المساعد الشخصي الرقمي

مشاهدة النسخة كاملة : عندي مشكلة بالجمس أرجوالمساعدة تكفون


نايف 1988
17/04/2011, 03:24 AM
عندي جمس 2009 فيه صوت جلد او ربلات المقصات فيها نشفان يقول الميزان

وش الحل لاختفاء الصوت ارجو الافادة وشكرا

مع العلم انه اعرف واحد غير مقصات كاملة في الوكالة ورجع الصوت زيه ما كان عليه سألت ميزان يقول انه اذا غيرت فقط الربلات الخربانه يحصل معك فظاوه في المقصات بعد التركيب هل كلامه صحيح ام لا ارجو منكم حل لهذه المشكلة
كديان
17/04/2011, 03:30 AM
الورش و المراكز الكبيرة كلهم نصابين
وشولون موتر جديد و تغير له جلد و مقصات يا شيخ يالله لو هو طايح من جبل
اعرف لك موتر جمس م2001 و ماشي فوق ال200الف
و كل سنة ما شاء الله سفريات و كشتات للصمان و الدهناء و لا شاف الا العافية
و ما خرب لا مقص و جلد و لا رباطات
المهم غير فقط فحمات زيت قير فلتر قير صفاي بنزيز بواجي سيور فلتر هواء فقط

مر على ورشة ثقة

ادخل الرابط وشف اخر رد بخصوص الورش


عندي مشكلة في طرنبة الزيت للجمس + صور + فديو (http://www.mekshat.com/vb/showthread.php?t=399542)
طلااالي
17/04/2011, 07:09 AM
ان شاء الله يفيدوووك اهل الخبره
نايف 1988
20/04/2011, 03:46 AM
شباب وش تنصحوني اعمل به
مع العلم ان الصوت ازعجني
ما احب الاصوات المزعجة بالسيارة
قلب الاسد sy
20/04/2011, 04:48 AM
غسل السياره بستم من تحت ورشها بشويه ديزل ورح عند محلات غيار الزيت وخله يشحم لك تحتية السياره كامل
قبل لا تروح عند الورش جرب كلامي واذا ماظبطت رح للورش ..........................................
كديان
20/04/2011, 05:29 AM
اخوي شف ردي السابق فيه رابط حق ورش جموس

اخوي قلب الاسد
معروف ضرر الديزل شديد جدا على الربلات و الكعكات يعدم كل شي
نايف 1988
20/04/2011, 06:41 PM
طيب انا غسلة الموتر من تحت ومالقيت مكان اشحم فيه ربلات المقصات مع العلم اني رشيت السيارة قبل اسبوع زيت من تحت واختفى الصوت يومين ورجع وش الحل ارجووووووووووووكم
كديان
20/04/2011, 08:45 PM
اخوي نايف الربلات ما به مشاحم
الاذرعة و الركب هي اللي له راس مشحمة
نايف 1988
21/04/2011, 02:25 AM
اخوي كديان ادري ان الربلات ما به مشاحم بس اذا ركبت عليها شحم من الخارج وشوي من الداخل يخف الصوت
كذالك عندما ارش ربلات المقصات بالزيت يروح الصوت ويرجع بعد يومين


ارجو منكم من عنده معلومه او حل مفيد ان لا يبخل علينا ولكم مني الدعاء
كديان
21/04/2011, 02:55 AM
اللي اعرفه اذا حطيت شحم او زيت
مع الايام يجمع غبار و رمل و يطلع اصوات صرصرة سواء و انت لاف او مريوس او بنفود
ضرر اكثر من نفع
نايف 1988
22/04/2011, 12:55 AM
طيب وش تنصحوني به مع العلم اني اليوم مريت الوكالة قال نغيرلك المقصات بس بشرط مافيه ضمان ولا ساعه
يوم سألت الفني قال هذي المشكلة بالجموس واجد ومالها حل ما ادري هو صادق ولا لا ارجو منكم مساعدتي
الهاجر 7002
22/04/2011, 01:16 AM
آلوكآله كذآآبين ..

لكن رح لورشه مضمونه ويشيكون على الموتر..

ومدآم آنت رشيت زيت ولآ طلع صوت .. رح غير آللي رشيتع بآلزيت لآن آلصوت من عندهـ


ويفيدونك آلرجآل...
كديان
22/04/2011, 10:44 AM
اخوي نايف انت تخلي الواحد يزعل منك
شف اول رد لي فيه ورش جموس على الاقل مر عليهم او يدلونك على ورشة ثقة
خصوصا مشعل العتيبي
او ادخل الرابطة و اسالهم
نايف 1988
23/04/2011, 01:16 AM
اسف اخواني ادري اني ثقلتها عليكم بس وش اسوي
الله يعطيكم العافيه على جهودكم واعذروني على التقصير والازعاج
ياعمار يانجد
23/04/2011, 05:59 AM
حياك الله نايف
موترك ما فيه الا العافية ما شاء الله
الصوت اللي تقول عنه ان ما خاب ظني فهو من البودي نفسه من تحت الجموس الجديدة فيه فتحات صغيرة بين الربل اللي يمسك البودي في الشاص ومع طلعات البر ودخول الغبار والحصى يطلع صوت صرصره وطقطقه خفيفة فأغلبهم يحط فيها معجون او سيلكون وبإذن الله يروح الصوت .
عطني فرصة وبشوف لك واحد مسويها واعطيك الخبر اليقين إن شاء الله.
تحياتي،،،
أبوعبدالله،،،،
رحال7
23/04/2011, 08:35 AM
حياك الله نايف
موترك ما فيه الا العافية ما شاء الله
الصوت اللي تقول عنه ان ما خاب ظني فهو من البودي نفسه من تحت الجموس الجديدة فيه فتحات صغيرة بين الربل اللي يمسك البودي في الشاص ومع طلعات البر ودخول الغبار والحصى يطلع صوت صرصره وطقطقه خفيفة فأغلبهم يحط فيها معجون او سيلكون وبإذن الله يروح الصوت .
عطني فرصة وبشوف لك واحد مسويها واعطيك الخبر اليقين إن شاء الله.
تحياتي،،،
أبوعبدالله،،،،


انا مع هذا الحل واضيف هناك حل عند الوكاله لهذه المشكله والله اعلم
ياعمار يانجد
23/04/2011, 11:00 AM
أخ نايف
سألت خوينا اللي عنده هالمشكلة و قال ان الصوت صرصره وطقة خفيفة تحت وبعد جهد وفحص تبين أنه من الدعاسات الجانبية او الوطايات يقول كنت مركبها على الشاص على طول يعني نفس مساميره وصار هناك مسافة بين الشاص والمسامير فيحدث الصوت فقام بفكها وتركيبها بالترهيم فراحت الاصوات علماً ان موتره جمس غمارة ونص 2010
آمل أني افدك كان المشكلة نفسها .
تحياتي،،
أبوعبدالله
نايف 1988
23/04/2011, 03:15 PM
الله لايهينكم يا شباب

بس لوسمحتو ممكن صور اذا فيه امكانية
نايف 1988
23/04/2011, 03:21 PM
انا جيت الوكاله يقول هذي المشكلة بكثير من الجموس


وش رايكم
الصوت زي ما تقول حك اذا ركب مطب او نزل بس واذا مسكت بريك اسمع شوي من الصوت
نايف 1988
26/04/2011, 01:28 AM
بشرو ماحد لقى حل تكفون
نايف 1988
29/04/2011, 07:15 PM
تكفون يا شباب ساعدوني محد افادني بالحل الاكيد
نايف 1988
21/05/2011, 02:42 AM
هاه يا شباب وش تنصحوني به
رحال7
21/05/2011, 09:47 AM
اشرح بكل دقه ما هو الصوت
متى يصير
اى سرعه
فى اى جهه من الموتر
على المطبات والا فى كل الاوقات
اوصف الصوت بدقه ولا توصف ما يعتقده الاخرين..اوصف ما تسمع وما تحس بكل دقه
ولا تستعجل
سيارتك وش هى؟؟؟
جمس ايش؟ دبل والا عادى وكم ماشيه
سوبر VTC
22/05/2011, 04:22 AM
اخي العزيز
فيه رد بالاعلى للعضو كديان يحتوي على ورش خاصة بالجموس
و ايضا فيه ورشة عبدالرحمن الجميح بطريق خريص
خلف الوكالة من جهة الجنوب و الشرق