المساعد الشخصي الرقمي

مشاهدة النسخة كاملة : الى اهل الخبرة عموما و (في الباترول خصوصا) الفزعة تكفون لا اظلم الرجال !!


عاشق سدير 999
20/04/2011, 06:07 PM
السلام عليكم ..
وكيف حالكم جميعا .. ان شاء الله بخير ..

ابدخل في الموضوع على طول ..
ياجماعة الخير ..
معي موتر باترول ربع 2005 المهم وانا امشي الا اشم ريحة مويه رديتر وامشي بالموتر لين البيت ومن بكرة وديته لورشة معاملها واحد من الربع وقال فية الخرطوش (اللي) الخلفي للمكينة و5 طبات يبيلها تغيير وبعدها يبيله وزن بلوف لان الموتر قام يلقلق شوي

بعد ما صلحها وظبطت ولله الحمد قال ابي شغل يد 1300 ريال قلت له بلط البحر واتسلب وجهك ولا عطيته الا 400 ريال وقلت اجيب لك الباقي بعدين

الظاهر ان توضيب المكينة كاملة يتراوح شغل يد من 1000 ريال الى 1400 ريال تقريبا
وتغيير طقم كلتش يكلف 500 ريال


فا وش رايكم كم اعطيه ؟ كم حقة بالظبط او تقريبا ؟ لأني ما ابي اظلمه ولا ابيه يلعب علي ..
مالك بن الريب
20/04/2011, 10:53 PM
بما إنك ما اتفقت معه على شغل اليد من البدايه
يلزمك عرفا دفع مايطلبه وإن ادعيت الغبن تتقاضيان شرعا ويؤخذ رأي 3 ورش ومتوسط اسعارهم

أما مافعلته أنت فيسمى ( بلطجه ) وليس لك أي عذر فيما فعلته ولربما دعى عليك وأخرجت عشرات اضعاف مابقي له من صحتك أو سيارتك فأحذر الظلم
أصيل حجآ زي
20/04/2011, 11:33 PM
السلام عليكم ..
وكيف حالكم جميعا .. ان شاء الله بخير ..

ابدخل في الموضوع على طول ..
ياجماعة الخير ..
معي موتر باترول ربع 2005 المهم وانا امشي الا اشم ريحة مويه رديتر وامشي بالموتر لين البيت ومن بكرة وديته لورشة معاملها واحد من الربع وقال فية الخرطوش (اللي) الخلفي للمكينة و5 طبات يبيلها تغيير وبعدها يبيله وزن بلوف لان الموتر قام يلقلق شوي

بعد ما صلحها وظبطت ولله الحمد قال ابي شغل يد 1300 ريال قلت له بلط البحر واتسلب وجهك ولا عطيته الا 400 ريال وقلت اجيب لك الباقي بعدين

الظاهر ان توضيب المكينة كاملة يتراوح شغل يد من 1000 ريال الى 1400 ريال تقريبا
وتغيير طقم كلتش يكلف 500 ريال


فا وش رايكم كم اعطيه ؟ كم حقة بالظبط او تقريبا ؟ لأني ما ابي اظلمه ولا ابيه يلعب علي ..



http://im.gulfup.com/2011-02-10/12973306271.jpg

أخي الكريم / عاشق سدير
تــحـــــيــة عــــطــــرة وبــــــعــــد :


طبعآ لوم نفسك قبل كـُل شيء .
لم تتفق مع الرجآل
وأن هو صآدق ودعى عليك ما تسوى وأن أخوك .



أرجع للرجآل وحـآول في الصـــُلح معـــُه .


أستحلفهُ بالله العلي العظيم وش سوى وش غير .
وأستشـر ورشة ثآنية ومـُهندس عآقل وثقة .
أذا كآن فك المـُحرّك لتغيير الطبآت فكأنـه وضـب توضيب نصفي .


الصــُلـح لك خيرآ وأنت مـُخطىء لم تتفق معه على كـُل شيء .
وأكثرهـُم نصآبين لاكن لا تظلم نفسك .
وخلـُه هو الظآلم النصآب أن كآن كآذب ويعوضك رب العزّة .







موفـق
وتلقى خير بأذن الله


""" و الله ُ أعــلـم وأكــمـل """
:burnout2:http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)


تـحـيــــــآ تي



<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """
قناص2000
21/04/2011, 02:59 AM
ياخوي طبق كلام افضل البشر رسول الله اللهم صلي وسلم علية (في مما معناه اعطي الاجير حقه قبل ان يجف عرقه) . لكن اذا انت خايف انه غلبك بالسعر اختر 3 ورش وشوف كم سعر الاشياء اللي سواها وعطه حقه ياخوي تراها سيارة والله لا يجيب شر قد يدعي عليك وتروح السيارة الله لايقوله والله لا يقدر وانت فيها المال يروح ويجي بس النفس لا راحت ما جت الله لا يقوله وتقبل مروري ياخوي...
عاشق سدير 999
21/04/2011, 04:32 AM
جزاكم الله خير جميعا ..
بس يا جماعة الخير انا ناوي اعطيه باقي المبلغ ما اكتفيت باللي عطيته بس ابي ادري كم اعطيه ..
وثاني شي ياللي تقول بطلجية انا ماجدعت بوجهه 400 وقلت معد تشم غيرها انا ناوي اعطيه بس كم ؟ ما ادري ؟
وبانسبة للإتفاق قبل الشغل هو قالي في البدايه بس لي (خرطوش) بعدين طلعت الأشياء الثانية ..

ولعل يرد علينا شخص اشتغل نفس الشغلة .. او صاحب ورشة ..
واخيرا انا ما احتاج مواعض عن الظلم كلنا متعلمين وندري ولنب ان شاء الله ظالم الرجال
كديان
21/04/2011, 05:10 AM
اخوي فيه ورشة باترول تخصص باترول بالصناعية القديمة اسمه ابو صالح التركي
ورشته بشارع الجميعة حول ترايستار مر عليه و يعطيك السعر الاكيد

او كلم على ابو خالد الخضير عندنا ببريدة تخصص باترول و جيب
و رجال ثقة و نصوح و كلمه و راح يعطيك السعر الصحيح
رقمه الافضل تكلمه فقط الصبح او العصر
او يوسف السلمي رقمه

الافضل يكون موضوعك في خيمة السيارات لاطلاع الاعضاء عليه هناك بشكل اكبر
~EmPeRor~
21/04/2011, 01:17 PM
افادك اصيل الوم عليك انت

بالنسبة لوزن البلوف 100 ريال بالكثير

تغير الطبات 200 ريال بالكثير

يعني عطه 300 وكثير عليه
جيبي جايزلي
21/04/2011, 02:20 PM
طيب يوم غير الطبات فك شي قبل الطبات مثل فك قزوز شي ثاني او ثلاجه اللي تحت الكبليتر لان كل شي يفرق سعره
اذا مافيه شي من اللي ذكرته فوق
تغيير لي ماء من 30 او 40 ريال اذا اللي جايبه انت
وزن بلوف من 150 الى 170 ريال


سوال القطع انت جايبها ولا هو وبعدين وش شوا بالظبط من الالف الى الياء وش فك
عاشق سدير 999
22/04/2011, 04:04 AM
جزاكم الله خير جميعا وماقصرتوا ..
بالنسبة للقطع انا جايبها ولا دفع ريال واااحد ..
نسأل ان شاء الله ورشة التركي ونشـــوف
احب الحيا
23/04/2011, 02:07 PM
السالم عليكم يالغالي
1- من الي جاب القطع ((دفع فلوس قطع الغيار ))
2- اضا كان فعلا وزن بلوف وغير الخرطوش ((الخلفي)) وغير طبات المويه
انا اقولك ما اخذ عليك الى حقه 1300 ريال
لو تلاحظ الخرطوش الحاله يبيله شغل اقل شي نص ساعه لان محله ضيييق ومكانه صعب
بين الغماره والمكينه .
الطبات لازم يفك الثلاجه مع البخاخات من القواعد وهذي بحد ذاتها اصعب من تصليح الخرطوش
ووزن البلوف يعتمد على الشغله الي سواها اذا كان وزن ارتفاع ونزول هذي شغله سله نوعا ما
اوذا كان تايمنق تتعب شوي عشان يصيد الوزن الصحيح
**الخلاصه -- اذا كان القطع من عنده اشوف ان السعر رخييييص جدا جدا
اذا كان القطع انت الي جايبها فالسعر مناسب نوعا ما
--------اذا ما اتفقت معه على الشغل من اول فهذا خطاء * وهو مصيدة اهل الورش