قصة الرجل العابر الغامض مع ابوي ...

[المنصووووري]

السلام عليكم ورحمة الله وبركاته


في احد الأيام كان ابوي مسافر الى الأمارات عنده شغل وبعد ماخلص شغله رجع الى

السعوديه ويوم وصل للمنفذ البطحاء بعد ماخلص اجراءاته من الجمرك شاف واحد يأشر

له ..رجل شايب معه شنطه .. المهم وقف ابوي عنده .. جاء الشايب .. السلام عليكم ..

رد ابوي وعليكم السلام .. قال الشايب .. وين رايح يالنشمي .. قال ابوي وين تبي انت ..

قال .. ابي الأحساء .. قال اركب بوصلك .. على طريقي .. المهم ركب الشايب مع ابوي

وابوي يوم شاله معه يبيه يسولف عليه .. قال ذا شايب واكيد عنده سوالفن زينه وعنده

قصيد الأولين وعلومهم ..

المهم تحركوا وهم ماشين كلهم ساكتين ماحد يتكلم مع الثاني .. قال ابوي للشايب شف

القهوه والتمر تحت في الدوسه تفاول وتقهو ..

رد الشايب وقال .. مابي قهوتك ولا فوالتك ..!!!!!!!

قاله يابن الحلال انا اسوق السياره ذا الحين ماقدر اصب عليك ..!!!

القهوه عندك وتقهو ..!!

قال اقول مابي قهوتك ..!!

ابوي قال اكيد انه يمزح ذا الشايب حليله ..!!

قاله بكيفك تبي القهوه عندك ماتبيها بكيفك ..!!

المهم ماعد احد تكلم مع الثاني ..!!

ويوم مشو مسافه .. قاله ابوي .. من اي قبيله انت ..؟؟

قال لاتسألني من أنا اقضب الدركسون وخلك ماشي بس ..؟؟

استغرب ابوي من ذا الشايب ..!!!!!!!!!!!

قال ابوي زين .. من وين جاي انت ..؟؟

قال ماهو شغلك ..!!

قال ياخوي عسى مابه خلاف ..؟؟ لاتبي تتقهوا ولاتبي تعلمني من انت ولاتبي تعلمني من

وين جاي ..؟؟

قال ماهنا خلاف ماهنا خلاف ..!!

قال ابوي انت تمزح معي .. ولا من جدك ..؟؟

قال انا اعرفك ولاتعرفني عشان امزح معك ..؟؟

قال ابوي تدري .. لابك ولا بمخوتك معي .. وقف ابوي على طرف الزفلت .. وقاله انزل

انزل .. قال الشايب بتنزلني هنا... قال انزلك.. قال الشايب تدري من انا .. قال من انت ..

قال انا من صبيان قحطان ..ونزل من

السياره ... قال ابوي وصلتك معي ولاجيتك الا بطيب... وابيك تتقهوى وعييت ..

وكل ماسألتك عن شي قلت لاتسألني ..

المهم قام الشايب وشال شنطته معه وسكر الباب ..

ومشى ابوي عنه وخلاه على الزفلت يأشر ...


وهذي اخر القصه

وسلامتكم

[قوافي ( أم نهار )]

يمكن نقول احسن انه حوله من السياره وراح بخيره وشره

[العوووام]

ههههههههههههههههههههههههههه

لاحول ولاقوة الا بالله

[بدون ااسم]

لاحول ولا قوة الا بالله

[بيارق 312]

الحمدلله على السلامه

[العاااازف]

خطا تنزيله بدون صراحة مهما كان
الرجال تتحمل بعض والجماله لاتجبر غيرك على الي تبي
الوالد مخطي بتنزيله وقبلها مخطي انه يجبرهـ على طبعه
وجه نظري الشخصيه اخي

[انسانه؟]

ولاعرفتوا بالنهايه وش قصة الشايب !!
من جديخوف يركب ولايتكلم ,,
الله يعطيك الف عافيه .

[الشنه]

في هالزمان الأغبر
ى توقف لأبن امه ولا تشيل احد
واذا تبير احد يرد عليك الصوت عندك الرادو
سولف معه

في هالزمن ما ينفع المعروف

[مريقب العيفار]

اكيد حاجة تضايق انه لايسولف ولا شيء

لكن دام انه شايله يبي أجره فالافضل انه كمل معروفه

اتوقع ان الرجل مضطرب نفسيا

وتنزيلته بمقطعه خطأ بين

[سريع الندم]

شكل الشايب خاطره شين يوم ركب

[الواااااااافي]

ههههههههههههههههههههههههه
وش الشااااااااااااايب النشبه

بس من وجهة نظري ان الوالد مخطي يوم نزله لأنه شاله يبي ألأجر المفروض كمل معروفه

[طاش كندي]

عزالله اني عرفته اناء كانت من سكان بالاحساء

الرجال مريض ويجي في الحفلات ويسب وناس عرفينه مايقولون له شي يعطونه على كيفه

وقبل 4و5 سنين مات دعسته سياره

[Al3rands]

انا من ناحيتي كان كملت معروفي ونزلته بالحسا بس شكل الوالد حااااااااااار

[بتاع بر]

الحمد لله على سلامة الوالد زين مامد ايده عليه هالايام لالاتحرص تركب احد

[ماجد الشمال 1]

قلعتة الله لايردة
الرجال سوى معة معروف ركبة معة ويقولة اتقهو
يرد مبى قهوتك
فنجال القهوة ماهو بسيط عند الرجال الي يعرفونه
الناس تتنازل عن ارقاب لاشربو فنجال القهوة
حتى لوكان مريض نفسي ممكن بل اكيد انه رح يورطك بالحدود
او ممكن مع الدوريات

[تؤبر تسبدى]

اشيلة معي وبعدين يهايط ويرفع صوتة

لو مكانة انزلة واخذ قشة وانثرة بعد قال صبي قحطان قال

[المماتوس]

يمكن رافضي
ولكن أضم صوتي لصوت الأخوان
بعد صحة تركه في مقطعة وهو كان عنده السكوت أفضل من الكلام
المفترض تركه ساكت لين ياصل بخيره وشره
والمسلم إذا خاف كيد إنسان يقول أدعية مأثورة
( اللهم أكفناهم بما شئت )
أو
(اللهم إنا نعوذ بك من شرورهم ونجعلك في نحورهم)
أو كما قال صلى الله عليه وسلم

[الضيغم]

ياوووووووووه عزالله اني منتهي الصلاحيه


أبوك شكله حاااااااار مره انا من جنبها انواع البرود عادي

ركب معي واحد يدبل التسبد لقيته يأشر عند أبو حدريه

قلت وين قال الكويت

وانا طالع الخفجي


ووصلته معي حول 170 كيلو



لا حس ولا خبر تقل أطرم ووجهه ما أشوفه حاط الشماغ قدام


ويخزني بطرف عين شكله نفسيه ( عاد جبر - انا قلت الحين كف ويفقع وجهي وما حولي أحد )


ووقفت خوياي 3 مسافريين بسياره ثانيه

بس الله يهديهم هاجين مني يدخنون كلهم الله يعصمهم من الزقاير


وركبت واحد معي ( الذله بنت حلال ) هههههههههههه


ولين نزلناه للجمرك ما تكلم ولا حرف



الله يستر بس ..

[سليمان الربيعان]

الله يهديه كان وصله الوالد وكمل معروفه او نزله عند محطه يشوفله احد ثاني

[ابو زنعاف]

احسن ماسو ابوك يالغالي ياخي هذ شايف نفس والدليل شف الاول القصه جاء الشايب .. السلام عليكم ..

رد ابوي وعليكم السلام .. قال الشايب .. وين رايح يالنشمي يوم ضمن الركوب شاف نفسه

[جيب شراع]

اشيلة معي وبعدين يهايط ويرفع صوتة

لو مكانة انزلة واخذ قشة وانثرة بعد قال صبي قحطان قال

:D:D:D:D:D:D:D:D:D:D:D:D:D:D:D:D:D:D

[عبدالعزيز666]

شكل هشايب يمشي على المثل الي يقول:خلها بالقلب تسطح ولاتطلع للناس وتفضح

[ابوالفهد]

هذا اكيد معتوه مسكين وابوك استعجل شوي

[ماجد الشمال 1]

اقول ابوك والله انه رجل ولو انا مكان
ابوك غير اتوطى بطنة معتوه مجنون ماهو شغلي
الى ماقدرني يوم شلتة وهو مقطوع
وعزمه على القهوة وشاي الى معي
ويسوي كذا

[رفيق الدرب2]

مثل ماقالوا الاغلبيه يكمل معروفه يوصله اواذاخاف وش وراه ينزله باقرب محطه وبس..وجهة نظري

[التعـ King ـديل]

انا مره من المرات كنت راجع مع طريق حرض للرياض .. ووقفت عند تفتيش المهم قالي العسكري وين رايح قلت للرياض وكان الوقت متاخر حوالي الساعه 12 بالليل

قال ولا عليك امر توصل هالرجال معك للرياض .. قلت له تعرفه قال لا بس جاي مشي من حرض المهم الرجال صغير سن وجسم قلت مامن خلاف خذه معك المهم ركب معي

انا بيني وبينكم شفته صغير قلت ان شاء الله مامنه خوف .. ومشينا في الطريق الولد يسولف ويقولي وش عنده بالرياض ومن كلامه انا تطمنت ووقفنا عند محطه بنزين

اعبي بنزين والولد نزل وشرا اغراض لي وله .. وانا امشي بالطريق اشوف الولد يرسل مسجات وتجيه مسجات واجد قلت مابدهاش اكيد في العلم شي ولا وش هالمسجات

المهم ارسلت رساله لشباب اعرفهم وقلت لهم انا بكون بالمكان الفلاني بعد ساعه خلوكم هناك وحكيت لهم السالفه من طقطق لسلام عليكم وردو علي انهم جاييين بالطريق

الولد قالي ابيك تروح مع طريق الخرج القديم عند مصنع الاسمنت قلت له لا .. بنزلك عند محطه بالدايري خل اخوياك يجونك هناك حاول معي واصريت على كلامي واذا مب

عاجبه ينزل عند اقرب محطه قال طيب واشوفه يرسل مسجات وتجيه مسجات ثانيه ويوم وصلنا الرياض قلت لخوياي تعالو عند مصنع الاسمنت علشان كان الولد مرتب لشي

يخرب عليه وقلت تراني كنت امزح معك خل اخوياك يجون عند مصنع الاسمنت فيه محطه قبل المصنع على اليسار وقفت قبالها وقلت لاخوياي برساله خلوكم منتبهين لي

لاني بيني وبينكم ماكنت مرتاح لحركات الولد ومعي بالدرج مبلغ كبير وجوالاتي غاليه ومعي لاب توب المهم الولد نزل واخوياه بالسياره شكرني وركب معهم يوم جاء يمشي

قلت له ممكن سؤال شلون قلت لاخوياك عن محلنا قال كنت اراسلهم لاني مستحي اكلمهم قدامك وبيني وبينكم ضاق صدري وقلت له يحللني لاني شكيت فيه وناديت اخوياي

الكلام مب هنا يوم مشى وقابلت اخوياي حسيت اني بروح احارب جايبين شوزن وكم فرد وعجرات ههههههههههههههههه والله ضحكت لين انعمت عيوني وبغو يطقوني يوم عرفو

بس تبي الجد سلم على ابوك يوم نزله

[خوي مخباته]

بها الزمن ماودك تشيل احد خاصه باالخطوط الطويله
والحمدالله على سلامت الوالد