الفزعه ياشباب ياهل التاهو تكفون

[النايف2020]

السلام عليكم ورحمة الله وبركاته


اخــــــــــــــــــــــــــــــــــــــــــــــــ واني شوفو لي حل


السيارة تاهو موديل 2008 ماشيه 140000 كم


المشكلة صوت طقطقه في المكينه طيعا قبل شهر ظهر الصوت ثم اختفى واليوم بالليل طلع شغلت السياره عادي لين ارتفعة الحراره ومشيت عادي وبعد 4 كيلو سمعت الطقطقه وكل مادعست تزود بالصوت وبعده طفيت وشغلت وطلع الصوت الممهم اوقفت 10 دقائق ومن ثم مشيت اختفى الصوت يالربع من يعلمني عنه.

[كديان]

هل تولع لمبة الزيت ؟
هل يطيح ينزل انبير الزيت ؟
هل تظهر رسالة بالطبلون لحظة الصوت مثل (الزيت منخفض للمحرك او ضغط طرمبة الزيت منخفض)
هل الطقطقة تظهر و المكيف شغال ؟
قبل فترة مع احد الربع يوكون حق شركة كاديلاك اللي اسمه اسكاليد كان يطلع صوت طقطقة
و كان اللي يسمع الصوت يقول هالصوت بوسط المكينة و طلعت المشكلة من البكرة الصغيرة حقت السير
و مكانه اذا كانت المكينة قدامك تصير البكرة من جهة اليمين الى جهة رفرف السواق
اذا طلع الصوت افتح الكبوت و حاول تتبع مصدر الصوت
يساعدك على ذلك جب لي نص متر او متر مثل لي المكيف الصحرواي
و حط طرفه باذنك و الطرف الاخر على جرم المكينة او على الدينمو او على شداد المكيف
و هكذا
طريقة اللي مثل سماعة الطبيب

[النايف2020]

هل تولع لمبة الزيت ؟


لا اخوي



هل يطيح ينزل انبير الزيت ؟


طاح المره الاولي للربع اوتحت ولكن قبل الطقطقه


هل تظهر رسالة بالطبلون لحظة الصوت مثل (الزيت منخفض للمحرك او ضغط طرمبة الزيت منخفض)


لا ابد


هل الطقطقة تظهر و المكيف شغال ؟



لا ما شغلت المكيف

قبل فترة مع احد الربع يوكون حق شركة كاديلاك اللي اسمه اسكاليد كان يطلع صوت طقطقة
و كان اللي يسمع الصوت يقول هالصوت بوسط المكينة و طلعت المشكلة من البكرة الصغيرة حقت السير
و مكانه اذا كانت المكينة قدامك تصير البكرة من جهة اليمين الى جهة رفرف السواق
اذا طلع الصوت افتح الكبوت و حاول تتبع مصدر الصوت
يساعدك على ذلك جب لي نص متر او متر مثل لي المكيف الصحرواي
و حط طرفه باذنك و الطرف الاخر على جرم المكينة او على الدينمو او على شداد المكيف
و هكذا
طريقة اللي مثل سماعة الطبيب



الله يجزاك خير لكن اللي محيرني ليه اختفى الصوت وطلع صوت المكينه صافي عادي جدا

[AMAZ]

مر على اي وكاله جي ام سي واشتر من عندهم فلتر زيت اصلي ومر على اقرب بنشري وغير زيت المكينه 10/30 اغلب خراب السيارات من السيفون التجاري وياكثره عند البناشر ما يغيرون الا هو ويقولك اصلي وهو تجاري كله كرتون يتفتت ويسد مجرى الزيت جرب وماريح يضرك شي ان ما لقحت والا ما ظرها الجمل .

[كديان]

وياك و كل مسلم
اخوي اماز ذكرن بنقطة السيفون الاصلي
لان فيه 4 مواتر باترول مخبطة و السبب سيفون ب12ريال حق البناشر
احرص على السيفون الاصلي و تاكد من رقمه خذه من محلات قطع الغيار الاصلي اللي هي موزعه للوكالة
الصوت اللي ظهر عندك احتمال انه رمان دينمو او كمبرسور او بكرة شداد يعني يكون الخراب على بدايته
لذلك مرة يطلع و مرة يختفي يعني لسا ببدايته
لكن معروف ان السيفون التجاري اذا سكر مجاري الزيت على طول تطقطق المكينة بسبب نقص الزيت
الاصلي بوسطه شخال حديد + اسفنج
اما التجاري بوسطه كرتون و بسبب الحرارة يتمدد و يسكر مجاري الزيت دخول و خروج الزيت من السيفون الى المكينة
ابدا بالاسهل و غير السيفون

[النايف2020]

الله يجزاكم خير جميعا ويحرم وجيهكم عن النار

اليوم الصباح شغلت السياره ما فيه اي مشكلة عادي والله ياجماعه حاجه تحير

[كديان]

وياك و كل مسلم

قلت لك سابقا المشكلة عندك احد امرين
يانه ستختفي و تظهر على استحياء
او ان المشكلة في بدايته و ستزود يوما بعد يوم او بعد شهر
لذلك اطمئن مالك الا المكتوب

[النايف2020]

عموما مريت الميكانيكي وطالع في ضغط الزيت وقال طبيعي

وسمع المكينه وبرضوه قال مافيه شي طبعا او ما قلت له المشكلة قال متى غيرت السيفون حق الزيت من قريب ماشي 3000 كم قال هذا الصوت من الصبابات احيانا ما يصلها الزيت وطلع صوت الطقطقه لكن نصيحه غير السبفون واحرص على ان يكون اصلي والسياره الان مافيه اي مشكله

هذا كلام الميكانيكي

[النايف2020]

الحمدلله طلعت المشكلة من السيفون

اخذت واحد من الوكالة وسويت مقارنه طلع فرق كبير بينهم لكن الحمدلله ضبط الموتر

نصيحه اهتمو بالسيفون لا تتساهلوا فيه

[كديان]

الحمدلله على كل حال
لازم تتطلع على كتالوج السيارة مهم جدا
حيث يحتوي على رقم فلتر الزيت الصحيح يجي رقم 52 او 61 او 62 مقاسات كثيرة
و ايضا يحتوي الكتالوج على معلومات عن كم تاخذ المكينة من لتر
سواء زيت او زيت قير او ماء الاديتر كم لتر
و يضا يحتوي على ارقام البواجي