مشكله في البلجيك ادخل ضروري

[فرخ قطا]

السلام عليكم عندي ام خمس بلجيك رميت فيها ضغط وارتخا اللسان صارت ماتنتش الفشق ولا تدخل الا وحده وش المشكله يالربع

[فرخ قطا]

معقوله ولا رد وين اهل الخبره:confused:

[aborajwa]

اخوي الحمد لله على السلامة .. البلاجيك اذا كانت من الاولات ما يتحملن الضغوط حدها 36 والا 38 لان وقت صناعتها مافيه اكثر من 36 .. بالنسبة للناتوش تاكد انه مستقيم وماهو بارز على برا من عند المكينه ولازم يكون راس الناتوش على الداخل ليتمكن من اخر القمعة حتى ينتشها .. اذا معووج للخارج حاول تعدله بشويش حتى ما ينكسر والا ودها مهندس يزينها ..

اما انها ماتدخل الا طلقه وحده قصدق في المخزن تاكد ان المخزن ماهو مقفل لان بعضها يجي له قفل حتى ماتسحب بعد ما ترمي وهو بطبعه اذا مقفل ما تقدر تدخل في المخزن شي ..
واذا بدون قفل حاول انك تدف السسته باصبعك وتشوف تمشي والا تدقر يمكن فيه شيء ساد على السسته ما تروح للداخل وتشيل الطلقات ..

[المنذراوي]

الله يعظم اجرك بها ..ماترمي ضغوط ....لكن استعجل ودور لها احد يصلحها اذا قدرت..

[فرخ قطا]

شكراً لك ابو رجا وشكراً لك اخوي المنذراوي مشكورين ماقصرتو

[jh2887]

بعد ما تصلح معك إن شاء الله قل لنا وش سويت حتى الأعضاء يستفيدون منك

[معدي المرقاب]

عندك المنضم تاكد من شدادته هو موجوده ولا لا والشدادات هي الخوابير ...او تاكد من الخوابير الداخلية

[فرخ قطا]

شكراً اخواني على التفاعل وجاري الصيانه مع العلم اني طريقتي الي خلته تخرب جبت فشقه ميراج 36 وقصيته الا شوي علشان تطير نص الفشقه كامله وتروح بعيد ورميت وكان المخزن فيه وحده وبعد الرمي طاحت الي بالمخزن وارتخا اللسان
والحين وديته لواحد يصلحه واعلمكم انشاءالله وش طلع فيها