كشته للصمان

[حبيب/الضيغمي]

السلام عليكم ورحمة الله وبركاته

ناوي بكرا اروح للصمان اكشت

وين احصل الربيع فيه من الصمان واسم الرياض والفياض المربعه

وهل الدبدبه بان فيها الربيع مثل ماسمعت

ارجوكم زودونا بالعلوم السنعه (الله يسنع اموركم )(ويغيث قلوبنا بالايمان وبلادنا بالامطار) :good: :) :)

[nahham]

لا تفوتك فيضة ام صحن

تلقى مواضيع مصوره من رحلات الاخوه

اتمنى لك رحله سعيده وعودا حميدا

لا تنسى الصور

[الشرياص]

اذا انت من الشرقيه

روح الى الدبيه اذا عجبتك اجلس فيها واذا ما عجبتك وتبى تروح للفيض خذ طريق القاعده واذا وصلت الى ام قلب ادخل عليها واذا وصلت الديره خلها على يسارك وامش لمده ساعه وربع ساعه ونص وتوصل (فيضه العوده) وبعدها بكيلوا واحد (فيضه ام صحن)

وعلشان ما تضيع استخدم Gps وهو يوديك وبالسلامه

[aziz99]

عليك بأم المصران , الشملول ...اشوف احد الاخوان نزل صور قبل ثلث اسابيع والفياض مليانه ماء....واتوقع انها مربعة الاسبوع هذا...واقرب لك في المنطقة الشرقية...

تحياتي

[ابو سمر]

الله يبشركم بالخير ويغيث بلادنا بالأمطار ..

[حبيب/الضيغمي]

السلام عليكم ورحمة الله وبركاته

الله يعطيكم العافيه على ها المعلومات (والخير بالقبول ان شاء الله) :good: :) :)

[كبريت]

معليش على الدخله

لكن سوال
1- وين هذي ام صحن
2- وكم تبعد من الرياض
3- والاحداثية ان امكن