بعد أستخارة الله نبي نستشير أهل المعرفة

[قناص الأشهب]

]السلام عليكم ورحمة الله وبركاتة
الموضوع يا أخوان ناوي أشتريلي موتر والحمدالله اني أستخرت الله أكثر من مرة ونسأل الله التوفيق
وقلنا لابد من الأستشارة وخاصة لما رئيت في هذا المنتدى من ذوي الخبرة وذوي العقل وصراحة أنا محتار بين عدة سيارات وبغيت منكم النصيحة
أولا انا بآخذ قرض من البنك لشراء السيارة ولو أنة ماودي يكون قرض في سيارة ولكن أمرالله
ثانيا متزوج والعائلة صغيرة الله يحفظ لنا ولكم
ثالثا عندي الأستطاعة في شراء اي من السيارات اللي برتبها
رابعا كل ما نقص السعر كان أفظل من ناحية المادة ولكن لايكون علا حساب موتر مايخدم أو مايمسك سعر أو مايخدمني بطلعاتي المتكررة للبر أو قطعة غالية
السيارات
1/بترول vtc نص فل قير عادي 2008 ماشي 56000 نظيف جدا القيمة(سيم بـ 105000 وحادة بـ 110000ريال ) الون لؤلؤي قابل للتفاوض ممكن ينزل الف أو الفين

2/برادو فل كامل 6 سلندر vx3 سعودي 2007 ماشي 84000 نظيف جدا القيمة(سيم بـ 91000 وحادة بـ 94000) اللون ذهبي ماهو ناوي ينزل

3/برادو 6 سلندر txl سعودي 2011 أصفار القيمة(بـ 142000)اللون أبيض داخل بيج

4/برادو فل كامل 6 سلندر vx3 سعودي 2009 ماشي 37000 نظيف جدا القيمة(حادة بـ 120000) اللون أبيض قابل للتفاوض وأتوقع من كلامة ممكن ينقص بس الله أعلم يمكن ألف أو ألفين تقريبا

باقي يا شباب نسمع آرائكم اللي تهمني صراحة
ولكن ياشباب أرجوا الواحد يقول رئية من خبرة ودراية بالمواتر مو يقول رئية لأنة يملك نفس الموتر
وأنا صراحة رتبتها علا حسب ما أرتحتلة من المواتر
ولكم الدعاء في ظهر الغيب [/COLOR]

[رهيب الرهيب]

خذ البرادو الجديد واذا الباترول تعرف راعيه وتعرف وش جرا على الموتر ونضيف الموتر خذه بس مهما كان المستخدم ماهو مثل الجديد

[عبد الله 99]

زي ما قال ما في مثل الموتر الجديد على يدك
و ان كان سياحي البرادو وكاله فأنصحك تاخذ 2009نظيف و جديد تقريبا و زود على كذا فل كامل
و البرادو ما يحتاج فيه من النشاط مالله به عليم
و الباترول زين بس غويلي و له اربع سنين
و استخر و شف الي الله يكتبه لك
و خذ الي ترتاح له اكثر

[abo_saleh]

خذ برادو 2009 سعره معقول في سياره دفع رباعي والموتر يتحمل كثير وعزمه فوق الممتاز

وترى في النهايه الشي يرجعلك انت
لان كل موتر وله عشاقه وماتفرق معه اذا عشق الموتر يدفع فيه

[الوزير2]

خذ البرادو الجديد واذا الباترول تعرف راعيه وتعرف وش جرا على الموتر ونضيف الموتر خذه بس مهما كان المستخدم ماهو مثل الجديد

نفس الكلام ولا تتعداه .......

[قناص الأشهب]

لكل من رد علا موضوعي الله يجزاكم خير ووالديكم
وجعلني ما أعدمكم
لاهنتم

[راعي النياسين]

والله ياخوك مافيه مقارنه

تقارن السفاري بالبرادو

البرادو يتحمل وحليل لكن مابه مثل الفتك

عزم وراحه ورساوه وفيه قوه جباره في دفرنساته وقيره وموتر له شخصيته اما البرادو مايسوى صراحه انك تدفه في فوق 90 الجديد لا منظر لابدي

خذ الفتك وتوكل على الله وياليت تجرب الموترين قبل علشان تفهم مقصدي وتقتنع ان مافيه مقارنه

والله يوفقك سوا شريت هذا او ذاك

[بنادر]

الله يرزقك البيعة الزينة

[SRAAAB]

بالنسبة لي لو باخذ أخذت الباترول الفتك إذا كان ممشاه على كلامك
وإذا كانت المحركات زينة ولا هو موقفة واجد توكل على الله وخذه
وإذا بتعب نفسك شوي بس وتدور بالمعارض بتلقى أقل منه إن شاء الله
والرأي لك

[stewrd]

اخوي انا من عشاق الفتك لكن والله ما يشفط مع البرادو والله اني لقاومت برادو اني ما قاربته لكن نصيحه ان بغيت الراحه وقلت صرفيت البنزين فعليك بالفتك وانكان بغيت اللي يمسك سعره فعليك بالبرادو
وسال الله ان يختار لك من الأمور الصالح منها

[قناص الأشهب]

لكل من رد وعطانا رأية
أقول الله يجزاكم خير ويرحم والديكم

[اول 9099]

اخوي وحبيبي ..
بالنسبة لرايي الشخصي ..
فالفتك افضل من البرادو من ناحية الشكل والرزة والهيبة والوسع (ولا فية مقارنة)
بس البرادو على ما اعتقد انه اصبر
والقطع والله العالم انها حول بعض ..
ومسكة السعر ايضا اتوقع حول بعض بحكم ان الفتك مرغوووب جدا

ولكن بما انك بتوصل 142 الف في برادو جديد
فرايي خذ لك مفخرة (لاند كروزر) 2009 مستخدم محشوم بـ بنفس المبلغ 6 سلندر
اوجه واكشخ وافضل من جميع النواحي من الفتك والبرادو

والله يكتب لك ما فية الصالح

[ا ب ن 4004]

السلام عليكم ..

اخوي حياك الله .. انا بشور عليك شور خارج السيارات الي عندك ..

ليه ما تشتري في اكس ار 2007 او 2006 .. موتر قوي وصبور والاند معروف بسكة سعره ..

ثانينا اذا قلت ان الفي اكس ار غالي .. اشتر جي اكس ار .. نف الموديلا مرغووووبه جدا .. وبيمسك سعره ووسيع .. وموتر يواجه .. بتلقاه من الميه وفيها ..

اتمن اكون افدتك ..

[قناص الأشهب]

اخوي وحبيبي ..
بالنسبة لرايي الشخصي ..
فالفتك افضل من البرادو من ناحية الشكل والرزة والهيبة والوسع (ولا فية مقارنة)
بس البرادو على ما اعتقد انه اصبر
والقطع والله العالم انها حول بعض ..
ومسكة السعر ايضا اتوقع حول بعض بحكم ان الفتك مرغوووب جدا

ولكن بما انك بتوصل 142 الف في برادو جديد
فرايي خذ لك مفخرة (لاند كروزر) 2009 مستخدم محشوم بـ بنفس المبلغ 6 سلندر
اوجه واكشخ وافضل من جميع النواحي من الفتك والبرادو

والله يكتب لك ما فية الصالح

أخوي بيض الله وجهك
وشور"ن طيب

[قناص الأشهب]

السلام عليكم ..

اخوي حياك الله .. انا بشور عليك شور خارج السيارات الي عندك ..

ليه ما تشتري في اكس ار 2007 او 2006 .. موتر قوي وصبور والاند معروف بسكة سعره ..

ثانينا اذا قلت ان الفي اكس ار غالي .. اشتر جي اكس ار .. نف الموديلا مرغووووبه جدا .. وبيمسك سعره ووسيع .. وموتر يواجه .. بتلقاه من الميه وفيها ..

اتمن اكون افدتك ..

أخوي كلامك سليم
لكن ماتشوف لة 5 أو 6 سنوات عضلاتة محركاتة كلها أستنزف منها 5 سنوات
يختلف لما يكون 2011 حتى لو برادو
وترا أنا ما أعارضك لكن أعطيك اللي أفكر فية
وياليت ترد علا كلامي هذا برئيك
دعائي لك بالتوفيق

[900]

وين راح ردددددددددي

ساعه وانا اكتب وفجأة يختفي

[قناص الأشهب]

أستغفر الله