مشكله الباترول

[نآآآصر]

السلام عليكم
كيف حالكم جميعا
1-عندي مشكله في المكيف الا وهي ان المكيف شغال زي الحلاوة وبارد مشاء الله لكن
اذا وقفت فتره والسياره والمكيف يشتغلن يبدا المكيف يفصل ويشبك بسررعه ياليت تفيدوني هل هو من الحساس ؟وكم سعره

+
2-ان الموتر بدون مكيف حرارته ممتازه لكن اذا شغلت المكيف برضه حلوه لكن اذا وقفته فتره ايضا ترتفع شوي الا مابعد الربع بشوي تزيد مع زيادة وقفت السياره .. مع العلم احيانا اذا جيت من مشوار وطفيت السيارة ورجعت شغلتها بعد دقيقه مثلا اذا دقيت السلف تطلع الحراره الى فوق الربع او عند الثلث واذا شغلت نتزل على خفيف


ياليت تفيدونني الله يجزاكم بالخير

[نديم الشمال]

بالنسبه لفصل الكنبرسر وشتغاله
هذا جدا في صالح الكنبرسر
لانه لو ما يفصل مؤكد يخرب خلال سبوع واحد

بالنسبه لموضوع الحراره اذا وقفت بالمكيف فطبيعي ترتفع شوي اما اذا ترتفع اكثر من اللازم
فأنصحك تشيك على المروحه الخارجيه الخاصه بالمكيف



بالنسبه لمن تطفي السياره وتجي بعد دقيقه تلقى الحراره اكثر من يومك طفيتها


فهذا جـــدا طبيعي

لان الحساس يعطيك حرارة المويه الي داخل المحرك
وانت طفيت طرمبة الدفع ومروحة التبريد
طبيعي من حرارة المكينه ترتفع درجة الحراره والسياره طافيه
وبمجرد ما تشغلها تبدا المروحه وطرمبة المويه تشتغل
تبدا في الانخفاض من جديد

واذا عندك شك جرب اي سياره ثانيه
وشف لمن تطفيها وهي حاره
بعد دقايق افتح السوتش
تلقى الحراره اعلى من يومك طفيتها



ارجو اني افدتك

اخوي

[كديان]

اذا بدا يفصل الكمبرسور كل شويس ف99% ان الفريون ناقص
و الافضل انك تطفيه لانه يعدم عليك الكمبرسور

الباترول مع المكيف توصل الحرارة فوق الخط الثاني و هذا طبيعي جدا
حتى الباترول الفتك نفس الحكاية
و حى الجيوب التويوتا توصل فوق الثلث

اية موتر سواء باترول او غيره اذا طفيت الموتر و شغلته تحصل الانبير عند فتح السويتش يوصل النص
و السبب لخروج الماء الحار من المكينة و التقائه بالحساس

على فكرة
تاكد من عدم ارتخاء سير المروحة و لازم الاديتر و السلندر يكون الماء نظيف
اذا كان العكس لازم تغسل الاديتر و السلندر و تتاكد من البلف هل هو تمام ام لا
اي موتر يجب تغيير الماء و غسل المكينة و الاديتر كل سنتين او كل 120الف كيلو
حتى يعيش معك الاديتر و يسلم من الانسداد و تكون الترسبات و الطين
لان مادة المحلول حقت الصدا و التجمد و الترسبات تقل مع مرور الوقت
و لاتنسى تحط ماء مقطر فق

كم موديل الموتر ؟ صالون ؟

اذا مشيت على سرعة ال140 الحرارة تعدا الخط الثاني ؟؟؟؟

[نآآآصر]

جزاكم الله خير
موتري باترول رربع 97
لكن المكيف انا مشيك عليه
ومتاكد ضغط الفريون ممتاز لاني توي معبيه عند واحد ممتاز
واللي يقول لازم يفصل ويشبك اقوله انا عارف الشي هذا لكن يفصل ويشبك 5 مرات خلال 30 ثانيه

تماتيك المروحه توي مغيره ووالسيور ممتازه لكن شكلي بصيخ الرديتر ان شاء الله

[كديان]

اذا الفريون فل فالمتهم الاول حساس الترموستات حق الدبة خربان
ان بغيت كهربائي و فريون بالصناعية القديمة علمن سعودي سليمان الخطيب

لا تغسل الاديتر اذا كان نظيف
اذا بغيت ينظف الاديتر و السلندر يحطون ربع لتر اسيد مع غسالة الكهرب عندهم
و راح يطلع شغلك نظيف و جديد
اهم شي ان الرقع او الطبات نظيفة حقات السلندر

ردود المشرف سوبر


و عليكم السلام و رحمة الله

اخبر مع احد الربع سلقة باترول م91
ركب غطاء اصلي عليه استكر برتقالي اذا وصل سرعه 120
توصل الحرارة فوق الخطين :no:
رجع لنفس الوكيل و ركب غطاء اصلي بدون استكر
و نامت الحرارة :good::good::good:
نقطة اخرى نسيتها

اذا كان البلف يقفل او انه يفتح لكنه ثقيل
يحتمي الماء بالسلندر بسبب البلف
و يحتمي الموتر لان الماء ما يدور بالسرعه الكافية من المكينه الى الاديتر
و اذا احتمى
يرتخي سبرنق غطاء القير
و يطلع الماء الى القربة

اذا كان الاديتر وسخ
لازم تغسل السلندر و الاديتر
نص لتر اسيد حول 5مرات غسيل
ثم علبة زيت فرامل و يغسل 3مرات
و راح تنام الحرارة باذن الله
و لا عاد ينقص الاديتر
غالبا اي موتر موديل قديم يكون السلندر متلطس من الطين مسكر
قد صار معي هايلوكس اذا تعديت 120 الحرارة توصل الاتش
عملت الاتي
غيرت غطاء الاديتر + سيخت الاديتر + شيك على كلتش المروحه + خراطيش
خساير على غير فايده :no:
و صار الحل غيرت البلف بكم ب20ريال فقط => عقب وجع الراس:(
و امشي على الموتر 160 :good:

بالنسبه للغطاء احد الربع معه سلقه باترول
اذا مشى على سرعه 120 فاكثر الحرارة تعدا الثلث
طبعا ركب غطاء اصلي استكر برتقالي و لا فايده :no:
غير الغطاء من نفس الوكاله و ركب غطاء بدون استكر
و الحمدلله زانت الحرارة :good:

[عزٍيزٍ]

نصيحتي لك ركب مراوح سوبارو
وشف الفرق بالحرارهـ
سعرهآ بـ 600 شامله التركيب

[برهوش]

ودة لورشة اسمها البلبيسي
متخصص تبريد في الصناعية القديمة

[مركز حراره]

الفريون زايد شوي نقصه ويزبط
الحراره ركب مراوح وبتشوف فرق كبير

[][ســهم][]

نويت انزل موضوع بخصوص كمبرسر الباترول
وحصلت موضوع اخوي نااااصر

قبل اسبوعين عبيت الفريون بصالون مديل 90
والمكيف بارد ولله الحمد لكن اشوف الكمبرسر ما يطفي ابد
اطفيه انا بنفسي كل نص ساعة تقريباً :)
يا ليت احد يفيدنا عن المشكلة ..وشكراً

[صالح ابو وليد]

السلام عليكم
يا اخوان انا معي باترول سلقه 97
والحرارة تبزوط
تخيلوا يا اخوان
1- ركبت مروحه اضافيه عشان التبريد
2- فكيت البلف
3- سويت تسيخ
4- غيرت التوماتيك حق المروحه
5- غيرت طرمبة المويه
والا الحين الحرارة هي هي ماتغيرت والي يعرف الحل لايبخل تكفون شوفولي حل
وزاكم الله خير

[مركز حراره]

اخوي صالح ابو وليد نسخت لك الرد
ممكن نفحص لك بجهاز اليزر(بلاش) او غير حساس الحراره لا تركب الى اصلي نفس المديل لان 98 يختلف

[أحمد محمد1429]

زي ماقال مركز حراره الفريون زايد

[صالح ابو وليد]

مشكورين وماقصرتو وجزاكم الله خير

[صالح ابو وليد]

غيرت الحساس ب 120 ريال وكاله ماتغير شي

[كديان]

ابو وليد وين موقعك ؟؟؟
لا يكون الراس عندك به شعر ؟
او تحتاج وزن بلوف
او وزن الديلكو

روابط

خلاص طق عقلي (http://www.mekshat.com/vb/showthread.php?t=243531)

حرارة الباترول 97 (http://www.mekshat.com/vb/showthread.php?t=202820)


حرارة الباترول على النص - منتديات مكشات (http://www.mekshat.com/vb/showthread.php?t=287020)



حل مشكلة حرارة الباتروووول ؟؟ - منتديات مكشات (http://www.mekshat.com/vb/showthread.php?t=304199)


ياليت اية مشكلة عندك تحطه بموضوع جديد
عشان يطلع عليه اكثر عدد ممكن من الاعضاء
و ايضا لكي يكون موضوع مستقل على حده لوحده دون تداخل مشكتلين مختلفتين في موضوع واحد

[صالح ابو وليد]

انا موقعي بالرياض مخرج 15

[راعي النيسان1]

صارت عندي نفس المشكلة وتعبتني
وبعدين توصلت اني لما نظفت المكيف العامل حطلي فريون(غاز) للمكيف نقلي مب أصلي
وغيرت غاز المكيف الى غاز أصلي غالي و الحمدلله راحت المشكلة (لاتوثق لما يقولو لك الغاز أصلي )

حرارة السيارة اذا توصيلات الراديتر زينة ومافيه تسريب فلابد انك تنزل رأس الماكينة و تسويله مخرطه وتغيرله جازكيت وتروح عنك الحرارة (عجل بهالحل لا تروح عليك الماكينة بالكامل)

أنا عندي نيسان بترول استيشن