المساعد الشخصي الرقمي

مشاهدة النسخة كاملة : فتك 2007 وعدم ثبات وجه الموتر


شطحات
19/04/2011, 10:27 AM
السلام عليكم ورحمة الله وبركاته
عندي عدة مشاكل في نيسان سوبر سفاري 2007
الموتر على الخط مهب راسي أبد أبد .. وجه الموتر يلعب لعب
وحتى في الرمل أي مطناج خفيف تنطل شنطة الموتر على طول .. يعني لاوجهه راسي ولا خلفيته راسيه

الموتر نظيف توني شاريه .. بس استغربت منه في بعض الأشياء
انزل رمله خفيفه مايتحاج الموتر فيها دبل والهواء 25 .. يحفر الموتر على طول .. لازم أشغل الدبل الخفيف .. قلت يمكن ماعرفت أوزن الموتر .. خليت واحد من الشباب معه فتك 2008 .. يسوق موتري ويجرب .. ونفس المشكله يحفر على طول ... الكفرات هانكوك
وعلى الخط .. يالله يوصل 160 كلم .. وبعد العناء والمسايسه يوصل 170 او 180
وياليت تفيدوني عن أماكن التشاليح .. لان عندي أكثر من شغله أحتاجها

انا في الشرقية

وفيه احد الزملاء هنا في المنتدى معه سفاري 2008 ومسوي تجهيزات في ورشه في الدمام .. كتبت له في موضوعه أبي مكان الورشة او رقمها .. ولكن لم يرد
ياليت اللي يعرفها يعطيني اسمها ووصفها ورقمها

لاهنتوووا
ALBDRANE
19/04/2011, 11:10 AM
حياك الله أخوي يسعدني أني أرد على أول موضوع لك في المنتدى واقول
المشاكل الي ذكرتها وهي عدم الرساوة في مقدمة السيارة والمؤخره هذي تدل على أن السيارة مهيب نظيفه على كلامك وقد تكون تعرضت لانقلاب أو صدمات قوية أذا كان توك شاريها ..... برق زين في السيارة وحديدها من تحت قد تكون السيارة طامر بها راعيها عقم ولا جفرة كبيرة وقام صلحها حد البيع وبقى بعض الأمور الصعبه وقال يمكن ما يلاحضها الي يشتريها من أول ما يجربها وهكذا ....وترى هذي شغلات الناس الي ما تخاف الله ومنهم بعض أصحاب المعارض والشريطية والي يشترون السيارات المصدومه .
مرير الشوق
19/04/2011, 01:52 PM
بخصوص الحذفيه

شيك على

مقصات الشاص .



وبخصوص السرعه ومايجيب سرعته

غير البواجي وصفاية البنزين


وبخصوص انه يحفر الموتر وانت بالرمله

لازم يحفر لأن هواء الموتر 25

نقصه شوي وان شاء الله يظبط معاك



وان شاء الله ان الموتر سليم من الانقلاب وغيرها

وبما انك شاري الموتر جديد

شيك على الحاجات اللي تبي تغير مثل جلد الموتر وعكوسه وياياته ومساعداته ومسامير التوازن

ومقصاته



وبالتوفيق لك
باثفندر
19/04/2011, 02:26 PM
ان شاء الله ابسط من اللي قال ALBDRANE (http://www.mekshat.com/vb/member.php?u=34504)

اتوقع المساعدات خربانه ويبيله تصفيه مكينة

ومشكلتك لازم انت تكتشفها - تك ايدك على الكبوت واضغط الموتر وشف اذا هو يلعب معك المساعدات خربانه ، وبالنسبة للحفر اذا الدفرنش سليم وكفرين يدورون سوا تكون الكفرات يابسه شيك تاريخها ,,

والله يطعمك خيره ويكفيك شره
كديان
19/04/2011, 02:35 PM
الورشة حقت التجهيزات ورشة البتار بشارع الملك سعود و بعض الاعضاء يقولون غالي
شف الرابط

اين اجد في الدمام من يركب بطاريه اضافيه وشغله ممتاز ومتخصص ... (http://www.mekshat.com/vb/showthread.php?p=2888131)
عبدالعزيز بن احمد
19/04/2011, 02:38 PM
شف الامساعدات لان عدم رساوة الموتر ناتج عن المساعد يمكن متفقعات ولا صناعه رديه

وما يقصرون معك الشباب اسئلهم عن اجود انواع المساعدات


ان شاء الله ابسط من اللي قال ALBDRANE (http://www.mekshat.com/vb/member.php?u=34504)



اتوقع المساعدات خربانه ويبيله تصفيه مكينة


ومشكلتك لازم انت تكتشفها - تك ايدك على الكبوت واضغط الموتر وشف اذا هو يلعب معك المساعدات خربانه ، وبالنسبة للحفر اذا الدفرنش سليم وكفرين يدورون سوا تكون الكفرات يابسه شيك تاريخها ,,


والله يطعمك خيره ويكفيك شره

بيض الله وجهه ما قصر
شطحات
20/04/2011, 12:57 AM
حياك الله أخوي يسعدني أني أرد على أول موضوع لك في المنتدى واقول
المشاكل الي ذكرتها وهي عدم الرساوة في مقدمة السيارة والمؤخره هذي تدل على أن السيارة مهيب نظيفه على كلامك وقد تكون تعرضت لانقلاب أو صدمات قوية أذا كان توك شاريها ..... برق زين في السيارة وحديدها من تحت قد تكون السيارة طامر بها راعيها عقم ولا جفرة كبيرة وقام صلحها حد البيع وبقى بعض الأمور الصعبه وقال يمكن ما يلاحضها الي يشتريها من أول ما يجربها وهكذا ....وترى هذي شغلات الناس الي ما تخاف الله ومنهم بعض أصحاب المعارض والشريطية والي يشترون السيارات المصدومه .




يامرحبا بك أخوي ... والله إنك روعتني ... لو مانيب متأكد وواثق من نفسي في التشييك على السيارة .. وعند أكثر من شخص لهم خبره في السيارات .. وكم ورشة كان قلت ياولد تخوبرت في الموتر ..

أبشرك البدي مالمسه الشاكوش .. والمحركات أشبه بالجديدة .. وانا ماشريته من شريطي ولا من معرض .. مشتريه من أحد الاعضاء هنا في المنتدى .. ورجال يخاف الله ونعم به .. وتشرفت بمعرفتي فيه ...

اتوقع إنها مساعدات .. لانه على كلام صاحب السيارة يقول إنها استراليه مادري برازيليه أو قال إنها حقت شاص .. وانا أسمع فيها صوت .. تسسسسسسسسسسسس تسسسسسسسس
لانها والظاهر إنها غاز .. بس انا قلت يمكن من شي ثاني خلني أسأل اللي عندهم خبره أكثر مني في المنتدى وأشوف ..

والله لا يهينك وبيض الله وجهك على النصح وانا اخوك
شطحات
20/04/2011, 01:02 AM
بخصوص الحذفيه

شيك على

مقصات الشاص .



وبخصوص السرعه ومايجيب سرعته

غير البواجي وصفاية البنزين


وبخصوص انه يحفر الموتر وانت بالرمله

لازم يحفر لأن هواء الموتر 25

نقصه شوي وان شاء الله يظبط معاك



وان شاء الله ان الموتر سليم من الانقلاب وغيرها

وبما انك شاري الموتر جديد

شيك على الحاجات اللي تبي تغير مثل جلد الموتر وعكوسه وياياته ومساعداته ومسامير التوازن

ومقصاته



وبالتوفيق لك

لاهنت يامرير الشوق ..

أول ماخذيت الموتر كان فيه كراسي مكينه وكراسي قير .. فيها نص عمر تقريبا .. وغيرتها وكالة ..
وغيرت بواجي وكالة .. وصوف عكس خلفي ورمان عكس ( خلفي جهه وحده فقط )
ومسمار عمود توازن ( جهه وحده )

هذا اللي كان فيه ..

لاحظت إني لمن أدعس بنزين بزياده في الفزه .. فيه صوت مثل ( ترررررررررر ) خفيف ..
فلتر البنزين بكره بأغيره .. وبأشيك على مقصات الشاص والمساعدات وبأغير مسمار عمود التوازن الثاني عن الشكه ..

الله لا يهينك
شطحات
20/04/2011, 01:03 AM
ان شاء الله ابسط من اللي قال ALBDRANE (http://www.mekshat.com/vb/member.php?u=34504)

اتوقع المساعدات خربانه ويبيله تصفيه مكينة

ومشكلتك لازم انت تكتشفها - تك ايدك على الكبوت واضغط الموتر وشف اذا هو يلعب معك المساعدات خربانه ، وبالنسبة للحفر اذا الدفرنش سليم وكفرين يدورون سوا تكون الكفرات يابسه شيك تاريخها ,,

والله يطعمك خيره ويكفيك شره




الله يجزاك خير .. بيض الله وجهك .. وبأشيك على اللي قلته
شطحات
20/04/2011, 01:12 AM
الورشة حقت التجهيزات ورشة البتار بشارع الملك سعود و بعض الاعضاء يقولون غالي
شف الرابط

اين اجد في الدمام من يركب بطاريه اضافيه وشغله ممتاز ومتخصص ... (http://www.mekshat.com/vb/showthread.php?p=2888131)

لاهنت .. قريت الموضوع والردود .. كأنهم متفقين على إنه غالي .. بـ 1200 ريال
جامده والله ..

ماقصرت
شطحات
20/04/2011, 01:13 AM
شف الامساعدات لان عدم رساوة الموتر ناتج عن المساعد يمكن متفقعات ولا صناعه رديه

وما يقصرون معك الشباب اسئلهم عن اجود انواع المساعدات



بيض الله وجهك اخوي ... لاهنت ..
الربع الخالي2
20/04/2011, 01:31 AM
ماشاء الله عليه