المساعد الشخصي الرقمي

مشاهدة النسخة كاملة : الموتر جنني :( سؤال قبل فك المكينة


الكازم
16/04/2011, 06:12 PM
السلام عليكم ورحمة الله وبركاتة

الموتر بعد الشد والجلد ..أنفجرت الطبة حقت الموية
وصارت ترتفع الحرارة ومشينا فيه وكل 5 دقايق نعبيه مره ثانية
المهم وصلنا للورشة والموتر يدخن ههههه وحرارته نص

غيرنا الطبة وغيرنا وجيه القزوز وكل شي تمام وقال تقدر تستلم
السيارة لكن للأسف رجعت الحالة من جديدة وما زال الرديتر بخار
×بخار والحرارة نص



رحنا لكذا ورشة اللي يقول سلندر واللي يقول شنبر واللي يقول الراس


وش تنصحوني فيه ياجماعة...الموتر يمشي بس الحرارة ترتفع واذا صارت فوق
النص يطفي تلقائي ويجلس ساعه لين ما يشتغل مافيه لادخان ولا شيء
برايدوي عنيد
16/04/2011, 08:52 PM
هلابك اخوي

شكل الراس يبي له مسح لانه مع الحراره اكيد تأثر

هذا مالدي وتقبل مروري..
خوة نشاما
16/04/2011, 09:19 PM
اعتقد وجه الراس مع المسح ان شاء الله بتحل المشكله

هذا والله اعلم
ابو عود
16/04/2011, 09:22 PM
وش السياره

وكم مشيت عليها والحراره مرتفعه
storm way
16/04/2011, 09:51 PM
الراس مشعور طال عمرك
كديان
16/04/2011, 11:58 PM
ياخي وشولون تبي الفايدة و انت ما ذكرت نوع و موديل الموتر ؟؟؟؟؟
اقرا شروط كتابة موضوع جديد تحصله بالمواضيع المثبت اعلى الصفحة

افتح غطاء الزيت و الموتر حار او رح عليه لمشوار 4دقايق
اذا حصلت على الغطاء بخار ماء حليب لونه ابيض
فهذا شعر براس المكينة او عندك الراس مقوس او وجيه الراس ضعيفة ما تحجب الزيت عن الماء
تاكد من الدفاية اللي عند رجلين الراكب لا تكون تهرب ماء ارفع الفرشة الارضية و احتمال تحصل اثر ماء
و تصير دايم بالمواتر
الكازم
17/04/2011, 04:57 AM
الله يعطيكم العافية جميعاً

عز الله انكم كفووو من ورى الشاشات

ومجرد سؤال مني..وعرفتوا المشكلة

أدري بكم يالمكشاتية أن مايخفاكم شي الله لايضركم هههه


فعلا وقفت على راسه يوم فك الرأس ووراني آثر الحرق

وقال يبي له مسح


لو اسأل مره ثانية تجاوبوني ؟ هههههه


كم ظنكم يكلف ؟
مركز حراره
17/04/2011, 08:42 AM
الله اعلم ممكن تاثر وجه الراس اذا كان الرديتر حار
شف عيار الزيت فيه ماء
كديان
17/04/2011, 12:45 PM
يعني منتب معلمنا وش الموتر ؟ !!!
عبدالعزيز بن احمد
17/04/2011, 02:35 PM
يعني منتب معلمنا وش الموتر ؟ !!!

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه


لا تعليق ...........