تصميم جديد من عضو جديد

[ابوخزامى]

بسم الله الرحمن الرحيم
السلام عليكم ورحمة الله وبركاته

اخوكم ابو خزامى من اهل الشرقيه

اسعدني الانضمام لكم في منتدى مكشات وياليت تتقبلوني كعضو جديد معكم

يالربع انا ناوي اطلع العايله للبر ان شاء الله هالسنه ويمكن اخلي المخيم طول الربيع وبما ان طلعات العوايل غير طلعات العزابيه في امور كثيره تتطلب وجودها ومراعاتها ومنها دورة المياه اعزكم الله

وعشان هالشي طرى علي تصميم له كذا فايده يعني بدال ما اطق كم خشبه وكم مسمار كل طلعه للبر ليش ما اسوي دورة مياه من المنيوم خفيفه ومتنقله وسهلة التركيب بدال الخشب اللي ياكله الدهر او ثقل الحديد وتتكون من 6 قطع بالاضافه للباب يعني سهله بعد للتخزين

http://www.b44d.com/uploads/cbea3e3c69.jpg

ومن هنا جتني هالفكره ولكن توهق خويكم بشي ويمكن تفيدوني فيه وهو اني ابي نوعيه معينه من الالمنيوم وهو اللي يجي شكله مثل الستينلس ستيل فضي ويكون خشن عليه دقات بارزه لبرى اتمنى عرفتوا اللي اقصد

اللي يعرف نوعية هالالمنيوم وكم تقريبا يكلفني متره ووين يباع يدلني واكون له شاكر

واللي عنده وجهة نظر يالربع او ملاحظه او فكره احسن من هالفكره لا يبخل علي فيها

بانتظار ردودكم

[المطلق]

حياك الله أخي أبو خزامى

الفكرة جداً ممتازة وياليت أعرف شي وأفيدك

تابع شغلك والله يوفقك

وترى بيطلع عمل مهوب هين

خطوة موفقة ان شاء الله

[الكويتي 777]

السلام عليكم ورحمة الله وبركاته

فكرة رائعة وطريقة جيدة ولكن ......

الالمنيوم خفيف وسعرة غاليييييي
والحديد ثقيل وسعرة رخيص ويصدأ مع الوقت

والبلاستيك ؟؟؟؟
والفيبرجلاس؟؟؟
يوجد عندنا في الكويت دورات مياة بنفس هالتصميم ومن البلاستيك او الفيبر جلاس جاهزة ومع تمديدات كهربائية وسخان ماء وخزان ماء ومغسلة ونوعين ( افرنجي او عربي )وسعرها معقول جدا جدا وهي خفيفة الوزن وسهلة الفك والتركيب وعملية بمهنا الكلمةوتعمر معك
وسعرها اعتقد بحدود ال 1000 ريال يمكن زايد او ناقص شوى

اما تكلفة ماتقدمت بة فانا اعتقد انة يتعدي ال 2000 ريال لانا المنيوم وهو غالي والنوع اللي طلبتة ماهو رخيص
ودايمن طلعة العايلة قشها يكون واجد وتحتاج لتريلا للتحميل انصحك بانك تترك عنك سالفة الوزن وانت وكيفك

اخوك ابو حمود

[ابوهم]

السلام عليكم كلام أخوي حداق صحيح الألمنيوم ممتاز ولاكن يحول دونه الريال

[مشغول]

فكرتك حلوة يا ابو خزامى

لكن زي ما قالوا الشباب الالمنيوم غالي وبيكلفك كثير

وما دامك ناوي تخيم بالعائلة خذ دورات المياة الجاهزة تراها حلوة وعملية وسعرها مناسب

ازين لك من التجربة الجديدة اللي يمكن تكلفك ولا تصلح في النهائة

وهلا بك

[عطارد]

السلام عليكم ورحمة الله وبركاته

يا اخوي سولك اربع فريمات مواسير بلاستك 90x 180 سم وركب فيها بلاستك ملون حاجب للرؤيه وفك عمرك من الغرابيل وبالنسبه للمرحاض اشتر لك كرسي لبناني او صيني عربي او افرنجي ما يتعدى ثلاثين ريال وثبته فوق برميل زيت كبير وإذا خلصت خل البرميل مع الكرسي في البر

[ابوخزامى]

المطلق

ابقاك الله ولا هنت يا بعدي

............................

حداق

لا هنت اخوي حداق وردك اثارني بصراحه باللي حواه من معلومات وما نستغني من منهم شرواك بس انت تقول عندكم بالكويت نفس التصميم من فيبر جلاس او بلاستيك وبمستلزماته وهذا غاية المنى يعني بدال الالمنيوم الغالي على قولتك واللي يحتاج بعد كذا تسليكات وتمديدات
بس الله لا يهينك لو قلت وين احصل هالشي بالكويت ووين بالتحديد وبنفس الوقت اذا تعرف كم مقاساته او عندك صوره لهالنوعيه تنزلها هنا يكون احسن وليت تجيب كم سعره بالتحديد مره وحده اكون لك شاكر

...........................

ابوهم

مشغول

عطارد

شاكر لكم والاحلى تواجدكم ومساعدتكم ولا هنتوا جميع وكان هذا العشم فيكم


اخوكم
ابو خزامى

[nahham]

المهم صور لنا هذا التصميم بعد الانتهاء من العمل

الفكره ممتازه لنا في المزارع

تسلم

[مسافر1]

السلام عليكم ورحمة الله وبركاته

فكرة رائعة وطريقة جيدة ولكن ......

الالمنيوم خفيف وسعرة غاليييييي
والحديد ثقيل وسعرة رخيص ويصدأ مع الوقت

والبلاستيك ؟؟؟؟
والفيبرجلاس؟؟؟
يوجد عندنا في الكويت دورات مياة بنفس هالتصميم ومن البلاستيك او الفيبر جلاس جاهزة ومع تمديدات كهربائية وسخان ماء وخزان ماء ومغسلة ونوعين ( افرنجي او عربي )وسعرها معقول جدا جدا وهي خفيفة الوزن وسهلة الفك والتركيب وعملية بمهنا الكلمةوتعمر معك
وسعرها اعتقد بحدود ال 1000 ريال يمكن زايد او ناقص شوى

اما تكلفة ماتقدمت بة فانا اعتقد انة يتعدي ال 2000 ريال لانا المنيوم وهو غالي والنوع اللي طلبتة ماهو رخيص
ودايمن طلعة العايلة قشها يكون واجد وتحتاج لتريلا للتحميل انصحك بانك تترك عنك سالفة الوزن وانت وكيفك

اخوك ابو حمود



أخي أبو حمود أرجو أن تدلي على المكان الذي يباع فيه هذا النوع ..

[أبو الفارس]

السلام عليكم ورحمة الله وبركاته

هذه من أولى المشاركات لي ... نسأل الله التوفيق والسداد لما فيه الخير



نصيحتي لك أخي الغالي وللجميع

أهي أنك تفصل لك بنفس ها التخطيط بس يكون بالشراع

والله الطريقة هذه انا شاريها من الغرابي

والطريقة ممتازة ومابها كلام بس يبغالك كم حبل عشان تشد الجوانب


أتمنى أنني أفدتك و الجميع


أخوكم / أبو الفارس

[الروضة]

أخوي أبو خزامي حفظه الله
هذا اللي تكلم عنه الأخ حداق تحصله عند السنيدي أنا شايفه عنده من الفيبر ومجهز فيه مغسلة على الجنب من الخارج وفيه سيفون مع الجلاس ومكمل بس أشبك الماء وسعره أعتقد ( ماني متأكد ) 1500ريال
وموجود عند محل مكشات للرحلات بالزلفي
والسلام عليكم ورحمة الله وبركاته

[ابوخزامى]

مسافر1

حياك الله اخوي مسافر وانا معك بانتظار رد اخونا حداق

...........................

أبو الفارس

مشكور اخوي الفارس على مشاركتك وما قصرت وشرفني ان تكون اول مشاركه لك في هالموضوع

بس اعتقد الشراع ماهو عملي مثل الالمنيوم او الفيبر

............................

الروضة

لا هنت اخوي على المشاركه بس انا من اهل الشرقيه يا بعدي ويني ووين الزلفي اذا خابر احد بالشرقيه او اقرب من الكويت ماني بعايف ولو انت ولا احد الاخوان يحط لنا صوره للي تتكلمون عنه افصل عشان نشوف هو يستاهل العنوه ولا ما يستاهل


بانتظار من من يفيدنا اكثر

اخوكم
ابو خزامى