سـؤآل يـآ اهـــل الخـيل

[خيال شروق]

السلام عليكم ورحمــة الله وبركـآته . . .

بآ اهل الخيل ابيكم تجاوبوني..

انا عندي فرس افلت وفرس فلوها يكم شهرين في تآريخ 25/5/1432ه
وقبل يومين كذا دخلت الحصآن عندها وكانت تطرده وترفسه
يعني متى يشبييها؟
والفرس ماتبيه أصـلآ...؟
واذا شبآهآ اعزل الفلو او عآدي يرضع من أمه . . .؟

أرجو منكم الفزعه والرد بأقرب وقت...

ودمتم بخـير . . .

[Haawawy]

عليـكم الســلام

حيــاك أخـوي أنت تقـول الفـرس معها مهـر وعمرهـ شهرين وتبي تشبيهـا
وهي ترفض الفحـل الافراس عادةً تشيع بعد واحد وعشرين يوم
واذا ماكنت تعرف فترة شياعها اعرضها ع الحصان كل يوم لين تشيع

واذا شاعت تقبل الفحل ماعندها مشكله ومن الافضل تشبيتها في فترة شياعها

عشان تمسك بعد الله سبحانه ..

والفلو عادي يجلس معها وهي لاقح ماعندها مشكله ولايضرها

تحياتي

[الصــرح]

أولاً


أثـــناء تشبية الفرس


إعزلها عن مهرهــا بحيث


تراه ويراهـــا


ثانياً


في حالة طلبك لشيـاع الفرس


حاول تصلب الحصان قريب منها


كل يوم ســــاعتين

[خيال شروق]

مشكورين اخواني

انا مخلي الحصان بشبك واحد
ومع العلم ان الفرس اول مره تفلي

بس يا اخوان فترة شياعها يعني كيف؟

[كوتشي]

فترة شياعها يعني بعد ما تنتهي دورتها الشهرية
بس خلي الامور هذي عنك
انت الان الي تسويه انك تقرب الفرس عند الحصان كل يوم الى ما تصرف ( يعني تطلب الحصان )
ومن تطلب الحصان رجعها له ثاني يوم واذا طلبت الحصان شبيها عليه
اول يوم وثاني يوم وثالث يوم او الى ما تبتدي ترفض الحصان بضربه كل يوم مرة
والمهر تخليه معها ما في اي مشكله
ومن اخر تشبيه لها تحسب لها 21 يوم وبعد كذا تقربها مره ثاني من الفحل طبعاً لا تخليه يشبيها ابداً وانتبه لا يضربها او تضربه
وشوف وضعها هل تطلب الحصان او ترفضه اذا رفضته وحاولت وهي رافضته بآذن الله تكون لقاح
ولاكن اذا طلبته وخرها عنه ووقفها بعيد عنه بحوالي 10 او 15 متر وخليها واقفه شوفها تصرف او لا اذا صرفت وتبقى الفحل فحتمال انها تكون غير لاقح وسبب انك تبعد الفرس عن الحصان من 10 الى 15 متر هو لخوف بعض الافراس من الذكور وتصرف خوفاً فقط وليس انها تبقى الحصان
واذا كانت لقاح بآذن الله حاول انك تجيب لها دكتور بعد اربعين يوم اذا كان الفحص بالدم واذا كان الجس راح يكون بالايد ف تقدر تجيبه بعد شهرين او ثلاثه
ولك الف تحيه
واي طلب او استفسار انا حاضر وتحت امرك
وهذا رقم جوالي بعد اذن الادارة
0506907571

[^الهاوي^]

ان شاء الله الاعضاء يفيدونك

[برايدوي عنيد]

هلابك اخوي

الفرس بعد الولاده تشيع من اليوم 7 الى اليوم 12 , ويرغب كثير من ملاك الخيل بتشبيتهاباليوم التاسع. واغلب الدكاتره يرفض هذا الفكره لامور طبيه

وفتره شياع الفرس غالبا 7 ايام بالشهر

بعد 18 - 21 يوم من انتهاء شياعها الاول يبدا الشياع الجديد وهو ان تعرضها على الفحل وتصلبها قريبا منه

الافضل صلبها يوميا والايام الاولي من شياعها لاتشبيها يعني شب باليوم الثالث والخامس حيت تكون البويضه قد وصلت وقت النضوج

وسبب التشباه يوم بعد يوم لان الحيوانات المنويه للحصان تستطيع ان تعيش 48 ساعه

طبعا بعد مرور 22 يوم ولم تشيع قد تكون من علامات ان الفرس لاقح ويمكن الكشف عن اللقاح

بالجس بالسنور ويستطع الدكتور تبين انها لاقح او لا بعد 18 يوم من التشباه
والجس باليد بعد ثلاث شهور

هذا مالدي وتقبل مروري....

[راعي صقاره]

فادوك الاخوان