بعد أستخارة الله نبي نستشير أهل المعرفة

[قناص الأشهب]

السلام عليكم ورحمة الله وبركاتة
الموضوع يا أخوان ناوي أشتريلي موتر والحمدالله اني أستخرت الله أكثر من مرة ونسأل الله التوفيق
وقلنا لابد من الأستشارة وخاصة لما رئيت في هذا المنتدى من ذوي الخبرة وذوي العقل وصراحة أنا محتار بين عدة سيارات وبغيت منكم النصيحة
أولا انا بآخذ قرض من البنك لشراء السيارة ولو أنة ماودي يكون قرض في سيارة ولكن أمرالله
ثانيا متزوج والعائلة صغيرة الله يحفظ لنا ولكم
ثالثا عندي الأستطاعة في شراء اي من السيارات اللي برتبها
رابعا كل ما نقص السعر كان أفظل من ناحية المادة ولكن لايكون علا حساب موتر مايخدم أو مايمسك سعر أو مايخدمني بطلعاتي المتكررة للبر أو قطعة غالية
السيارات
1/بترول vtc نص فل قير عادي 2008 ماشي 56000 نظيف جدا القيمة(سيم بـ 105000 وحادة بـ 110000ريال ) الون لؤلؤي قابل للتفاوض ممكن ينزل الف أو الفين

2/برادو فل كامل 6 سلندر vx3 سعودي 2007 ماشي 84000 نظيف جدا القيمة(سيم بـ 91000 وحادة بـ 94000) اللون ذهبي ماهو ناوي ينزل

3/برادو 6 سلندر txl سعودي 2011 أصفار القيمة(بـ 142000)اللون أبيض داخل بيج

4/برادو فل كامل 6 سلندر vx3 سعودي 2009 ماشي 37000 نظيف جدا القيمة(حادة بـ 120000) اللون أبيض قابل للتفاوض وأتوقع من كلامة ممكن ينقص بس الله أعلم يمكن ألف أو ألفين تقريبا

باقي يا شباب نسمع آرائكم اللي تهمني صراحة
ولكن ياشباب أرجوا الواحد يقول رئية من خبرة ودراية بالمواتر مو يقول رئية لأنة يملك نفس الموتر
وأنا صراحة رتبتها علا حسب ما أرتحتلة من المواتر
ولكم الدعاء في ظهر الغيب