بعد أستخارة الله نبي نستشير أهل المعرفة [الأرشيف]

مشاهدة النسخة كاملة : بعد أستخارة الله نبي نستشير أهل المعرفة

قناص الأشهب

19/04/2011, 10:22 PM

السلام عليكم ورحمة الله وبركاتة
الموضوع يا أخوان ناوي أشتريلي موتر والحمدالله اني أستخرت الله أكثر من مرة ونسأل الله التوفيق
وقلنا لابد من الأستشارة وخاصة لما رئيت في هذا المنتدى من ذوي الخبرة وذوي العقل وصراحة أنا محتار بين عدة سيارات وبغيت منكم النصيحة
أولا انا بآخذ قرض من البنك لشراء السيارة ولو أنة ماودي يكون قرض في سيارة ولكن أمرالله
ثانيا متزوج والعائلة صغيرة الله يحفظ لنا ولكم
ثالثا عندي الأستطاعة في شراء اي من السيارات اللي برتبها
رابعا كل ما نقص السعر كان أفظل من ناحية المادة ولكن لايكون علا حساب موتر مايخدم أو مايمسك سعر أو مايخدمني بطلعاتي المتكررة للبر أو قطعة غالية
السيارات
1/بترول vtc نص فل قير عادي 2008 ماشي 56000 نظيف جدا القيمة(سيم بـ 105000 وحادة بـ 110000ريال ) الون لؤلؤي قابل للتفاوض ممكن ينزل الف أو الفين

2/برادو فل كامل 6 سلندر vx3 سعودي 2007 ماشي 84000 نظيف جدا القيمة(سيم بـ 91000 وحادة بـ 94000) اللون ذهبي ماهو ناوي ينزل

3/برادو 6 سلندر txl سعودي 2011 أصفار القيمة(بـ 142000)اللون أبيض داخل بيج

4/برادو فل كامل 6 سلندر vx3 سعودي 2009 ماشي 37000 نظيف جدا القيمة(حادة بـ 120000) اللون أبيض قابل للتفاوض وأتوقع من كلامة ممكن ينقص بس الله أعلم يمكن ألف أو ألفين تقريبا

باقي يا شباب نسمع آرائكم اللي تهمني صراحة
ولكن ياشباب أرجوا الواحد يقول رئية من خبرة ودراية بالمواتر مو يقول رئية لأنة يملك نفس الموتر
وأنا صراحة رتبتها علا حسب ما أرتحتلة من المواتر
ولكم الدعاء في ظهر الغيب

سحاب1

19/04/2011, 10:28 PM

من ناحيتي افضل التويوتا ..
وان شاء الله يفيدك الاخوان

الشهابة

19/04/2011, 10:35 PM

و عليكم السلام ..

اول شي و انا اخوك ما اقول إلا الله يدبرك على الصالح من عنده .. و انت راعي الحاجه و اعلم بنفسك و اللي تبي ..

بس دامك تقدر على الجديد لا تاخذ إلا هو حتى لو كانت مواصفاته اقل من فل كامل مستعمل و عليه ارشح ..

3/برادو 6 سلندر txl سعودي 2011 أصفار القيمة(بـ 142000)اللون أبيض داخل بيج

و بالتوفيق و مبروك مقدماً

900

19/04/2011, 10:44 PM

هلا بك اخوي

وعسى الله ييسر لك امرك ويهديك لما فيه خير لكــــ

اذا كانت لك رغبه في البرادو فقبل حوالي شهر تقريبا قرات في جريدة الرياض اعلان نص صفحة عن عرووووض خياليه على اسعار جيوب التويوتا لدى معرض في الشارقه اعتقد اسمه الشروق
وكان عنده 300 سياره وكلها اصفار
والاسعار حول الميه وتزيد قليلا والمديلات من 2009 وطالع.

قناص الأشهب

19/04/2011, 11:16 PM

من ناحيتي افضل التويوتا ..
وان شاء الله يفيدك الاخوان

أخوي سحاب1 دعائي لك بالتوفيق والمغفرة من الله
دمت بود

قناص الأشهب

19/04/2011, 11:18 PM

قناص الأشهب

19/04/2011, 11:19 PM

ولد جلاجل

19/04/2011, 11:31 PM

رائي من اخو محب لاخيه

ما الحاجه(الفائده) من اخذ قرض من البنك

في نظرتي الشخصيه ما يستاهل الواحد ياخذ قرض على سياره

يعني الواحد يمد رجلينه على قد لحافه

وانت عارف الفوائد اللي ياخذها البنك وغيره (راح يمسك من رقبتك)

لو تحسبه ممكن تطلع سياره ثانيه من القرض اللي تاخذه

عموما يا عزيزي

التايوتا بشكل عام ما شاء الله عليه يتحمل وراعي مكده

واشوف انك تفضل الجيوب

انصحك ب GX او GX-R

تتحمل وتمسك سعرها بشكل كبير وبعض الاحيان قد تربح فيها

نصيحه اصبر شهرين الى ثلاث شهور عشان تكون الاسعار في الحضيض

وفيه انك تحول من التايوتا الى الفورد

وما يحتاج اتكلم في الكراون فكتوريا

حاليا حدد ميزانتيك الحاليه بدون قروض ونعلمك السيارات اللي تنفع لك

اتمنى لك التوفيق وفكر في قرار القرض ومشاكله

وعليك بالاستخاره والله يقدر اللي فيه الخير

قناص الأشهب

19/04/2011, 11:41 PM

أخوي ولد جلاجل
الله يجزاك خير علا هذي النصيحة
أولا مجبر أخاك لابطل
لا أملك موتر حاليا
ومضطر اني أشري موتر
ومن الصعب أني آخذ موتر قديم لأني لا أملك كاش حاليا
وعندي عائلة وصعب آخذ موتر أي كلام أرجع بتصليح وخرابات ولا أقدر أسافر فية
ونا راعي طلعات بر وما أستغني عنها
فـ زي ما قلتلك صعب القديم
وذا تبيني أشرحلك أكثر علا الخاص أذا تبي
ودمت بود

كاشت بالمريخ

20/04/2011, 01:57 AM

عليكم السلام ورحمة الله وبركاته

بعد استخارة الله ...والنعم بالله ...ومن استخار بالله... لن يندم
...
انا اشوف واتوقع انه يوافقني الكثير على هذا الرأي :
انك ونخوك اذا صرت مضطر للقرض..اخذ اسهم بالبنك وبعها فورا وخذها قيمة كاش...
ودور في خلال اسبوع....من يوم اربعا وخميسة وجمعه ...الى يوم السبت الاسبوع الثاني ..(يعني عندك خميسين وجمعتين)..هذا اذا صرت مرة مستعجل..
..
ولاتستعجل في شراء سيارة
..
وانصحك بسيارة جي اكس ار....وبالنسبة للنظافة فهذا شي تشوفه بعينك ..اما السمكرة والمحركات تشوفها عند محل يفحصها لك بـ 200 ريال ...ويطلع لك كل شي ..حتى المكان المصبوغ..من المكان المسمكر المصبوغ..
واذا كنت بالرياض وشريت من معارض الشفاء ..مر ساسكو فيها محل سوري اسمه ابو عدي..خبير وممتاز ..والله اني اكتب لك الرد هذا بهذا اليلة وانا توي جاي منه بعد المغرب جيته وفحصت جي اكس ار عنده..
..
اما اذا كنت بالنسيم..كان فيه محل اسمه الغروب..بس انا زمان جيته ..مدري عنه باقي موجود او يفيدونك احد الاخوان..
..
اما من ناحية برادو ولا فورتشنر ولا شي زي كذا اتوقع انه صغير الحجم ..
ولكن احد زملائي جرب فورتشنر ويمدحه ..بس مميزاته سته سلندر قير عايدي..يقول صرفيته صرفية هايلكس وقوته قوة جيب وسيارة عائلية..
والله يوفقك

بحرالمحبه

20/04/2011, 03:25 AM

3/برادو 6 سلندر txl سعودي 2011 أصفار القيمة(بـ 142000)اللون أبيض داخل بيج

الجديد جديد وبالتوفيق لك والله يعطيك خيرها ويكفيك شرها مقدما :good2:

google-999-

20/04/2011, 03:39 AM

والله ياخوي الباترول انسب الخيارات التي وضعتها
لكن البرادو افضل بحكم انه جديد واصفار
بالتوفيق والله يعينا ويااك

طيرشلوى 2

20/04/2011, 07:27 AM

يا اخوي خذلك التويوتا ولاتدور غير موتر يصبر وقيمته فيه ولو يكون لاند افضل مركب وفخامه وهيبه وشكله مقبول احسن من البرادو

العطة

20/04/2011, 08:23 AM

السلام عليكم ورحمة الله وبركاته

في دبي لدي موسسة الالون عرض خاص على الباجيرو 2011

فل كامل 105.00 درهم تقريبا (قبل شهر)

اذا تعرف معرض ممكن يجيب لك خصم

وبتوفيق اخوي

ابوعبدالاله

عـــــزام

20/04/2011, 08:26 AM

فدوك الاخوان

سليمان الربيعان

20/04/2011, 08:39 AM

هلا اخوي يوجد باترول 2008-2009 اصفار بمعارض النسيم اسعارهن 130000ريال
والباترول احسن لك بالقوه والسعر ويكفي انه ياباني

والله يسرلك الطيب

الصحافة 15

20/04/2011, 08:53 AM

أخوي قناص الأشهب أشوف أن الخيار رقم 4 هو الأفضل وما خاب من أستخار وأنا أفضل الباترول لو كان قير تب ترونك تماتيك بس العادي متعب جدا

بيارق 312

20/04/2011, 09:03 AM

الله يكتب لك مافيه الخير والاصلح
وانا اشوف ان الثالث وهو البرادو الاصفار المناسب
لانه موتر من تحت يدك وايضا تكون مرتاح ومطمأن وايضا تكون رغبتك للبيع اخف من المستعمل لانك تستطيع التفريط به
وفقك الله واختار لك مافيه الاصلح وابعد عنك الدين واغناك من فضله

قناص الأشهب

20/04/2011, 02:36 PM

لكل من شاركني برئية
أقول الله يجزاكم خير ويرحم والديكم
لاخلا ولا عدم

محمدين عتريس

20/04/2011, 05:17 PM

الاخ / الكريم

تحية طيبه

على حسب كلامك برادو 2009 فل كامل ( ما يحتاج)

بس ممكن تغير بالقيمة الى جكسار 2007 بحدود 130000

تشخصية + قيمة ثابته+ موتر يقدرونه الناس

الهاجر 7002

21/04/2011, 05:19 AM

آخوي آفضل موآتر آلبر آلعآئليه هو آلجيب GX-R آو GX .. خذ 2007 ولآ 2006 ولآ 2005 وريح بآلك هذآ جديد وآكثر آلموآتر نظيفه ..

آفحصه فحص شآمل ولآ عليكـ آن شآء آلله..

ولآ آلبآترول حلو..

العبوب

21/04/2011, 02:35 PM

اخوي من اعلانك الظاهر انك عاشق البرادو

لكن انصحك بالتايوتا جي اكس (2006 او 2007)هو الموتر @@ والمبالغ اللي ذكرتها في البرادو تجيبلك جي اكس وتوفر بعد@@ للمعلومية ترى التايوتا شيك

ابوناصرF

21/04/2011, 03:33 PM

انصحك مادام فلوسك فوق 100لاتشتري الا جديد وعليك بوتويوتا ولا تاخذGXRموديلات 2006او7او8تدري ليش اسعارهن فوق 100 عليك بالموترالجديدانصحك لوجه الله ترىGXRانا مااقولك انه موبزين لكن اسعارهاخياليه توكل على واشتري موترجديد وعليك ب تويوتا سواء برادو او GXR2011او2010ولاتأخذ2009عشان مثل ما قلنا سعره فوق100 وان شاء تأخذموترجديدوتبشرناوراح تتدعيلي

قناص الأشهب

21/04/2011, 04:08 PM

الله يرزقنا وياكم مافية الخير
الله يجزاكم خير ولا يهينكم علا الردود
دمتم بود