أستفسار

[المرتهي]

السلام عليكم ورحمة الله وبركاتة


كيف حالكم أن شاء الله بخير


اخواني أبي رأيكم في زيت غسيل الماكينة


أتمنى الكل يتفاعل بهالموضوع
لاني من فتره مغير زيت وحطيت هالزيت والعامل بالمحل قال لي مايأثر ويوم حطه وشغلت الموتر قال أخوي كيف صوف الماكينة زينه قلت ايه قال زين لان اذا كانت ضعيفه يخربها هالزيت فيه ماده قوية


اول كان يقول مايأثر وبعد ماحطه قال يأثر على صوف الماكينه بس

[كديان]

شف طال عمرك عندنا بعض الورش بالقصيم
بعد التوضيب او بعد تركيب مكينة من التشليح
يقومون بوضع جالون زيت غسيل مكينة و يخلون الموتر يشتغل و هو بمحله
لمدة 10دقايق همن يفرغون الزيت و يحطون فلتر جديد و زيت جديد
فان شاء الله ما تشوف الا العافية
و عشان اريحك قليل جدا جدا تحصل زيت غسيل اصلي اصلي بالسوق
يعني اعتبر اللي حط لك زيت عادي

[المرتهي]

أن شاء الله ما منه أي تأثير

[كديان]

يارجال تعوذ من ابليس هههه
موديل و نوع موترك ؟

زيت الغسيل بوسطه مادة مثل البنزين و الديزل
اذا كانت الصوف تعبانه على افتراض مثلا فانه بسبب هالمادة تصير لينة و تضعف
و ربما اقول وربما تلين و تبدا تعرق زيت او تندي بالارض تبدا تنقط
و عشان ترتاح كل 5ايام طالع الموتر من تحت او طالع الارض تبي تبين لك اذا فيه زيت ام لا
بعدين الصوف اللي يهربن ثنتين فقط اذا كانن منتهيات مرة
صوفة صدر امامية بمقدمة المكينة صوفة على بكرة المكينة الكبيرة اللي راكب عليه السيور
و صوفة خلفيه للمكينة و مكانه بين المكينة و القير
و لو افترضنا ان الصوفه هربت عادي جدا الصوفة تجلس 5اشهر فاكثر و هي تهرب و لو تسافر
ما تشوف الا العافية لكن يبدا ينقص نص علبة كل 5000الاف كيلو تقريبا
هذا على افتراض ان الصوفة الخلفية هربت خصوصا الخلفية
و نصيحتي قلت لك ترى الزيت مهب اصلي اذا كان سعره من 40 ريال الى 20ريال
فاتحدى و اضمن انه مهب اصلي و هو اساسا مضاف له نسبة بسيطة من مادة الغسيل
زيت الغسيل الاصلي يحتوي على نسبة عالية من مادة الغسيل بعكس التجاري و التقليد

[ديوان العرب]

هو فعلافيه ماده زي البنزين تقريبأقويه على ربلة البلوف وبعض السيارات بعد مايستخدم زيت التنضيف يبدا الموتر يدخن والاحسن اذ جيت تغير زيت السياره بعد ماتفرغ الزيت من المكينه تحط زيت عادي جديد وتصك سرة الكرتير وتشغل السياره والافضل تخلي الزيت يوم كامل الاين الوسخ وشوئب الحديد تعلق فيه من بكره تروح تغيره وتحط زيت الماني يكون لونه اصفر فاتح مو غامق وتستمر عليه وبفيدك بمعلومه حاول تغير زيت السياره وهو جديد ماتخليه لين يحترق ويتغر لونه لان كل ماتغير لون الزيت غير لون حديد المكينه من داخل وتصير تغير الزيت جديد من بكره تشوفه قالب لونه لان الامشكله في حديد المكينه من داخل محترق لونه اسود بعدين بقولكم نصيحه في مكاين السيارات حاجتين اذ ركزة عليها راح تطول معك مكينة السياره مده طويله تاصل الا عشر سنوات الحراره والزيت الحراره تسبب تصدعاد في راس المكينه ويتكون منها حاجتين تخلط الزيت والماء مع بعض او تكون الحراره مستمره بالمكينه لان الراس يبخر الماء في البستم نسبه بسيطه جدأ لايكتشفونه معضم الميكانيكيين وازيت مثل ماوضحة لك وتحاول بقدر ماتستطيع تكون دقيق في معيار الزيت اذ نقص شفف البستم واذ زاد ضغط اقو على صوف المكينه مادام محافض على الحاجتين هاذي بامر الله تعالى راح تطول مكينة السياره مده اطول

[zr-1]

اذا تبغى تغسل المكينة
في الزيت 10/30 خفيف امش علية الف كيلو وغير بزيت 50

[كديان]

توضيح طيب ديوان العرب

بافيدك حاجة مهمة و للجميع
الزيت ينقص عن العيار نص علبة و لا يزود
لان الزود يفجر الصوفة فعلى ما قيل النقص و لا الزود