المساعد الشخصي الرقمي

مشاهدة النسخة كاملة : افضل زيت قير ؟؟


Lover gmc
21/04/2011, 01:32 PM
ان شاء الله طالع اليوم اغير زيت القير

لكن ما اعرف وش المناسب والزين

سيارتي جمس اكس ال حجم 1500

م 2005

بانتظار اصحاب الخبره

وياليت اذا امكن كم سعر العلبه الوحده
Lover gmc
21/04/2011, 02:25 PM
وينكم يا اخوان
Lover gmc
22/04/2011, 11:07 AM
غيرته لـ اس ديلكو العلبه السواد

لكني مارتحت له

وش رايكم فيه ؟ وهل فيه احد جربته ؟

يا اخوان ردوا : (
سديراوي 13
22/04/2011, 01:27 PM
ممتاز لا تشيل هم اخوي
كديان
22/04/2011, 01:38 PM
اخوي
اكثر الاعضاء و حتى هم خبرة امريكي و مواترهم امريكي
و حتى عندنا بالورش بالقصيم يحطون زيت ايسي ديلكو علبة سوداء ب10ريال
و ارقد و امن

لكن فيه ورشة عندنا ببريدة تخصص امريكي و توضيب قيور جيوب و باترول و امريكي
ينصح و بشدة بزيت موتر كرافت :good2: حق فورد ب9ريال
هذي صورته



http://www.mekshat.com/vb/../pix/upload02/images81/mk53291_bdobho33.jpg



هذا زيت اخر بس مدري موجود بالسوق ام لا
و قيمته قديما ب13ريال
لو تلاحظ الكتابة عليه (دكسرونIII)
سبق اني قريت هالاسم بجدول الزيوت بكتالوج جمس م2001


http://www.mekshat.com/vb/../pix/upload02/images81/mk53291_uibudfbhf22.jpg
مركز الثقل
22/04/2011, 01:44 PM
اهم شي زيت عيار دكسرون 3 لأنه اكثر زيت مطور للسيارات الأمريكي
كديان
22/04/2011, 01:55 PM
اهم شي زيت عيار دكسرون 3 لأنه اكثر زيت مطور للسيارات الأمريكي

كم سعره ؟؟؟ ياخوي لاهنت ؟؟؟
هل هو موجود عند الموزعين الصغار ؟
او الوكالة ؟
Lover gmc
22/04/2011, 11:58 PM
سديراوي 13
مشكور اخوي

كديان
وين الورشه هذي ؟
صراحه كنت ناوي احط كرافت
لكن عند القرعاوي ببريده .. قال اس ديلكو خاص للجمس وكرافت للفورد
حاولت معه قال هذا ازين لك ومخصص لسيارتك
قلت يالله مش مشكله
وبالفعل شفته بكتالوج جمسي ديكسرون lll
لكن لاحظت السياره تقل صارت اثقل
بس اقوى

جزاكم الله خير ماقصرتوا
talol
22/04/2011, 11:59 PM
اخوي كلها واحد تقريباا

انا لاحظت الورش ومحلات توضيب القيور يستخدمو موتور كرفت الرخيص

ووكالة فورد يبيعو الزيت ب13 تقريبا دكسرون 3
كديان
23/04/2011, 12:46 PM
الورش الكبار مثل ترايستار القروعاي قافلة
مظاهر خداعه من الظاهر الله الله و من الداخل يعلم الله
و يكمل الناقص مدير عربي !!!! توبر البي حبيب لبي !!
رح لناس ثقة و الشغل قدامك و ناس تخاف الله و سعر مناسب

الورشة الثقة باذن الله عندك ورشة العثمان و مكانهم بتشاليح بريدة
قبل لا توصلهم بكيلو فيه خط يطلع جنوب حق سكراب حديد
ادخل معه تجيك ورشتهم على اليسار كبرة لونه زرقاء تحصل سليمان و عبدالعزيز
يجونه ناس من برا القصيم و من الرياض و حائل
و عندك ورشة ابو فهد الخليف صناعية عنيزة

لا تروح و تخلين لازم تحاسبن مهنى شي ببلاش ههههه
Lover gmc
23/04/2011, 02:09 PM
بالعكس
كان والله لي تجربه مع القرعاوي والقافله وترايستار
من احسن واروع مايكون .. لكن القافله عنده زحمه فتحصل شوي قلق وتآخير
ياليت توصف لي ورشه العثمان
من تشليح العجلان اذا كان على يساري اللي فيه دايم سكاليد طويل ابيض ماعليك امر وابشر باللي يرضيك : )
كديان
23/04/2011, 03:03 PM
يا خلفهم خابر شغل الورش الكبار
مشكلتهم الاسعار و شغل اليد مع الرقبة هههه
و اذا اخذوا سمعه ارفعوا بالاسعار و على حسب الجودة و المتانة في الاداء و الاخلاص
و الدليل المواضيع اللي تنزل بخيمة السيارات من الاعضاء اللي بالرياض
غالبيتها تدين هذه المراكز الكبيرة اخذوا عليه مبلغ و قدره سواء توضيب قير او مكينة
او اصلاح تهريب او اصلاح كارونة ونة تون
و في النهاية شهرين و العطل راجع مثل اول و بالذات توضيب القيور و الكوارين
غالبية الاعضاء يقول عطن ورشة ثقة فقط اهم شي ثقة
بعدين ورشة القرعاوي غيروا لاحد الربع طرمبة زيت ليوكن م2004 قبل شهرين ب1400ريال
ليش ؟؟؟
ياخي عندك راعي المرهمات احمد الصمعاني ياخذ شغل يد ب500ريال لاصلاح طرمبة الزيت سعر منطقي جدا

وصف الورشة
اذا جيت محطة التشليح خل المحطة و التشاليح على يسارك
خلك متجه الى الكوبري يعني وجهك غرب لبريدة
احسب من بعد المحطة تقريبا كيلو او كيلو نص يجيك خط مافي غيره يروح يسار
هذه يسمونه خط سكراب الحديد لانه باول الخط فيه مستودعات تشري الحديد السكراب
المهم هالخط يروح جنوب امش معه مسافة 3كيلو بالمارية تجيك ورشة على اليسار كبرة مستودع ازرق
هذي ورشتهم مابه غيره هاللون هلالي و بالعادة تحصل جموس برا
ورشتهم قبل ورشة احمد الصمعاني و ورشة ابو عبدالله الصمعاني

اذا مغنيك الله و عندك دراهم قاعدة ياخوي سلفنا هههههههههه :D:p