راعي الزنقه تحزم بالسراب(متابعه مع اخي الفاضل:يوسف الخليفه)

[صافى السريره]

بسم الله الرحمن الرحيم

.............شاقني ما شاقني واهوى الغلاب

صاحبك درب التحدي مدهل(ن) له

..............بس مالي في دروب(ن) تستعاب

اشرب الصافي واعاف الكدر كله

.............سلسبيل الشعر ياتينا مذاب

من بغى يضرب بسيف(ن) له يسله

.............ذاهبين(ن) مالنا حروة إياب

والميادين الفسيحه ما نمله

.............ياسمي الزين وثق لي خطاب

امهره واختم على مرجع سجلًه

............يفرق الغرنوق عن لون الغراب

بعض عقبان الخلا رزقه مذله

.............ما تفلي العنز في درب الذياب

والصخر حتى الصخر ما العين سله

............شف محل البوم دايم في الخراب

والحرار تدور العالي جبله

............والسما ماضرها نبح الكلاب

ذا المثل قد قيل ماني بادع(ن)له

............راعي (الزنقه) تحزم بالسراب

ومدمن القات الخبيث مصاحب(ن) له

............سمًها ماشئت وافهم بالجواب

انت ابوها وانت كل الكل كله

..............نوخذتنا انت وفتحت اليوم باب

دقة الهرج معروف(ن)هو وجله

..............لاتنحر بالعرب درب الصعاب

الدريول لابغا درب(ن) يدله

..............سرني قولك وارحب بالعتاب

من رفيق(ن) وسط خيمتنا المظله

...............واعذرن مالي بتطويل الخطاب

الخلاصه جتك مني وانت حله


آل بوهلال التميمي 12/5/1432هـ

[خيال الصيف]

صح لسانك ولساني

[برق الجهمه]

الله يعين ابوعبدالله ههههههه مار هو كفو ويرد عليكم كلكم

صح لسانك

[صافى السريره]

الاخ (ابو العطاريز) لاهنت

[صافى السريره]

الله يعين ابوعبدالله ههههههه مار هو كفو ويرد عليكم كلكم

صح لسانك

اخي(برق الجهمه)اولا ؛صح بدنك وبارك الله فيك.
ثانيا؛ القصيد الذي بيني وبين ابو عبدالله؛ الله يسلمه ؛ ماهو من نوع المراد ولم نقصد به ذلك ولاعلاقة بأي ابيات في القصائد بأي منا بأي حال من الاحوال وهذا امر يدركه جميع الشعراء؛ وانما هو من نوع المجاراة والفضل يعود لصاحب القصيدة الاولى(ابوعبدالله)اما ما ذكرته من قدرة ابو عبدالله فلاشك انه شاعر قدير لايحتاج الى شهادتي ولست احسب نفسي في مصافه وانما اعتبر نفسي احد تلاميذه ؛ولم انشر بعض الابيات في هذا المنتدى الا لوجود ابوعبدالله مشرفا على هذه الخيمه مع العلم انني لا اعرفه شخصيا وانما تعرفت عليه من خلال ما يكتبه في هذا المنتدى ؛وان كان يشرفني معرفته؛ ولك مني التحية والتقدير كما هي لأخي الفاضل يوسف الخليفه .

[مكرم الضيف]

صح لسانك يالقرم

[بن عويف]

كبير يبو راكان
ابياتك هذي عالميه بالحيل بالحيل
صح لسانك ولسان ابو عبدالله
بصراحه امتعتوني

[جرح الهوى .]

الله يعطيك العافيه

[يوسف الخليفة1]

[/URL][URL="http://www.mekshat.com/vb/member.php?u=10501"]
(http://www.mekshat.com/vb/member.php?u=10501)

(http://www.mekshat.com/vb/member.php?u=10501)صافى السريره (http://www.mekshat.com/vb/member.php?u=10501)

الرد المفروض انه يجي في حينه والمثل يقول الى غبت انكبت
(http://www.mekshat.com/vb/member.php?u=10501) (http://www.mekshat.com/vb/member.php?u=10501)
(http://www.mekshat.com/vb/member.php?u=10501)


مرحبا بالبيطري حلو الجناب=مثل مسطاع القناديل المطله
استبان الباذر بخصب التراب=رشقتنا وسمتين مستهله
برقها بالليل يوضي بالسحاب=والرعد كنه على الصيجان جله
الرمل صابه من الوبل اكتراب=والغثا يردم على الجرفان كله
فاضت الامواه باجحور الدواب=والثرا مترين ما نلحق محله
بعدها سبعين ليله بالحساب=نلقا باكور الزبيدي في مهله
حينها ولم فراشك والزهاب=وازهم مخاوي نشاما ما تمله
واما طير الدو حوام الهضاب=بالتوكل مضرب الامثال قله
ما مدحنا كل طاير قلنا طاب=بعض من طار بهوانا صار عله
فيه نامس والذبابين الخياب=لو هي طارت باربع الجنحان خله
والغثارب ترجع لغثو الهباب=والهشيم يروح في غبات مله
والخيال اللي تعانق بالرباب=يبهج الناظر وهذي له جبله
بالعسل تمسك ثمانين الذباب=والشري ما يمسك ذبابين لله
واثق الخطوات سبعن ما يهاب=والثعيلب يفزع اليا شاف ظله
لو تراقب تبصر العجب العجاب=لكن اقطف من حلا عمرك وفله

[الكمادي]

صح لسانك ماقصرت

[صافى السريره]

صح لسانك يابو عبدالله وحياك ربي ،وعساك على القوة وعسى الله يجيب الربيع ،وكلامك يبهج النفس ،وان بغيتنا نواصل واصلنا وان بغيتنا نوقف وقفنا ،وما تذكر كان معلوم .والذمه يابو عبدالله ترى باقي فيها شوي ما بعد اوفي ، والحمدلله على السلامة ومن طول الغيبات جاب الغنايم.

[صافى السريره]

ابو عبدالله الله يصبحك بالخير، المجاراة الله يطول عمرك على هالرابط :
http://www.mekshat.com/vb/showthread.php?t=547652

[عبس404]

صح لسانك
وقصيده جزله
والله يعطيك العافيه