يمشى بسيله من ابانات لصوير

[هاوي بر]

هذه ابيات علها تكون البدايه بعد الانقطاع ولاتكون الاخيره وهي ابيات
وجهتها للشاعر محمد نايف المرواني


انا لياشفت المزون المزابير=تطري عليه يابونايف طواري

الله يرزقنا بالامطار والخير=من مدلهمن تالي الليل ساري

يمشى بسيله من ابانات لصوير=ولابه شعيب الا من الخير جاري

هذي مناتي ياعشير المناعير=اليا حصلي زرقة بالسفاري

مع خوة تجمع هل الطيب والخير=شروى الرفيق اللي على الطيب ضاري

اليوم نبغى رحلة ذوقها غير=خابرك يامحمد تدل المساري

ذيب ولاعمره حصل منك تقصير=عز الرفيق الياحصله جواري

وصلاة ربي عد ماروح اعصير=عن المطب راعيه ماهو ابداري

شغموم ماعد التعب والمخاسير=ياجعل يفدا الجيب كل اللواري
وسلامتكم

[الحضري]

حي الله من جاء


وحي الله القصيد الجزل وحي راعيه .. والله انها كايفه يا هاوي بر .. صح لسانك ولاهنت



ابدعت وتقبل الاعجاب والمتابعة



لا تنقطع فنحن بإنتظار الجمال ... لاهنت


في امان الله

[جرير]

سلمت يالذيب وياهلا وعساك علي القوه
وعودا حميدا
ويمشي بسيله من ابانات لصوير
وفيه واحد مثلك وعلي نفس الطاروق ويحب الشمال خاصه الا ربع ويقول

كريم يا صوت الرعد له زوامير =بأرض يداعبها الحيا والخباري
يا علها دهم المزون المزابير =من وقع ماهن جاري السيل جاري
ياما اختلط نبت الفياض المزاهير =لصوت أم سالم والحجل والقماري
تلقا الخزامى والنفل والنواوير =ينعش شذاهن مع هبوب الذواري
ماقد وطاه إلا فخاف الصقاقير=تلقى لجرتهم عليها مواري
معهم طيور مقرنسات وبواكير=مثل الذهب ولا لميع الدراري
بأرض الشمال اللي بها العز والخير=خيره وفير وساكنينه خيارى
يا علها بمروحات المدارير=اعداد من كبر وللبيت زاري

[هاوي بر]

هلا فيك يا الحضري

ولاهنت اخوي على المرور
وصح بدنك

ولاعليك زود وان شاء اللله ترون مايعجبكم من قصيد البر والطلعات
وبالمناسبه مرد الشاعر محمد ترونه قريب ان شاء الله

[هاوي بر]

هلابك ياجرير

وكفو منك الترحيب ياغالي

الله وكبر على هذا البيت
بارض الشمال اللي بها العز والخير***خيره وفير وساكنينه خياري

صح اللسانك

[نقا هشال]

هلابك ياغالي

وصح لسانك مليون قصيده جزله ولايهون اخونا جرير

كل الشكر لكم

[ريف النشاما]

السلام عليكم ورحمة الله وبركاته

مشكور أخوي هاوي بر على ذهه الدرة وصح لسانك وسلمت

وحياك الله معنا ومرحبا فيك مليون

===

[هاوي بر]

هلا والله بريف النشاما
صح بدنك ياغالي

[مكرم الضيف]

حياك الله اخوي هاوي بر

[انسانه؟]

ابيات رائعه وكلمات جميله
يعطيك الف عافيه ,,