المساعد الشخصي الرقمي

مشاهدة النسخة كاملة : يا جماعة الخير ماليت من كثرت ماغرز ؟؟؟ ساعدوني تكفون يالنشاما !! ؟؟؟


شعيب النمر
16/04/2011, 12:54 AM
بسم الله الرحمن الرحيم
الله بالخير اخواني اعضاء هالمنتدى الطيب ... القصة بكل اختصار اني اعيش بمنطقة الرمل فيها وايد تطلع عن الاسفلت سنتمتر على طول تغرز ؟؟؟؟؟؟؟؟
انا ريال احب البر واعشقه واطلع له لكن واخ من كلمة لكن !!!!! كل طلعة فيها تغريزة ؟؟
والله ماليت سيارتي يوكون دفع رباعي ..لكن بهالرمل ماتسوي بيزة !!! على طول تدور التوير الاربع بالهواء ويتعلق الموتر على بطنه والا فيه طلعة الا بالسحب ..تعذبت وتعذب عيالي وعائلتي واخواني ..كل طلعة وحنا مغرزين وقصتنا قصة !!!
انسم التوير على الزيرو برضوا ماكوا فايدة ؟؟؟؟؟ مغرز مغرز ؟؟؟؟؟ شنهوا هالعذاب ؟؟صرت اخجل من الناس ومن عيالتي ؟؟!!
شنهوا فضل طريقة لمشي على الرمل وتطليع الموتر لو غرز بدون ماوقف احد يسحبني ؟؟؟؟؟؟
ساعدوني خلوني استانس بهالبر !!!!
ابو تفليقه
16/04/2011, 01:00 AM
شغل الدبل: )
وبصراحة مقدر اقول انك ما تعرف تسوق في الرمل مثلاً لانك تقول تغرز على اي رملة
وش رايك تجرب بموتر ثاني يمكن موترك منحوس :D
عموماً اذا السيارة مافيها بلا اتوقع من طريقة سواقتك في الرمل :9
شعيب النمر
16/04/2011, 01:05 AM
كم نوع سيارة جربت ونفس الحكاية ..والدبل مشغله من يوم اطلع من بيتنا مع ذلك مغرز مغرز
ابو تفليقه
16/04/2011, 01:14 AM
^^
هههههههههههه اجل في كل سيارة تغرز
خلاص عرفنا المشكلة
الا وهي منك انت
حاول اذا دخلت رملة ما تهدي ولا توقف ومنسم الكفرات ومشغل الدبل ومفضي الموتر
لعل وعسا ما تغرز
الله يعينك يارب
بدر الشويلعي
16/04/2011, 01:17 AM
حاول ان عزم الموتر يكون شاد لا يرتخي اذا نزلت للرمله لان اليوكن سياره ثقيله وتنزل بالرمله

وتنزيل الكفر قبل ماتنزل الرمله يكون الهواء منزل ان شاء الله ما رح تغرز والدبل شغال طبعا
شعيب النمر
16/04/2011, 01:26 AM
اخوي بدر كلامك معقول لكن قلبي مايطوعني ...اسرع ؟؟؟
بدر الشويلعي
16/04/2011, 01:38 AM
ماهو سرعه زايده تكون معقوله عشان تاخذ السياره راحتها بالسير ولا يرتخي الموتر
الباثفندر 3.5
16/04/2011, 02:12 AM
البلا من اليوكن و الله مجربينه يفشل بالبر
فيه عزم لكن بسرعه يغوص بالرمل و صعب يطلع
sa-z71
16/04/2011, 02:13 AM
السلام عليكم

أخوي افصل التراكشن إذا عندك لأنه يعيق الموتر عن المشي في الرمل لأنه يستخدم الفرامل إذا باوش الكفر .

وهذي علامة زر التراكشن
http://5zen.net/uploads/12618430741.jpg
شحبار
16/04/2011, 02:42 AM
اخوي شغل الدبل ولا تتمشى على الراحه اذا شفت الغرازه عط الموتر عزم زيد البانزين شوي واذا في طلعه ولو خفيفه عطه عزم ولا توقف سيارتك بأرض مستويه على شان اذا حركت لاتغرز وقف على ارض نازله او صاعده على شان اذا حركت النزله تساعد الموتر واايد كلام اخوي sa-z71
كديان
16/04/2011, 02:56 AM
اخوي شعيب
ابعطيك نصيحة ميكانيكي ثقة
يقول تبي القير و كلتشات القير تعيش معك لا ترحم الموتر بالبر ابد
يعني تدوس على سنع يعني لا دوس قوي مرة و لا ضعيف مرة وسط بينهن
لكن
اذا جيت سيف مائل نفود مائل فلازم تدوس كل الدعسه لانه لو وقف الموتر فراح تبلش لان الموتر يبي يتعلق
يثولث
و الهواء للكفرات معروف من ال15 الى 20 على حسب شدة الرمل
و ضع باعتبارك اذا كانت الكفرات منسمه واجد فالموتر لن يتحرك ابد يصير كانه يمشي على جنط فحط هذه ببالك
انا ودي تشوف راعي الغنم بالنفود معه كسرة ددسن م84 و كفرات نحيفة سواطير و يرقا الطعوس كان معه دفرنسين
وشلون يرقا ؟
يسايس النفود بمعنى اذا بدا الكفر يحفر يرفع رجله عن الابنص لو مارفع رجله فعلى طول يبي يغرز الموتر بمحله
sgl2002
16/04/2011, 11:32 AM
- خل الهواء 15
- دبل خفيف
- لاتوقف الا في نزول
- في الرملة القوية شد على الموتر
- إذا قام يحفر الموتر أرخ دعستك شوي
- إذا جيت تمشي لاتدعس لآخر شي وإنما بالهون عشان ماتفحط
- إذا حسيت ببرود العزم قم باللف يمين وشمال والمحاوصة
- إذا غرز وبرك الموتر ... برح له لكل كفر بعدين امش بدون مايفحط الموتر يعني بس لمس على الابنص
ناصر الدهمشي
16/04/2011, 11:56 AM
وماضيف على اخواني الا انك اذا الموتر تماتيك

لازم تغير من ال D الى التعشيقة الثقيله 2 او 3 لانه اذا كان D الموتر يغير التبديلات ويطيح عزم الموتر
sgl2002
16/04/2011, 11:59 AM
غير الباترول واللاندكروزر لا تدور ؟

الأمريكان مانفعوا إلا بالراحة
ساري 111
16/04/2011, 01:26 PM
من تجربه للجمس اتبع التالي //
1 - اشر ماطور ابوجمل وخله معك بالسياره
2- اذا جيت تدخل الرمل نزل الهواء الى 15 وتوكل ع الله.
3- اذا موديل موترك اقل من 2008 اللي قيره 4 غيار شغل الدبل الثقيل وحط القير ع نمره رقم 2 وخذ ولد
4- اذاموديل موترك من 2009 وفوق حط الدبل الخفيف والقير يكون بوضع العادي وتنقل بين 1 و2 حسب حاجه السياره للعزم
5- اذا جيت توقف لا توقف باي مكان حاول يكون وجه الموتر نازل وانتبه توقف بمكان متواسي
6 - لاتنسى فصل نظام الثبات
7- اذا طلعت من الرمل لـ للاسفلت او الرادميه عب الكفرات مباشره عشان ماتندمر عليك

موفق
Faisal_1
16/04/2011, 10:02 PM
ياخوي ياليت تذكر لنا نوع التواير الي على موترك وحجم الجنط وهل تواير الموتر قديمه او جديده ؟؟؟؟؟
شعيب النمر
17/04/2011, 01:03 AM
اشكركم فرد فرد زنقة زنقة :D

اللي يسال عن نوع التواير اقول برجستون حقت الشاحنات الخفيفة ولها سنة ونصف وهي معي ....بصراحة ابي اجرب التويوتا يمكن البلاء باليوكون
2003 بوريان
17/04/2011, 02:51 AM
مع احترامى لك ياشعيب النمر البلا من سواقتك وووبس انا ما أستمتع فى البر الى بدفع خلفى والحمدالله ماقد يوم غرزت لان عمر الدفع الراباعى يغرز عند سواق
طير شلوى نجد
17/04/2011, 07:51 AM
والله ياخوي الي فهمته في طريقت قيادتك انك اذا حسيت ولو بريحة نفود احس رجلك ما يوقفه الا المكينة نصيحتي لك خاصة معك سيارة دفع رباعي لا تستهين فيها اقولك لا تستعجل وتمش بالنفود خذه وناسة ولا يمنع انك تطلع كم مرة عشان تعرف وزنية الموتر وتكون شبابيةةةةةةةةةةةةةةةةةةةةةةةة او شيبانيةةةةةةةةةةةة عشان القيادة تكون على كيفك ..:good2::good2::good2:
مجنون عسل
17/04/2011, 10:28 PM
شعيب النمر الله بالنور
اسمح لي انت مو راعي بر ابد الا على كلامك ديرتك كلها غراز وين راحت الخبره اللي تعلمتها من شيبانك انا متأكد ميه بالميه ان الخبرة موجودة عندك بس ابي اقول لك حاجه ترى الموتر في البر ما يحتاج منك حنيه لانك كذا راح تدمره وتتعب قيره ودبله لكن عط الموتر حقه ولا تحنه وابعد عن السوم والرباض وأن شاء الله موفق
تقبل فائق احترامي وتقديري
nahham
18/04/2011, 09:21 AM
والله اني مثلك
الحل وانا اخوك
ابعد عن الرمال قدر ما تستطيع
قلبي طيب
18/04/2011, 09:55 AM
زود على ما ذكره الاخوان

اذا غرزت لا تزيد الدعسة .... خذه على الخفيف ولف الطاره يمين يسار وبيمشي ان شاء الله

ولا تنسى تقدم وترجع بالهداوه واذا حسيت الموتر ماشي معك فزد السرعة الى ان يطلع الموتر
مرقاب
18/04/2011, 10:10 AM
كلام الاخوان على متمه ولا ازيد عليهم
ولاتنسى يكون معك صاجات الغراز ممكن تفصلهن حديد على طول متر وربع ثنتين او اربع وفيه صاجات استراليه لكن غاليه
تراها مهمه جدا والموتر يطلع نفسه مايحتاج سحب ولا شي ومجربه
Faisal_1
18/04/2011, 11:59 PM
اشكركم فرد فرد زنقة زنقة :D

اللي يسال عن نوع التواير اقول برجستون حقت الشاحنات الخفيفة ولها سنة ونصف وهي معي ....بصراحة ابي اجرب التويوتا يمكن البلاء باليوكون

اخوي ابغى اوصل لك معلومة اذا كان التاير مشموس او قديم او كان الجنط عريض والتواير نازله واجد هذي كلها اسباب ان الموتر يغرز
ليه؟
المشموش والقديم مهما تنزل الهواء يبقى التاير على وضعه اقصد مايفرش
اما اذا كان الجنط 20 او 22 والتواير عراض ونازله هذا يلوس محله ومافي فايده من تنسيمه اساسا لابغيت خذ لك فرة على الهافمون وتشوف وتستفيد

ولاتنسى نصايح الاخوان تراها بمحلها وخذها مني وانا اخوك البر والغراز مايعتمد على نوع السياره انما على كيفية السواقه ونوع الكفرات والتنسيم واليوكن لانزلت هواه 15 يطرررربك طرب ماشاء الله
comابوسليمانwww
19/04/2011, 12:06 AM
لا تضرب فرامل ابد بالرمل ........... لانك على طول تبي تغرز
السنع كله
19/04/2011, 12:13 AM
المعرفة في الرمل تكفي عن دبل
BLAZER 93
19/04/2011, 09:15 AM
أنا أقول البلى في التواير نوعهم ماهو حق رمل أبد
غير الكفرات إلى كفرات تمشي بالرمل وبالزفلت ON - OFF ROAD
وشوف كيف يطربك الموتر واللي يقول نزل القير والله تراها مالها داعي... القير ألكتروني يرد نمره لحاله لا حس الوضع يبيله رد نمره مايحتاج تنزله ولا شي وخل الدبل على الخفيف والكفر 15 مثل ماقالوا الأخوان وأبد توكل على الله وشوف كيف اليوكن يعطيك
Avalanche
19/04/2011, 09:22 AM
حسب معلوماتي اليوكن ... اذا نسمت الكفرات

بدون دبل يطربك (ما شاء الله)

اكيد عندك مشكلة !!
الرائد
19/04/2011, 09:25 AM
من دون نقصان فيك. أرى ان تطلع مع أحد الربع الذي له خبرة بالسواقة بالرمل وتجربون سيارتك أفضل وأسرع حل
باث 3
19/04/2011, 09:52 AM
من دون نقصان فيك. أرى ان تطلع مع أحد الربع الذي له خبرة بالسواقة بالرمل وتجربون سيارتك أفضل وأسرع حل



وأنا مع كلام أخوي أبو ضي

وبعدين ترا السواااقه بالرمل غيييير

وترى كثرة الممارسه تفيدك واااجد

وفالك الطعوووووس
راعي السيل
19/04/2011, 02:43 PM
السلام عليكم

أخوي افصل التراكشن إذا عندك لأنه يعيق الموتر عن المشي في الرمل لأنه يستخدم الفرامل إذا باوش الكفر .

وهذي علامة زر التراكشن
http://5zen.net/uploads/12618430741.jpg

حبيت أأكد على مشاركة اخوي sa z71
تأكد من اطفاء التراكشن قبل الدخول في الرمل.
s3eed
19/04/2011, 11:19 PM
والله ياخوي انا معي فكتوريا دايم اروح البحر عاد تعرف الرمل الي على شط البحر
ادغمر والحمد لله ما اغرز
تعرف كيف ؟
لاتخلي الكفر يدور في محله ابداء >> لو دار يبداء يحفر
يعني لما تحس السياره ثقيله شوي دوس بنزين شوي >> اقول ثقيله
لو دار الكفر في مكانه لاتدوس خليها تمشي لوحدها شويه وبعدها كمل بس لاتدوس بقوه في هذي الحاله
الحاله الثالثه اذا نزلت شويه وقف ودق الريوس >> ارجع شوي ورح على قدام الـD
هذا على حسب تجربتي مع الفورد
بالتوفيق
شعيب النمر
20/04/2011, 12:07 AM
اشكركم واحد واحد والله استفدت من ردودكم وايد وايد ...اني سعيد اني عضوا بهالمنتدى الطيب



اخواني ... المشكلة اني كم مرة اطلع مع واحد من الاخوان بالرمل واتعلم منه لكن يسقت انا وخاصة على اليوكون سيارتي على طول الموتر يحفر محله هذي عقدتي ؟؟؟؟؟؟ هذي اللي جابت لي النفسية وكرهتني بالبر ..اذا حفر محله خلاص كرهت عمري!!
اللي يقول لحفر الموتر دس بشوي المشكلة لو ادوس بشوي يحفر ولا يتحرك محله .. واللي يقول نسم والله جربت التنسيم وخاصة اذ حفر ..مكو فايدة مغرز مغرز ...اخواني اني ارعي بر وحبه وابي استمتع !! لكن مع الغرز مكو استمتاع !!! الاهل لم اقول نبي نروح البر على طول يقلون ودنا هلنا !!! عارفين ان اخرتها غرز بغرز !!!!

العيب في سواقتي بالرمل متاكد منه ؟؟ احاول اتعلم

اعجبني كلام الاخ مرقاب والصاجات اللي يقول .؟؟ تظن اخوي انه تحل مشكلتي ؟؟؟
شعيب النمر
20/04/2011, 10:29 PM
اليوم خذيت لفة على محل السيارات والبر ..ولقيت نوعين من الصاجات

النوع الاول قاسي ومرتفع بالتدريج

النوع الثاني منبسط ولين تقدر تلفه ؟؟
وش رائكم ايهن احسن؟؟؟؟؟؟؟
لاندكروزر11
21/04/2011, 10:08 AM
اشتر لانـــــــــــــــــــــــــــــــــــــــــــــــ ــــــد كروزر
شباب الدوسري
21/04/2011, 10:19 AM
ياخوي انا عندي احساس كبييييييييير جداااااااااااا ان الدبل عندك خربان


او انك ماتعرف تعشق الدبل وفيه احتمال ان هواك 500 اجل موتر دبل ويغرز
رسيس نجد
21/04/2011, 10:36 AM
نوعاالكفرات
كميه الهواءفي الكفر
حاله الرمل
ارتفاع السياره عن الارض
خبره السايق في الرمل
كلها عوامل تؤثر في سهوله حركه السياره في الرمل
اورنس الشمري
21/04/2011, 10:39 AM
البلا مو منك أخوي , إذا انت كويتي وباين من لهجتك , فالحقيقة أرض الكويت الشمالية ليس نفود , بل بودره , وأنا شوف العين شفت أكثر من فتك واكثر من تويوتا مغرزات وخصوصا بالسافي إلي على طريق السالمي , عموماً إذا كنت تقصد بر الكويت فبر الكويت ليس نفود بل أخف من النفود والأفضل تجنبها تحس كأنها بودره مو نفود ..


التربة إلي أنا وقفت عليها ما ينفع معاها دبل , كأنك واقف في ماء وليس في تراب , أرض خفيفه وهشة جداً

عموماً الآن صيف والتربه منهاره , الأفضل سلك طرق مأهوله وترك أي مكان غير مأهول ,,, مشكور
الوووووسمي
21/04/2011, 04:17 PM
اخوي انت اي نفود تقصد واي بر

ترى بعض الأماكن لا سواق ولا سياره تجيبه

حدد لشباب علشان يقدرون يفيدوك

والبر على سواقه والله لو معاك ددسن 79

بعض المرات تطلع مطاليع مايطلعها لا فتك ولا شاص

والله يكون بعونك


عاد تدري والله اني ماتحلى الكشته وطلعت البر إلا بالغراز

لها طعم وتحس في تكاتف وتعاون

ههههههههههههههههه
mr.قهد
21/04/2011, 07:51 PM
اذا كان جربت عده سيارات وكلها تغرس اذّّّ المشكلة فيك انت؟؟؟!!!
HILUXES
21/04/2011, 10:58 PM
اخوي حط ضغط الهواء الامامي 13 والخلفي 10 وراح تدعيلي
جرب وعطنى خبر
شعيب النمر
22/04/2011, 08:23 PM
اشكركم فرد فرد تجاوب رائع واكثر من جميل ماني مصدق نفسي شنهوا التفاعل الكبير !!

نشوف المشاركات :


الاخ اللي يقول اشر لاندكروزر اولا انا سبق وان غرزت عليه فعلا اسهل قيادة في البر واقل تغرزير لكن اخوي انا متعود على الجمس واليوكون وعلى راحتها واتفاعل معها ماحب هالتويوتا كلش!!

الاخ اللي يقول واين ساكن :: انا بالكويت فعلا وبالشرقية بالخفجي والمنطقة المحايدة وذيك المنازل!! سقهم الله نفود شمال الكويت معمري جيته والظاهر انه حتى الهيلكوبتر ماريح يطلعني القهر اخوي مو من الرمل يعني اشوف كورلا تطعس وانا ودبلي راكز بالرمل!!!!!!! سيارات صعيرة تمشي بكل رشاقة على الرمال وانا اول سنتمتر مغرز !!!!!!

ياخوان المشكلة في القيادة واعترف بهالشئ !!! لكن ابي شئ يسعدني عندما اغرز وشرايكم بالصاجات والا بلبونة اللي تنتفخ !!
تدرون شهني مشلكتي : اني اول مغرز الموتر عندي يحفر على طول على بطنه اشغل الدبل ماشغله تدور التواير بالهواء والا فيه فكة الا بالسحب ؟؟؟؟؟
ابوعبداللة09
22/04/2011, 09:41 PM
اخي العزيز

اعتقد ان مشكلتك انك تشغل الدبل بعد ماتغرز حسب مافهمت من ردك الاخير لازم تشغل الدبل قبل ما تدخل الرمل تحياتي
MjNo0oN
22/04/2011, 10:48 PM
اخوي من تجربة لاخو اليوكن (تاهو 2007) لسيارة صراحه قليلة بحقها جباره وانا افضلها في بعض المناطق خصوصاً اذا كانت الارض ممتازه على الجيوب

افضل شي تسويه في السياره

اذا كنت ناوي تغير كفراتك انصحك بالكوبرا او كفرات الوكاله ناسي اسمها او كفرات دنلوب اذا كان موترك الشكل القديم جنط 16 لان الشكل الجديد جنط 17 مالقيت دنلوب مطابق لمقاس الوكاله

ثاني شي نسم الكفرات قبل تدخل الرملة 15 ممتازه عليه وحاول انها ماتنقص

واهم شي شغل الدبل على الخفيف وليس الاوتو وفيه فرق بينهم ويطول الشرح فيها وحط القير بـ2

والسرعة حاول انها تكون ثابته مابين ال20 و ال40 ك س

وحاول انك تمشي على ردمية او جرة تمشي عليها اغلب المواتر الي تدخل هاذي المنطقه

اذا حسيت ان السياره بتغرز او بدة تحفر (لحالتك يفضل ترفع رجلك عن الدعسة وتنتضر لين توقف السياره من نفسها ثم تدق الريوس وتطلعها بمسايس وليس بسياسة الاجباره)) واذا غطست شغل الدبل الثقير و النمرة على 2 او الريوس الي هو الدرب الاسهل ويفضل على الامام مع تكسير بالطارة تلف يمين ويسار لاخر شي

واذا كان هاذا كله مانفع معك اقولك الله يعينك ويعين موترك وبتتيسر احوالك انشاء الله و تتعلم مع الوقت او انك تركب كفرات بالون انا اضمن لك انك تتمشى افضل بكثير من اول


وعندي انا ان سواقة الجمس في النفود اسهل بكثير من بعض الجيوب

وللمعلومية انت حالتك مثل حالتي يوم كان معي جيب باث فندر الله يذكره بالخير و المشكله كانت من كفرات الوكالة بروجستن ولها سنتين وفوق انها قاسيه يبست مع الوقت وغيرتها لهانكوك اكبر و اعرض من حقات الوكالة ومشى معي الموتر تمام التمام بدون اي مشاكل ياله لك الحمد و الشكر حتى اني بعض الاحيان ما احتاج اشغل الدبل او اني اشغله بدون تنسيم ويمشي تمام في بعض المناطق
talol
22/04/2011, 11:55 PM
صحيح كلام الاخوان

انا معاى اكسبلورر دبل وكنت ما انسم الكفرات واخاف اشد على الموتر ودايم اغرز في شبر رملة على قولتهم :$
yazn2322
22/04/2011, 11:57 PM
الكفرات تلعب دووور
وعاد الجمس ماشاء الله يكفي ويوفي بالنفود والمحرك 5.3 والدفلوك راح يساعدوك كثيير ان شاء الله
وعلى فكره أعرف أكثر من واحد معاهم جموس بدون دبل وعادي يطعسون ويدخلون أماكن وعره فقط اللي يساعدهم الدفلوك وبعض المهاره ,
يعني السالفه سهله ان شاء الله
YUKON_GMC
23/04/2011, 11:29 PM
ماقريت كل الردود لكني مجرب الفكس آر والجي الجي اكس ار والنياسين 90-91-92-97

وجربت اليوكن ماشاء الله افضل موتر مر علي بالنفود عزم ونشاط ويسابق رجلك وهو بالدبل الخفيف

لكن : النفود له سواقينه .. وله اساسيات مهما كانت السياره اللي معك ..!!

اول شيء تنسم الهواء على 15
ثم تعرف نوع الرمل اللي قدامك لو كان الرمل لين وتشوف اثر السيارات اللي قبلك حافرته حفر عندك حلين ,,

ياأما تدوس على الموتر كأنك تبي تفحط يعني تشب على الموتر ولاتقوم تمشي على مهلك وتنام وسطه ..

او انك تمشي مع الزفلت احسن لك وبلاش تطعيس ..

الرمل يبي رجال يجور على الموتر وهو يمشي لكن لاوقف خلاص حرك بشويش حتى مايتعلق على بطنه حتى يطلع ودائماً خل وجه الموتر للمكان النازل لما تحس ان الموتر بدأ الرمل يمسكه ويبي يغرز

وتقدر تعرف نوع الرمله من اثار السيارات اللي قبلك ومن اثار الحيوانات اللي مرت على الرمل ..

بعطيك بعض الصور .. هذي بعض الرمال الناعمه والخطر واللي لازم تحط رجلك لا بغيت تطلع معها واضحه .. اما النزول عادي ماعندك مشكله

http://www.mekshat.com/pix/upload05/images212/mk177274_sand.jpg
Bader-M
24/04/2011, 12:11 PM
ادخل هذا الرابط

http://mekshat.com/vb/showthread.php?t=374319
YUKON_GMC
24/04/2011, 02:29 PM
وبهالمناسبه اهديك اللقطتين .. :D


الاول .. :good2: ويبغى واحد يشب على الموتر ولاياويله
2NIQjMBPuRI



والثاني قوي :good2: بس خطير ولايسويها الا واحد خبرته سنين من التطعيس والا بيحول على التنده على طووول :mad:
2MHlQmJA6IY