فشقة شوزن
21/04/2011, 05:57 PM
اخواني اعضاء مكشات
السلام عليكم ورحمة الله وبركاته
قدر الله واخذت موتر من احد الدول الخليجية والموتر هو فتك 2007 الموتر ماشاء الله نظيف المهم شيكته عند المعرض وفتحت الكبوت وشغلت ورحت اشوف انبير الحراره ماتحرك من مكانه نايم على c المهم كلمت صاحب المعرض قال امرها بسيط كهربائي وتنحل المشكله المهم اخذت الموتر الفحص وشيك عليه وقال ماشاء الله الموتر نظيف .
توكلت على الله واخذته وفي اليوم التالي اخذت الموتر للكهربائي فتح الكبوت وجد ان فيش حساس الحرارة مفصول ركبه ماتحرك الانبير قال عندك الحساس جب واحد جديد اصلي قبل امشي قال عندي حساس تجاري ركبه مانفع رحت وشريت جديد ركبه مانفع ركب الموتر وتحت الطبلون اسلاك بدأ يحرك الاسلاك تحرك الانبير من مكانه للربع لفقه وزانت اموره .
وحنا راجعين للسعوديه كانت الساعة 9 صباحاً والجو شوي حار ارتفعت حرارة الموتر ووصلت للنص :eek: بديت امشي عليه 70 ومره 60 حتى وصلنا شيشة بنزين شيكنا عليه من ماء وخراطيش كل شي تمام المهم بدت المعاناة في الطريق نمشي 70 وحنا بأول المشوار المهم وصلنا الجمارك وخلصت امور الموتر من تصدير وخلافه طبعاً الوقت ليل والجو براد دخلنا للسعودية الحرارة ماتحركت عن الربع مشيت عليه 120 بدت ترتفع بديت امشي عليه 100 ورجعت للربع حتى وصلنا ولله الحمد .
اليوم التالي اول ماجلست من النوم دعيت على صاحب المعرض اكيد انه على علم بالحرارة وانا قلت له ( إن شاء الله ندعي لك بالخير ماندعي عليك ) قال راح تاخذ موتر مايحتاج المهم اخذت الموتر للفحص بالكمبيوتر قلت له ابي تشييك للحرارة فقط شيك عليه طلعت النتيجه ان الرديتر عيونه او فتحاته متسكره اخذته لمحل الرديترات وضبط اموره وزانت الحرارة على الربع حتى في الظهر والمكيف شغال ماشاء الله تبارك الله .
ادري طولتها عليكم والمقصد هو نصيحة اخواني اللي يبي يشتري موتر افحصه زين ولا تخلي حاجة بسيطه إلا وانت مشيك عليها واذا صار الانبير نايم مثلي خذه قبل تشتري للكهربائي وشيك عليه حتى لاتقع بمثل ماوقعت انا فيه اصناف العذاب ( حر على الطريق ممشاك 60 كيلو يعني التريلات تكبس تقول ابتعد عن الطريق :D انواع الضغوطات )
الله يوفقك الجميع
والسلام عليكم ورحمة الله وبركاته
السلام عليكم ورحمة الله وبركاته
قدر الله واخذت موتر من احد الدول الخليجية والموتر هو فتك 2007 الموتر ماشاء الله نظيف المهم شيكته عند المعرض وفتحت الكبوت وشغلت ورحت اشوف انبير الحراره ماتحرك من مكانه نايم على c المهم كلمت صاحب المعرض قال امرها بسيط كهربائي وتنحل المشكله المهم اخذت الموتر الفحص وشيك عليه وقال ماشاء الله الموتر نظيف .
توكلت على الله واخذته وفي اليوم التالي اخذت الموتر للكهربائي فتح الكبوت وجد ان فيش حساس الحرارة مفصول ركبه ماتحرك الانبير قال عندك الحساس جب واحد جديد اصلي قبل امشي قال عندي حساس تجاري ركبه مانفع رحت وشريت جديد ركبه مانفع ركب الموتر وتحت الطبلون اسلاك بدأ يحرك الاسلاك تحرك الانبير من مكانه للربع لفقه وزانت اموره .
وحنا راجعين للسعوديه كانت الساعة 9 صباحاً والجو شوي حار ارتفعت حرارة الموتر ووصلت للنص :eek: بديت امشي عليه 70 ومره 60 حتى وصلنا شيشة بنزين شيكنا عليه من ماء وخراطيش كل شي تمام المهم بدت المعاناة في الطريق نمشي 70 وحنا بأول المشوار المهم وصلنا الجمارك وخلصت امور الموتر من تصدير وخلافه طبعاً الوقت ليل والجو براد دخلنا للسعودية الحرارة ماتحركت عن الربع مشيت عليه 120 بدت ترتفع بديت امشي عليه 100 ورجعت للربع حتى وصلنا ولله الحمد .
اليوم التالي اول ماجلست من النوم دعيت على صاحب المعرض اكيد انه على علم بالحرارة وانا قلت له ( إن شاء الله ندعي لك بالخير ماندعي عليك ) قال راح تاخذ موتر مايحتاج المهم اخذت الموتر للفحص بالكمبيوتر قلت له ابي تشييك للحرارة فقط شيك عليه طلعت النتيجه ان الرديتر عيونه او فتحاته متسكره اخذته لمحل الرديترات وضبط اموره وزانت الحرارة على الربع حتى في الظهر والمكيف شغال ماشاء الله تبارك الله .
ادري طولتها عليكم والمقصد هو نصيحة اخواني اللي يبي يشتري موتر افحصه زين ولا تخلي حاجة بسيطه إلا وانت مشيك عليها واذا صار الانبير نايم مثلي خذه قبل تشتري للكهربائي وشيك عليه حتى لاتقع بمثل ماوقعت انا فيه اصناف العذاب ( حر على الطريق ممشاك 60 كيلو يعني التريلات تكبس تقول ابتعد عن الطريق :D انواع الضغوطات )
الله يوفقك الجميع
والسلام عليكم ورحمة الله وبركاته