بلدوزر مسروق ومكافئه لمن يجدها

[kabtn]

[S السلام عليكم [/SIZE]
بلدوزر مسروق من الدمام و مكافئه عشرون الف ريال لمن يعثر عليه
مواصفات البلدوزر:
أصفر وعليه غماره سوداء كبينه
رقم الشاص :52145
موديل :1993
البلدوزر نضيف وصبغته جديده
نطلب من الله العقلان
ارجو من المكشاتيه التعاون ولكم جزيل الشكر

ابوفهد
0503820096
kabtn1@gmail.com

[kabtn]

ماركة البلدوزر كوماتسو
وحجمها: 155
وهذي صوره مشابهه لها
http://img105.herosh.com/2011/04/19/703182023.jpg

[انسانه؟]

الله يعقلها لك

[كاشت بالمريخ]

الله يعقلها لكم...

[google-999-]

شلون سرقها الله يشل يده
الله يعقله عليكم والحلال مايضيع

[وجه النهار]

نسأل المولى أن يرد لك ضالتك

[kabtn]

انسانه -- كاشت بالمريخ -- google-999-- ؛ ayoob
جزاكم الله خير وشكرا على المرور

[دكتور/مجنون]

نسأل المولى أن يرد لك ضالتك

[kabtn]

بارك الله فيك [يادكتور]
والله لايهنك على المشاركه

[عبدالله614]

سويت بلاغ بالشرطة ؟


الدركتر فيه استكر فيه معلومات المؤسسة وارقامك ؟ (مهم جداً وبفظل الله ثم الاستكر عثرت على معدتي المسروقة)


عندي معدة مشغلها في احد المشاريع بالرياض وصحيت الساعة الخامسة والنصف فجراً على انغام الجوال
القيت نظرة على الرقم , وجدته سائق المعدة اعتقدت ان هناك عطل او بنشر او او لاكن جائت الفاجعة
ان المعدة مسروقة وغير موجودة في مكانها ولا حتى في المناطق القريبة , طبعاً قمت
مفجوع بلغت الشرطة وذهبت للبحث عنها طوال اليوم واليوم الذي يلية والذي
يلية , بعدها تمكن مني اليأس ولم اعد ابحث عنها , وبينما انا على الغداء وفي اليوم الرابع من السرقة
اتصل علي رقم غريب
انا: مرحبا
هو:صديق (طلع هندي بغيت اسكرها بوجهه لاني على الغداء ومالي خلق)
انا: خير وش عندك
هو:صديق انا في شوف شيول وقف ثلاث يوم هذا مكان مافي نفر (قصده منطقة غير ماهوله بالسكان)
المهم نسقت معه وعلى طول طبيت بالمكان والا السارق اسئال الله ان يمكن منه وقد وظعها في
حي لايوجد فيه سكان وبعيد عن اعين الناس وقد رمى بها خلف ركام شاهق من
التراب , لاكن كان هناك سكن عمالة من الشينكو هو الوحيد بالمنطقة سبحان من قيظهم لي, الحمدالله لم
يحدث لها اي مكروه سوى كسر التماتيك سالت الهندي وش عرفك اني راعي الشيول قال اخذت الرقم
من الاستكر والحمدالله من قبل ومن بعد واسال الله ان يرد ظالتك وان ينتقم لي ولك ولجميع
المسلمين من العابثين السارقين لاموال ومقدرات المسلمين

[kabtn]

الحمد لله الي عقل عليك ظالتك ياا أخ عبدالله
اي نعم سويت بلاغ عند الشرطه
لاكن المعدة ما عليها استكر تونا شارينها ومقدم على سواق
السنه هذي معظم ملاك المعدات الثقيله يشتكون من السرقات فيه عصابه كبيره ورى هذي المشكله نسئل الله ان يمكن الدوله منهم ويكفي المسلمين شرهم

[من البدائع]

اكثر من يسرق المعدات الثقيله

اهل الشام وخاصه السوريين

عليكم التضييق على سائق المعده و حتى المسئول عنها قد يكون متواطئين مع السارق

[ابو منور 93]

اللة يردة لك ان شاء اللة وحسبي اللة ونعم الوكيل

[kabtn]

من البدائع \\ // ابو منور
لاهنتو وبارك الله فيكم

[kabtn]

لقد تم رفع المكافئه الي اربعين الف ريال

[غار بن شعلان]

لاحول ولاقوه الا بالله

يسرقون كوامري عشان يفحطون فيها مشيناها بزران

اما بلدوزر يسرقونه هذا الي ماتنبلع وش يبون فيه الله يشل يديهم مايخافون الله

الله يعقلها عليك ويردها لك سالمه اخوي والله هالزمن صار يخوف

[kabtn]

بارك الله فيك اخوي غاربن شعلان
الله يجيرنا وياك والمسلمين من عيال الحرام
والله من سمع بالسالفه ماهو مصدق بلدوزر ومسروقه
لاكن من توكل على الله كفاه

[ع العمرو]

الله يسهل امورك

[kabtn]

الموضوع للرفع

[شاني2020]

اسأل الله أن يرد لك ضالتك

[أبو هاااني]

الله يرد ها ليك خيو

واخوي اللي يسأل عن سرقتها ويش يبون يسون بها
اكيد يبون يبيعونها على شان العطلة الجماعة يبون يسافرون وهذه تحصل كثير في الرياض خاصة الصيف الماضي تقريبا كاسرين سيارات اللي عند شقتنا وسارقين الاسبيرات

[أبوعابد 22]

للرفع الله يرد ضالتك

[زمان وطاف]

الله يرد ضالتكـ



بس سؤال


لعنبوهم وشلون صرقوهـ يعني كيف الطريقه الي صرقو البلدوزر به


وش يبون بوهـ عاد صارقينه




الله يرد ضالتك


الله يرد ضالتك



الله يفظحهم ان شاء الله

[aooa]

يرفع

الله يرده ويطيح بالعصابه لياخذون جزائهم الغير رادع
لانه لو صار هناك عقاب رادع
لكل سارق ما شفنا احد يمد يده
ويسرق ...

[kabtn]

ع العمر و ، شاني 2020 ، ابو هاااني ، ابو عابد 22 ، زمان و طاف ، aooa

أمين لله يجيب دعائكم
واشكر الجميع على المشاركه

[البيه بوه]

الله يعقله لك

[ابوعبودوحمودى]

اسأل الله أن يرد لك ضالتك

[الذحاح]

اكثر من يسرق المعدات الثقيله

اهل الشام وخاصه السوريين

عليكم التضييق على سائق المعده و حتى المسئول عنها قد يكون متواطئين مع السارق
عزالله صدقت خالي سرق عليه شيول وطلع سوري اللي سارقه خصوصا انه على النظام الاول ما كان فيه استماره مادري ياصاحب البلدوزر مسوي له استماره ولوحه ادري انه ما ينفع الحين ولا كان قلت لك ليش ما حطيت فيه جهاز تتبع سري بالاقمار الصناعيه زي الشركات النقل الجماعي والمراعي وفيدكس وووو لانه مقارنه مع سعر المعده بيكون رخيص لكن دور له بنفس مدينتك لانه مو معقول بيطلع برا المدينه وهو ما معه استماره واذا حصلته بشرنا الله يعقله لك وكرر سورة الضحى

[وضح النقى]

الله يعقله عليك بالسلامة

[الحرملية]

لاحول ولاقوة الا بالله الله يخلف عليكم ويعقل حلالكم عليكم


اميـــــــــن



انشاء الله تلقاه باذن اللي ماتنام عينه الله يعقل حلالك عليك ياخوي

[talak511]

لاحول ولا قوة الا بالله
نسأل الله أن يرد لك ضالتك

[kabtn]

جزاكم الله خير

[سراي اليل]

حسبي الله عليهم مابقي شي ماسرقوه هالاجانب ياجعله يندم كثر شعر جسمه مرتين

[برادو 99]

الله يعقلها لكم

[سعود 35]

الله يعينك وتلقا مافقدت وانصحك اخوي اكثرر من الاستغفار
واكثر من قول : اللهم ياجامع الناس في يوم لاريب فيه اجمعني بضالتي

[kabtn]

لاحول ولا قوة الا بالله

[أبوباسم455]

الله يعقله لك بس كيف إنسرق !!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)

[ذياب العتيبي]

الله يرد لك ضالتك يارب العالمين .. بس حط ببالك ان المعـده موجوده بديرتك .
انا متاكد ان العماله الي عندك لهم دخل ب الموضوع انت حط مكافأه للعماله الي عندك
يمكن يجيبون خبر والا شئ والا يطلع واحد يعرف شئ عن الموضوع ولما يسمـع خبر المكافأه يجيب لك خبر عن موقع البلدوزر ..
هذا الحاصل للأسف سرقات بكل مكان. بكسارات حفرالباطن جاء واحد من العماله للكساره بدري ونزل ب الحفره وشغل شيول وحمل ب تريلته( داخل الصندوق )مكينـه كهرب !
ولا من شاف ولا من دري وصادوه عند مدخل الديره .

لاتفقـد الامل أبحث بكل مكـان
انا بشوف لي اهل معدات هناك وبعطيهم المعلومات الي كتبتها . والله يرد لك ضالتك

[حسووووني]

الله يردها لك

[نادرخيارى]

الله يعقلها لك ويعوضك بخير
وحسبى الله ونعم الوكيل

[الذحاح]

اخوي ثاني مره اشوف اعلانك بالصدفه بس رقم الشاسيه وين يجي مكانه عشان اللي يشوف معدة تشبه لمعدتك ويبي يدقق ويلقى الرقم
والله يعقلها لك يارب

[مطارد عنيد]

أسأل الله الحي القيوم أن يرد عليك ضالتك

[kabtn]

اشكر كل من شارك في الموضوع ووساني في هذه المصيبه

[ابن الغظنفر]

الله يعقلها لك

[kabtn]

أخي الذحاح
السريل نمبر او الرقم التسلسلي موجود في قطعه معدنيه في ثلاث او اربع مواضع
واحد في الهوك الي في الخلف من يمين وفي المكينه من يسار وعند السواق من يسار في نفس المربع حق القيور

[ابن الغظنفر]

اخواني اعضاء ومشرفي منتدى مكشات
انا ماعرف طريقت المشاركه والاكن الامر ضروري جدا جدا
عمي خرج من امس الفجر والى اليوم لم يتم العثور علية (مفقود)
ارجو من مشرفي مكشات ارسال الطريقه لى لكي اتمكن من المشاركه

[صيد الرس]

الله يعقلها لكم..

[kabtn]

ابن الغظنفر ارسلت موضوعك الى مشرف المنتدى

[مروايح الصيف]

نسأل المولى أن يرد لك ضالتك

[kabtn]

ﻻحول وﻻقوه الله بالله

[صيد الرس]

نسأل المولى أن يرد لك ضالتك