خيمة خفيفة جدا

[كتاب]

مرة شفت واحد على الرصيف يبيع خيام خفيفة جدا ، طلعها من علبتها وهي تنفتح في لحظة مثل الشمسية اللي تظلل بها زجاج السيارة ، هذي طبعا ليست للرحلات ولا هي قوية ولا تتحمل بس تفكرت فيها ورأيت أنها تنفع أحيانا ، فإذا عندك أغراض زايدة ودك تحطها في الداخل عن الشمس أو المطر، وأو بعض البزارين ودهم ينامون ، وأنت قاعد على بساط تتقهوى ، أو غير ذلك من الأغراض ، أو حتى مطرت وصار في خيمتك تسريب مطر وودك تمشي حالك بخيمة احتياط ، هناك أغراض يمكن تنفع هذي الخيمة مؤقتا

الله لا يهينكم ممكن أحد يعرف وين أحصل مثل هذي الخيام الخفيفة جدا

وبالمناسبة الرجال اللي كان يبيعهم على الرصيف قال إن الوحدة بمائة ريال . وذاك الوقت شفت إنها مثل اللعبة ولا تسوى .

[nahham]

عند ساسكو ب 75 ريال

لكن كلام فاضي ما تصلح

[وافي^وافي]

عند جيان تبي تحصل ان شاء الله

[F34666]

السلام عليكم ورحمة الله وبركاته

عند العليان الي في طريق خريص بي 85 ريال .
كذلك تصلح ان تكون حمام اذا ركبت لها سحاب في الارضيه بحيث يمكن ان تنقلها بسهوله

[أبو مفلح]

السلام عليكم ورحمة الله وبركاته
عندي سؤال
كم يكون حجمه بعد التسفيط ؟
ما نوعيه القماش ؟
وشكراً

[كتاب]

الله يجزاكم خير يا إخوان

أخوي نهام ، صحيح هي خفيفة وما تصلح خيمة أساسية ، و لكن لها استخداماتها أحيانا

الأخ أبو مفلح حجمها بعد التسفيط مثل المظلة الشمسبة اللي تغطي بها زجاج السيارة ، يعني ولا شي ، ما تاخذ أي مكان
وقماشها مثل الشمسية نايلون ، و لكن ما تأكدت منها إذا هي نايلون مشبك مثل الشمسية ( يعني ممكن يدخل فيها المطر ) أو نايلون مثل أكياس النايلون ، ما تأكدت منها ، لأن كما قلت بأني في ذاك اليوم مريت عليها وأنا أشوفها لعبة ما تسوى ، الحين بس فكرت في بعض فوائدها .

وعلى فكرة ، موجود خيام نايلون خفيفة وملونة وما يدخلها المطر ، و لكن هذا النوع غير ، و لا أتذكر بالذات إذا كانت شبك أو نايلون مصمت ، أروح أشوف في ساكو وجيان ، إذا كانت هي أو غير اللي شفتها .

شكرا مرة ثانية والسموحة على التأخير في الرد
أخوكم كتاب ما يدخل مكشات كل يوم ...