن العلم زلًه
-------------من رفيق(ن) ما عرفنا له جناب
غير من نظمه عرفنا العلم كلًه
-------------والرساله تنقري هي والخطاب
من عناوينن تجي وسط المجله
-------------كلنا ياخوي ملفاً(ن) للتراب
والعمل يبقى وذكرن في محله
(آل بوهلال التميمي )11/5/1432هـ
-------------ياخويي في الشعر والكيف طاب
من تحدى السيل يقعد في محله
-------------ضاع عنك القصد والمضمون غاب
دورًه بين البيوت المستجله
-------------غيبة الشايب بروحه ما تعاب
يرحمه ربي وحنا فدوة(ن) له
-------------قلت لي شكواً ولا جاني جواب
هقوتي ماجا سؤالي في محلًه
-------------اعرف المقصود وادري بالصواب
بس وين اللي يعرف الغطو كله
-------------قال ماجلان يوصلك الشعاب
قلت مابي شوفته لا لا وليله
-------------عارف(ن)بالبر ووعور الهضاب
قبل ما يفتح سنيدي(ن)محله
-------------ربعتي ناس(ن) مداهلهم صعاب
مجلس(ن) معهم ترى ماحد(ن) يمله
-------------عارفين العلم من صفحة كتاب
زادهم طاعه ولا ينسون فلًه
-------------والنصيحه ماتعاف وتستطاب
خص لاجت من نفوس(ن) دون علًه
-------------ياسند عجًل علي ولا تغاب
جيتك هي علة القلب او دوا (ن) له
-------------أقنص البرقا واخيل بالسحاب
------------واقني القرناس وارخي مطلب(ن) له
-------------والهروج اللي تخاط ابها الثياب
ما عرفناها واظن العلم زلًه
-------------من رفيق(ن) ما عرفنا له جناب
غير من نظمه عرفنا العلم كلًه
-------------والرساله تنقري هي والخطاب
من عناوينن تجي وسط المجله
-------------كلنا ياخوي ملفاً(ن) للتراب
والعمل يبقى وذكرن في محله
(آل بوهلال التميمي )11/5/1432هـ