أستفسار لمن في الدمام أو لديه خبره

[الحداق الكبير]

السلام عليكم شباب

انا دايم أروح أصيد عند فن تايم أو مطعم ليالينا
يقال..أنه هناك فيه صيد كثير بس ولا مره صدت سمكه كبيره
دايم قرقفان و صغار نوعاً ما
بس حاب أعرف شنو أنواع السمك المتوافر هنا و ما الطعم المستخدم لها.


ولكم من الشكر و التقدير

[عاشق اللقيطة]

و عليكم السلام أنا مو من المنطقة بس اذا تبي نصيحتي السمك الي تصيده شكه في الديل و رجعه وفالك السحبات

[alqamr]

السلام عليكم شباب

انا دايم أروح أصيد عند فن تايم أو مطعم ليالينا
يقال..أنه هناك فيه صيد كثير بس ولا مره صدت سمكه كبيره
دايم قرقفان و صغار نوعاً ما
بس حاب أعرف شنو أنواع السمك المتوافر هنا و ما الطعم المستخدم لها.


ولكم من الشكر و التقدير


انا عن نفسي لم اصد ولم اشاهد ولكن في ثقات واعضاء في منتدانا الغالي
اخبرونا بتواجد
السبيطي - شعور - فسكور - بركودا (جد)-شعم - رقطه - قرقفان - هامور -قرش

[1بوخالد]

و عليكم السلام أنا مو من المنطقة بس اذا تبي نصيحتي السمك الي تصيده شكه في الديل و رجعه وفالك السحبات

ونعم الشور والله وازيد عليها بإن تخلي الرميه ابعد ويا حبذا لو خليت السمكه حيه لين يجيك المد صح وترمي وفالك مثل ما قال اخونا السحبات الجامده.

تحياتي
أبوخالد

[الحداق الكبير]

مشكورين بس شنو الطعم
..السمك الحي ما أقدر أشتريه..

[accentkool]

هناك يطلع معك سبيطي -دويلمي-شعوم-مزيزي-فسكر-قرقفان
بس حاول تخلي الرمية جهه المطعم

[صياد متهور]

وعليكم السلام ورحمة الله وبركاته
عند الزاوية اليمين انا مطلع فسكر وينم وسبيطي ودويلمي وهامور وضلعة وهريري ولخم وشعوم
(زماريري . مجوة . قرقفان ) انواع من الحمام . حواقيل . خثاق وا خطبوط
شو بدك كمان ولاا هههه مزوح بس جد هدا بعض اللي طلع معنا
بالتوفيق وفالك السبيطي والهامور

[طحنون]

الموقع ذا مثل راس ابوقميص الهدوء اللي يسبق العاصفه يعني ماتدري وش يطلع معك ومللئ بالمفاجات
الغير عاديه جدا يعني اذكر شخص طلع كنعد 14 كيلو مع بدايه الشتاء وواحد طلع قرش نمري طوله تقريبا متر ونص
يعني انت وحظك
مع مراعاه الاوقات على حسب المد وبدايه الشهر ونصف الشهر واخر الشهر يعني مع المد الجامد نهايه الشهر ماينفع

[مدمن الأسماك]

نصيحتى لك عند الفان تايم لو ترغب بالأسماك الكبيرة طبعا هى ارزاق بس لازم تأخد بالأسباب مثل ما قالولك الإخوان صيد بالسالية طعم صغير ميد منشوس سلس او حتى قرقفان بس يطول شويه فى الصيد ما هو سريع مثل المنشوس وحاول ترمى جهه المطعم وفالك السبيطى والباركوادا والهامور ولا تنسى تعزمنا

[ابوعبدالعزيز222]

مكان ممتاز بس الصبر واحد من الشباب صايد هرير طولة حوالي متر ونصف تقريبا هناك وانا كنت موجود وطلع كنعد حوالي متر في صيد بس الصبر وتتواجد الشعري والسبيطي الله يرزقك يارب

[خفجاوي عالمي]

حاول وحاول وحاول
وكل شوي جرب طريقه ولا تيأس
وفالك البيرق

[mitchell]

اخوي اول حاجه بتاخذها بعين الاعتبار قوة السناره واختيار نوع جيد من الخيط والماكينه تكون حجمها كبير مثلا عندك من البونكس ST 700c الى البونكس SI7000 او غيرها من المكاين القويه
طبعا بالنسبه للميدار يكون ثلاثي مع سيم او احادي مقاس 06 مشبوك برداع
بالنسبه للطعم عندك المنشوس والسلس والخثاق بالنسبه لي اي سمكه تطلع معك شكها واتوكل على الله
حتى لو كانت زمرور او ابو نقطه
اذا كان الطعم حي وهو المفضل تشكه من الذيل بس انتبه تشكه في العمود الفقري عشان لا تنشل السمكه
طبعا حاول ترمي مسافه تكون بعيده شوي وممكن ترمي قريب حلالي يعني بدون ثقل
وفالك الهامور

[الحداق الكبير]

مشكورين
تسلمو على النصايح
الميده إذا برميها تكون ب ثقل ولا ..؟؟
مشكورين

[mitchell]

نصيحتي ابعد عن الميد وغنيلو الا اذا كان ميد اصابع بحجم المنشوس اوكي