المساعد الشخصي الرقمي

مشاهدة النسخة كاملة : الباترول فتك 2005 يدق سلف ولايشتغل و3 أشهر من العناء أخيرا عرفت المشكله !!!


مالك بن الريب
20/04/2011, 06:11 PM
السلام على كل مكشاتي
يوما ماء ياصاحب الفتك ستتلثم وتأشر بيديك لأن سيارتك غغغغغغغغغ ولاتشتغل
نجي لمسببات المشكلة التي قد تكون
1-ضعف دفع طرمبة البنزين وتستدل بها بفك ( لي ) البنزين قبل دخوله البخاخات.
2-عدم اشتغال طرمبة البنزين وتعرف ذلك من عدم وجود صوت قبل تشغيل السيارة.
وحل المسبب 1 بتغيير الطرمبة ( 430 ريال )
وحل المسبب 2 إما بتبديل كتاوت الطرمبة بكتاوت المكيف وهم موجودين فوق رجل السائق اليسرى وكتاوت الطرمبة أخر واحد يسار من الثلاثة أو بتغيير الطرمبة
3-حساس المفتاح الأصلي وتعرف ذلك بوجود مؤشر المفتاح بشكل متقطع وحله تروح لبعض محلات قص المفاتيح المتخصصة ويتأكد بشرط اصطحاب السيارة معك
4-انسداد الصفاي(الفلتر) وبالتالي حرارة الطرمبة أوضعفها وهو سبب يتداخل مع السبب 1 ويمكن استبدال الفلتر احتياطا لأهميته (75 ريال) بالإضافة لكون انتهاء البنزين تماما بالتانكي يسخن الطرمبة
.
.
.
.
.
طيب وش رأيكم باللي مر على جميع هذه الخطوات ولم تحل المشكلة !!!!!!

تدرون من وين طلعت المشكلة ؟؟؟؟

ابي كل واحد يتوقع !!

بانتظاركم عشان نستفيد جميعـــــــــــــــــــــــــــــا
كديان
20/04/2011, 09:14 PM
حياك ابن الريب

اسهل شي لكتاوت الباترول هو ضرب الديكور بيدك يسار الدركسون ثم بعدها افتح السويتش
راح تسمع بعدها صوت الطرمة زززز يعني تمام

من ضمن اعطال الطرمبة التافهة تحرك الاسلاك اللي بوسط الطرمبة و راح تشتغل على طول
يصير السلك امامك كانه موصل للكهرب
و هو اساسا يكون السلك او النحاس منقطع من داخل العازل او الربل حق السلك لسبب ما
او من فيش الطرمبة

احيانا عطل الطرمبة حساس لونه اسود مكانه تقريبا خلف السويتش
طبعا الموتر يدق سلف و الطرمبة يكون له صوت زززز لكن الموتر ما يشتغل ابد

طيب يا مالك ممكن تكون اصابع البطارية راخية ؟
او برمجة مفتاح ؟
السليطين
20/04/2011, 09:34 PM
الله اعلم ؟؟؟؟ ننتظر الحل منك لان الاسباب واجد
مالك بن الريب
20/04/2011, 10:37 PM
كديان حبيبي
كلامك جميل لكن انا اقول إن كل الأسباب السابقة فعلتها وطلعت المشكله من شيء أخر مافكر فيه أي مهندس وهو شي يتساهل فيه الشخص وحتى المهندسين مافكروا يقولون لي عليه
مالك بن الريب
20/04/2011, 10:38 PM
الله اعلم ؟؟؟؟ ننتظر الحل منك لان الاسباب واجد


ثلاثة أشهر اطحس وأحوس وأدوس وأغير وأبدل لالالالالالا لاتستعجل خل نسمع آراء أهل الخبره
أصيل حجآ زي
20/04/2011, 11:11 PM
السلام على كل مكشاتي




يوما ماء ياصاحب الفتك ستتلثم وتأشر بيديك لأن سيارتك غغغغغغغغغ ولاتشتغل
نجي لمسببات المشكلة التي قد تكون
1-ضعف دفع طرمبة البنزين وتستدل بها بفك ( لي ) البنزين قبل دخوله البخاخات.
2-عدم اشتغال طرمبة البنزين وتعرف ذلك من عدم وجود صوت قبل تشغيل السيارة.
وحل المسبب 1 بتغيير الطرمبة ( 430 ريال )
وحل المسبب 2 إما بتبديل كتاوت الطرمبة بكتاوت المكيف وهم موجودين فوق رجل السائق اليسرى وكتاوت الطرمبة أخر واحد يسار من الثلاثة أو بتغيير الطرمبة
3-حساس المفتاح الأصلي وتعرف ذلك بوجود مؤشر المفتاح بشكل متقطع وحله تروح لبعض محلات قص المفاتيح المتخصصة ويتأكد بشرط اصطحاب السيارة معك
4-انسداد الصفاي(الفلتر) وبالتالي حرارة الطرمبة أوضعفها وهو سبب يتداخل مع السبب 1 ويمكن استبدال الفلتر احتياطا لأهميته (75 ريال) بالإضافة لكون انتهاء البنزين تماما بالتانكي يسخن الطرمبة
.
.
.
.
.
طيب وش رأيكم باللي مر على جميع هذه الخطوات ولم تحل المشكلة !!!!!!


تدرون من وين طلعت المشكلة ؟؟؟؟


ابي كل واحد يتوقع !!


بانتظاركم عشان نستفيد جميعـــــــــــــــــــــــــــــا



http://im.gulfup.com/2011-02-10/12973306271.jpg
أخي الكريم /مالك بن الريب
تــحـــــيــة عــــطــــرة وبــــــعــــد :


أذا أستبعدت نظآم الأشعآل .
وأستبعدنا أنقطآع سلك مـُعـيـن .
وأستبعدنا أنفصآل أو أنحرآق فتيل { فيوز} مـُعـيــّن .
وأستبعدنا الحآســوب ECU .
وأستبعدنا أنفصآل أحد الأفيآش والبرآيز حتى لو جـُزئيآ .


فـــــــــــــــــــ :



فأعتقد والله أعلم :
أن سيآرتك جآها شخص وحآول سرقتها .
أو يمزح { يعني أنطلق نظآم منع السرقة }
وقفل بعدما هرب أو أبتعد السآرق أو المآزح .


بهذي الطريقة السآبقة ‘‘‘ يــُبقي النظآم السيآرة عصية على التشغيل
حتى تطفي السيآرة وتشغلها بمفتآح التحـكـُم عن بــُعد عدة مرآت .
أو أعـآدة برمجة نظآم منع السرقة من قبل أشخآص خـُبراء
وبأجهـزة خآصة .
وهذا الأحتمآل كبير وكثير ما يحصـُل .
لذلك عــوّد نفسك بفتح السيآرة مرة بالمفتآح ومرة بالتحكـُم عن بــُعـد { الرموت } .
لتتعود السيآرة على ذلك ولـتـُمرن النظآمين للفتح .
وحتى لا يصدي قــُفل البآب .
فــكـــُل شيء لا بــُد من أن يتمرن وألا خـرّب .


عملت بمدء :
""" شـخـتـك بـخـتـك """
:good2::f:good:
:D







موفـق
وتلقى خير بأذن الله


""" و الله ُ أعــلـم وأكــمـل """
:burnout2:http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)


تـحـيــــــآ تي



<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """
my own
21/04/2011, 02:07 AM
يكون التانكي فيه سدد او انسداد مواسير البنزين
يسبب نفس الاعراض لما ذكرت من اعطال ..
مالك بن الريب
21/04/2011, 09:38 AM
أخوي اصيل
صحيح لها علاقة
لكن اللي حصل معي ماله علاقه بماذكرت

اقصد سبب يغفل عنه الكثير وهو رئيسي ولم يتطرق له أحد حتى الآن
مالك بن الريب
21/04/2011, 09:39 AM
يكون التانكي فيه سدد او انسداد مواسير البنزين
يسبب نفس الاعراض لما ذكرت من اعطال ..


اللي حصل معي ليس له علاقه بالبنزين !!! هذا الغريب
صباح القايله
21/04/2011, 11:57 AM
اول شي الحمد الله ان الموتر ضبط
وكل تقه بتعليمه
اخوي اتوقع في فيز مع مجموعه الفيوز الى فوق رجل السواق
وهذي قد صارت معي
ibrahim_isz
21/04/2011, 01:51 PM
دقمة السلف
أصيل حجآ زي
21/04/2011, 02:39 PM
أخوي اصيل
صحيح لها علاقة
لكن اللي حصل معي ماله علاقه بماذكرت

اقصد سبب يغفل عنه الكثير وهو رئيسي ولم يتطرق له أحد حتى الآن



هـل هي من الحـذآف
ودُقمة المقوّم زي ما قآل
الأخ / أبرآهيم في أخـر رد قبل ردي
في أخر رد .
طبعآ فكرّت فيها البآرح
لاكن قـدني على السرير
وقــُلت بــُكرّة وخير .


الدُقمة قوية وتكسر سن { ضرس } في ترس الحذآف .


وهذا يحصــُــّل أذا السيآرة متوقفة من مـُدة
أو بآردة وتــقـعــُد تنقر لها سلف بالتتآلي فتكسر الضرس .


وحصلت لي من زمآن كــُنت بأجآزة ووقفت سيآرتي
ولما رجعت بعد أكثر من شهر ونصف دقيت سلف
وبأستمرآر قليل التقـطــُع يعني نقرة ورى نقرة
حتى كسرت سن { ضرس } ترس الحذآف .
وهذي صورة للحذآف حتى ينتبه الشبآب


يعني أنقــُر سلف نقرآت بسيطة ثــُم خل وقت ثلاث دقآئق
ثــُم كـرّر ذلك وزد في فترآت التوقــُف .
حتى لا تكسر ترس الحذآف أو تخرب السلف ودقمـتــُه :


يعني تتآلي النقر ورى بعض من غير توقف بـُرهآت قليلة
يتسبب في تكــســُر ضروس { أسنآن } ترس الحذآفة
التي هي في موخرة المـُحرك مشبوكة بعمود المرفق من المُقدمة
وبالطـُنجرة أو القآبض من الخلف
ولو تـُقـعــُد تنقــّر { تدُق سلف } الى يوم الدين ما أشتغل المـُحرّك
حتى تغير الحـذآف بوآحد جديد :
http://img233.imageshack.us/img233/7259/50917370.png


طبعآ تغيير الحذآفة ما هو صعـب بس يلزم أنزآل القير من مـحـلـُه مع طـُنجرتـُه .
وغيرتها بنفسي بشحمي ولحمي .
بس لازم يكون عندك حـُفرة أو رآفعة
أو ترفعها على جحوش .


وهذي صورة الحذآف كآملة أنوآعها وأشكآلها كثيرة :
http://www.good-win-racing.com/miata/images/items/fidanza%20flywheel.jpg


http://chicaneculture.com/wp-content/uploads/2010/05/flywheel.jpg


http://www.ipsmotorsports.net/images/MiniFlywheel.jpg


وهذي وهي رآكبة بموخرة المـُحرك :
http://www.volvoclub.org.uk/faq/ImagesProcedures/Flywheel_940.gif
قرم العيال
21/04/2011, 02:40 PM
الله اعلم ,, لكن نبي الحل لاتنسى للفائده والله لايخسر مسلم
وليد الذيب
21/04/2011, 02:47 PM
السلام عليكم ممكن تكون البواجي او صفاية البنزين
مالك بن الريب
21/04/2011, 03:21 PM
اشكر كل من عقب وحاول يفسر خصوصا اصيل

القاريء للحوار يستطيع جمع اكثر من 10 أسباب تفننوا الشباب بذكرها وكلها صحيحة

امممممم

ادري بتعصبون لكن والله بقي شي ما احد توقعه

بكرى الجمعة بعد الصلاة إن شاء الله لو ما توقع أحد ابسدحه هنا
الهاجري ج
21/04/2011, 04:56 PM
السلام عليكم


أعتقد إنها من بطارية الريموت إذا فضت ماعاد يشتغل الموتر



أنا صارت معي نفس المشكله في بترول ديزل 2005 ولا خليت محل حتى الوكاله عجزوا يحلونها وجلس الموتر اكثر من 3 شهور واقف غير شهر في الوكاله
والمشكله طلعت في حساس الطرمبه والسيكورتي (نظام الحمايه)


والحل كان بكسر هذا الحساس والغاء نظام السيكورتي ورجعت السياره احسن من الاول


وفيه حل احيانا ينفع او على الاقل يمشي وهو انك تفصل اصابع البطاريه وبعد ربع ساعه ترجعها على شان الكمبيوتر يسوي برمجه لنفسه وتشتغل السياره


بالتوفيق
راعي الوبارة
21/04/2011, 10:51 PM
مالك يااااااا (مالك)
إللي يشوفك يقول تخط الحل بأطراف الأسنة ترى الشغلة كي بورد والموضوع تبادل خبرات وكان الله في عون العبد ما كان العبد في عون أخيه...
عندي الجيب واقف من أسبوع وحصلت معي نفس الشغلة في البداية غيرت الكتاوت ومشي الحال لمدة شهر بعدها توقف عند محطة البنزين والكهربائي قريب وقال الكتاوت في مشكلة وصلحة بـ100 ريال قبل إسبوعين غيرت الكتاوت وما نفع غيرت الطرمبة وأشتغل أسبوع فقط وتوقف المهم شريت طرمبة وكتاوت جديد مع أن صاحب المحل قال ما فيه داعي ما دام الطرمبة جديدة وهو ضامنها المهم مجرد فكيت الليات ودقيت سلف إلا والطرمبة تضخ .. رديتها ووبعد مشوار قصير وقفت عند أحد الأصدقاء رجعت أشغل بعد ساعة إلا والمشكلة راجعة
هذي مشكلتي اللي معجلتني على الحل لأني بكرة مسافر عشانها ولا عندي نت في ذيك الديرة
عموما منذ ظهور المشكلة ولمبة السكورتي شغالة أخاف إن لها دخل في السالفة
أفدنا أفادك الله ... أنت ومكشات وكما قال صاحبك
وخطا بأطراف الأسنة مضجعي وردا على عيني فضل ردائيا
ولا تحسداني بارك الله فيكمـــا من الأرض ذات العرض أن توسعا ليا
ونقول
ولا تحسداني بارك الله فيكما من العلم أن الجهد قد هد حيليا
الهاجري ج
21/04/2011, 10:56 PM
راعي الوباره

مشكلة موترك الحساس اللي على الطرمبه يقطع البنزين عن السياره كحمايه لها

ولمبة السيكورتي لها شغل 100%

رح لورشة العتيق في بريده ويحلونها لك في 5 دقايق

اخذ الكلام اللي من تجربه

وسلامتك
مالك بن الريب
21/04/2011, 11:45 PM
راعي الوباره

مشكلة موترك الحساس اللي على الطرمبه يقطع البنزين عن السياره كحمايه لها

ولمبة السيكورتي لها شغل 100%

رح لورشة العتيق في بريده ويحلونها لك في 5 دقايق

اخذ الكلام اللي من تجربه

وسلامتك




صدق اخونا نواف بما إن لمبة السيكيورتي شغالة فمثل ماقال لك 100%

بالنسبة لموتري لمبة السيكيورتي غير شغالة والطرمبة شغالة والكتاوت جديد والصفاي جديد وطلعت المشكله من شيء مايخطر ع البال
صاحب الكشتات
22/04/2011, 12:36 AM
شكله فيوز العطل وبالذات الماس
راعي الوبارة
22/04/2011, 01:04 AM
صدق اخونا نواف بما إن لمبة السيكيورتي شغالة فمثل ماقال لك 100%

بالنسبة لموتري لمبة السيكيورتي غير شغالة والطرمبة شغالة والكتاوت جديد والصفاي جديد وطلعت المشكله من شيء مايخطر ع البال

مشكورين على سرعة التجاوب ولكن ما ني جهت بريده ولا حولها وكيف أصلح أو أعطل نظام السكورتي
راعي الوبارة
22/04/2011, 01:14 AM
بالنسبة لمشكلة سيارتك يا أخ مالك أعتقد أن نظام حقن الهواء له دخل في الموضوع ويمكن البنشري نسي الخرقة وهو ينظف الفلتر أو أن أحد مخارج تحسين حقن الهواء غير موصول في محله... وسلامتكم
مالك بن الريب
22/04/2011, 04:21 AM
بالنسبة لمشكلة سيارتك يا أخ مالك أعتقد أن نظام حقن الهواء له دخل في الموضوع ويمكن البنشري نسي الخرقة وهو ينظف الفلتر أو أن أحد مخارج تحسين حقن الهواء غير موصول في محله... وسلامتكم


مالك لوا ياراع الوباره
فلتر الهواء ونظام حقنه بالبخاخات ماله علاقه

بعد صلاة الجمعه اقولكم على الخبر الغريب
فواز الحربي
22/04/2011, 08:43 AM
السلام عليكم ورحمة الله

مجرد توقع أو تخمين للمشكلة أتوقع أن المشكلة عندك من نظام الأشتعال وتحديدا من حساس الكرنك .

أنا ما أعرف شي في البترول الجديد لاكن مجرد توقع .
ابو انس111
22/04/2011, 09:56 AM
حصلت معي نفس المشكله البارح
صوت الطرمبه شغال و الموتر كانه بيشتغل و لكن ما يشتغل
يتفتف شوي و يطفي و لمبة المكينه اشتغلت
و أنا في انتظار الحل الله يعطيك العافيه
لأني شيكت على ما سبق و لم اجد الحل
كديان
22/04/2011, 10:30 AM
لاهنت يا مالك حمست الربع عجل بالحل
للفائدة
قصة خارج الموضوع
طيب حصلت مشكلة فترة لجيب جيكسار تماتيك ندق سلف و يطلع صوت تك تك تك
و البطارية جديدة فصارت المشكلة من اصبع البطارية مفلل املاح ترسبات صنفرناه و حطينا شحم
و اشتغل على طول
A.B.A
22/04/2011, 01:36 PM
السلام عليكم

يالمكاشيت الفزعه نبي الحل من مالك بن الريب. عند سفاري واحد من الربع نفس مشكله جيب اخونا. مالك


وانا جيبي شنو حله ((( اشغله وهو واقف صافي حلاوه واذا مشيت شوي. قام يقطع ويرجف
مع ان البلاكات جديده والفلتر. او السيفون حق البانزين ما صاله شهرين وفلتر الهوى كذلك

تكفووووووووون
أصيل حجآ زي
22/04/2011, 01:41 PM
مالك لوا ياراع الوباره
فلتر الهواء ونظام حقنه بالبخاخات ماله علاقه

بعد صلاة الجمعه اقولكم على الخبر الغريب





مالك بن الريب
بــــلآد الـكــُرد يصلون الجـُمعة قبلنا
وأنت وعدتنا بعد صلآة الجـُمعة !!!
عــجــّـل علينا بنروح للغداء .
ههههههههههههة
:good2: :D ;) :) :good:
:f


السآعة الآن 1:41 بعد الظـُهر
كديان
22/04/2011, 01:54 PM
مالك بن الريب
بــــلآد الـكــُرد يصلون الجـُمعة قبلنا
وأنت وعدتنا بعد صلآة الجـُمعة !!!
عــجــّـل علينا بنروح للغداء .
ههههههههههههة
:good2: :D ;) :) :good:
:f


السآعة الآن 1:41 بعد الظـُهر




لا تعلمه يا مالك
خل اصيل تحتمي تسبده :D
هههههههه
مالك بن الريب
22/04/2011, 02:15 PM
السلام عليكم

لو معي وقت حصرت الأسباب اللي ذكرتوها عشان لو يوم من الأيام أحد بحث بنفس المشكلة يحصل الأخوه ماقصروا



عموما ما اطول عليكم تصدقون طلعت المشكله من :

0.
.
.
.
.
.
الــــــــــــــــــــــــــــــــــبطــــــــــــ ـــــــــــــــاريه
نعم البطاريه

شلون؟؟

أنا مركب قبل 6 شهور بطاريه من نوع GOLDEN الخايسه اللي تعبأ ماهي تماتيك وقوتها 70

الموتر يدق سلف من أبدع مايكون
مرة يشتغل
ومره لا
ثم غغغغغغغغغ
وبعد 10 دقايق من المحاولات تنقهر وتتركه

تروح للورش وأنواع التخرص

سالفة البطارية جت على نافوخي صدفه

غيرتها الى ACDELCO تماتيك 80 مضمونه سنة

انتهت المشكلة تماما


قسم بالله هذا اللي صار البطارية اللي تعبأ لاتقربكم مهما كانت جودتها خصوصا للمواتر اللي بها حساسات

وسلامتكم
كديان
22/04/2011, 02:22 PM
عوافي عوافي هههه
اخوي افضل بطارية للباترول شد بلده حقت باقادر يابانية
او البديل عنه روكت كورية تجي 100انبير و سعره تقريبا ب260ريال
الروكت تركب للباترول القديم و الجديد و مزيته انه طويله يعني مخزن كبير للانبيرات
حتى راعين الصيد و اللي عندهم ثلاجة او فريزر او كنود يركبونه للباترول
ادخل الرابط لمشاهدة صورة الروكت
الروكت اللي بالرابط حقت جمس صغيرة 70انبير
بطارية السفاري الأصلية..... (http://www.mekshat.com/vb/showthread.php?t=401113)
راعي الوبارة
22/04/2011, 03:02 PM
مشكور يا مالك عموما السيارات الجديدة تغير نظرياتنا القديمة كنا نستبعد موضوع البطارية إذا دق السلف أما الآن فتغير بسيط في الجهد يوثر في الحساسات والكمبيوتر عموما أحسن سيارة (هايلكس 74) ما كان فيها شي غير ترس على ترس ودنمو الكهرباء وأشتغلت 16 سنة بعدها غيرنا تنجيد المقاعد فقط
مالك بن الريب
22/04/2011, 04:29 PM
الله لايخسر على كل مسلم

عموما هي تجربة مريت فيها وحبييت انقلها لكم بنوع من الاثارة لكي ترسخ المعلومة اكثر

وختاما الف شكر لكل من داخل او عقب أو زار
بوخليفه77
22/04/2011, 04:45 PM
وعليكم السلام ورحمة الله وبركاته

والله ياخوي مالك
اني مريت بهذا الموقف وتلعوزت مع الكهربائيين والميكانيكيين من واحد لواحد
ومشكلتي ان السياره عليها ( كمبيوتر موتك يعني اخاف اي احد يشتغل عليها )
وكانت البطاريه ضعيفه وغيرتها بس بعد مرت علي مره اخرى نفس الموضوع
شهر صاحيه ويجيك يوم ماتشتغل وبعد شوي او اليوم الثاني اجيها تشتغل
وتريد الصراحه مخلنها على البركه
لاني ما استخدمها على طول عندي سياره ثانيه
تسلم على المعلومات ويسلم كل من الاخوان الي طرح معلوماته وعسى ان يستفيد منها الجميع
تحياتي