المساعد الشخصي الرقمي

مشاهدة النسخة كاملة : نقص الزيـت ؟


السلوم 2005
16/04/2011, 02:07 AM
السلام عليكم :

ياجماعه الخير عندي مشكله بموتري ددسن 2005 المشكله هي : اني اغير زيت السياره وبعد ماتمشي السياره 1500 او اكثر شوي اجي اعاير الزيت يصير ناااقص بحدود علبه كامله !! وش المشكله ؟
وهل له حل ؟؟ اقدر اصلحه ؟؟
كديان
16/04/2011, 02:25 AM
مر على ورشة ابو خالد الخضير بطريق خضيراء جنوب بريدة مايحتاج الرجال نصوح
احتمال النقص
جلد بلوف خل الموتر واقف 10دقايق همن دس نص دوسة اذا طلع دخان ابيض فهو جلد بلوف
اذا كان الموتر و انت تمشي يطلع دخان ازرق فهو ضعف بشنبر البستم
احتمال تهريبات من وجه الكرتير او من وجه غطاء الصدر او من الصوفة الخلفية
او من الصوفة حقت البكرة الامامية
او من القاعدة اللي يركب عليه السيفون
السومر
16/04/2011, 02:30 AM
يفيدونك الاخوان
نيشان تميم
16/04/2011, 02:31 AM
وعليكم السلام ..

أنا سبق وان صار لي مثل مشكلتك وكان معي باث فيندر 2003 وشيكت عليه ولا فيه تهريبات ولا صوف

ورحت للوكالة وقالوا هذا عيب مصنعي يخلي الزيت يتبخر

والحل الافضل والي أتبعته أنا :

اذا جيت تغير الزيت .. غير فوكس الابيض !! لاتغير سوبر جتي ترى بينقص عليك !!

وبإذن الله ماراح ينقص لو مشيت عليه 10000

والافضل تشيك على موترك من ناحية التهريبات أو يكون موترك ماشي كثير ويحتاج توضيب

والله يوفقك ويعينك وانا أخوك
كديان
16/04/2011, 02:35 AM
اخوي نيشان تميم
الباثفندر لوحده من بين السيارات النيسان هو اللي ينقص زيت
مواتر الربع باث 2005 و تحت كل 1500 الى 2000كيلو ينقص علبة الى علبة و ربع
و السبب ضعف مصنعي بشنبر البستم ما يحجب الزيت 100%
و اكثر الربع يغلقون الزيت الناقص و البعض ماسمع الكلام و غير الشانبر و كلفت حول ال3000ريال مع شغل اليد مع ان الوكالة المفروض تعترف بالعيب المصنعي و تصلحه
غالب الباثفندر ينقص يعني مهب كلهن
لكن الددسن غير مشكلة الباثفندر تماما
خريبيش
16/04/2011, 03:05 PM
هلااخوي انا معي ددسن 98 كبريتر كنت اول احط زيت سوبر جي الاحمر وكانت كل ثلاث ايام تنقص ربع العيار وبعد نقصت وحطيت علبتين موبيل واخذت حول اسبوعين مانقصت الا قليل بعدين سيارتي في تهريبات لليل ارجووو اني افدتك خذ موبيل وجرب ولا انشد احد
sgl2002
17/04/2011, 07:33 AM
شف ياخوي ...
الددسن البخاخ وخصوصا من 2005 وفوق تنقص بعد 4000 نص علبة ...

موترك لازم تشيك على حاجات ...

- هل الزيت يقلب أسود مره لدرجة الاحتراق أم انه قلب عايدي .
- هل يوم نقص الزيت تمشي بالحر وبسرعة قوية والمكيف شغال
- هل عندك تهريب باموتر من الصوفة أو وجه الكرتير أو الصرة
- بعد كل هذا تجي تفكر بالشمبر (مع إني ماتوقع لأن السيارة 2005 وما أمداها والددسن ماشاء الله تمشي ل500 ألف ماعندها خلاف )
sgl2002
17/04/2011, 07:34 AM
شف ياخوي ...
الددسن البخاخ وخصوصا من 2005 وفوق تنقص بعد 4000 نص علبة ...

موترك لازم تشيك على حاجات ...

- هل الزيت يقلب أسود مره لدرجة الاحتراق أم انه قلب عايدي .
- هل يوم نقص الزيت تمشي بالحر وبسرعة قوية والمكيف شغال
- هل عندك تهريب باموتر من الصوفة أو وجه الكرتير أو الصرة
- بعد كل هذا تجي تفكر بالشمبر (مع إني ماتوقع لأن السيارة 2005 وما أمداها والددسن ماشاء الله تمشي ل500 ألف ماعندها خلاف )
- فيه نوعية الزيت ترى لها دور كبير
السلوم 2005
19/04/2011, 01:53 PM
ماقصرتوا وجزاكم الله الف خير

اخوي sgl2002
ايه اسرع بالحر والمكيف شغال . . توقع هنا المشكله ...؟