استفسار من مبتدئ

[خطاف_دبي]

السلام عليكم و رحمة الله و بركاته

ياشباب انا قبل فترة شاري طير و هو اول طير لي

وكري عمره 8 شهور

اول ماخذته كان ياكل فري كامل ف اليوم الحين صار ياكل نص هل هالشي عادي ولا ؟؟؟

و بعد مرات اشوف يرجف يعني قبل لا ياكل يرجف لين بعد الاكل بشوي !!!! هل يحتاج اوديه البيطري ؟؟

و بالنسبة للمقيض ينفع اقيضه برع ف هالجو بس بعيد عن االشمس ولا لازم مكان مسكر و مكيف ؟؟؟ والبسه البرقع دووم ولا كيف ؟؟؟
و طريقة السبوح انا واحد قالي رشه بالماي كل يومين مرة و واحد ثاني قال خل له ف القفص ماي هو روحه بيسبح عمره ... شو رايكم ؟؟؟؟

واسمحولي ع الاطالة :)

[ابن القعيمه]

احسلك فكه وخذ اجر

[falcon 1]

السلام عليكم ورحمة الله وبركاته
اخوي انت حاط الطير بقفص ؟

[خطاف_دبي]

اخوي شو رايك انت تفك طيورك وتاخذ اجر بعد ؟ ؟ ؟

يعني انا شاري الطير وابا اتعلم تقولي فك الطير و خذ اجر ! ! ! !

[خطاف_دبي]

وعليكم السلام اخوي فالكون

انا عندي قفص كبير و عندي حجره مكيفه وين احسن للطير ؟ ؟ ؟

[ابوهمام5]

ان شاء الله بيفيدونك الاخوان خلك ريض البال

[راعي طلاع]

انت قصدك عشة طيور يعني غرفه كبيره لازم تخلي الطير بدون برقع وقت القرناس

وحط حوض ما وهو متى محتاجه وصل له ولكن قبل كل شي افحص الطير وشف وش

فيه هل الطير يبقي نص العلف من زود صنعه ولا من عله بالطير الشي الثاني تهويه

ونظام تبريد فالعشه ويجب المحافظه على نظافة المكان وان كان تبي تريح عمرك وده لاحد

المرابط وقرنسه عندهم وهم يتولونه الى نقلة الطير وتقبل مروري............

[خطاف_دبي]

مشكوورين اخواني وماتقصرون انشاء الله بسير افحص الطير وبشوف شو يصير

[عـــــزام]

فادك اخوي
راعي الطلاع

[the_wolfq8]

ياليتك شريته اول الوقت تتعلم عليه احسن

هالحين مابه تعلوم واظهر الطير من القفص انا افدا ذا الخشم

وشف احد حواليك يعرف بامور مقيض الطيور وتعلم منه

تحياتي لك

[راعي ضويانه]

لاتحط الطير بالقفص ابد يضره واحيانا تكسر جنحانه حطه في غرفه مكيفه وافرشها بتراب ووكله غدا وعشا و شبعه مره على سمان وهو بيحذف الريش وافحصه وانتبه تخوفه حط اللحم على الوكر او على فرشه زرع صناعي
تلقاها بمحلات الطيور

[خارش الحباري]

جعلك تسلم حاطة في القفص 00000افادوك الخوان

[السومر]

افادوك الاخوان

[خطاف_دبي]

مشكورين اخواني وانا وديت الطير البيطري وقال ان عنده دود ف بطنه وعطاه كورس حبوب و الحمدلله قال انه طاب بس لين الحين مايكمل الفري كامل سالته قال عادي يمكن لانه الحين مايبذل جهد وقال ان لازم تنوع ف الاكل مرة فري و مره حمام ويوم سالته ع الرجفه قال عادي .... انا قلت اخبركم اشوف شو رايكم من خبرتكم

و السموحة منكم

[حامد الحنيني]

كلام البيطري صحيح طيرك صنيع والرجفه عاديه به شوية وحاشه مع التدهيل يتعود عليك.

[قرناس شاهين]

اخوي اتمنى انه الطير تقيضه بمكان مهيأ لراحت الطير لانه هذي امانه والطير يدل على الشموخ واذا اكرمته فكانك تكرم شامخ واذا هملته راح عنك
والطير الي انا خابره انه يتقيض في غرفه معزوله حتى الطير لايتعرض للخوف والفزع والادوات الي فالمقيض ويجب ان تتوافر فيه الرمل والمكيف او المروحه والماء والعلف الحي ويجب ان تعطيه كورسات فيتامين وقلاع بين فتره وفتره حتى الطير لايضعف او يمرض ويجب ان توديه لبيطري حتى يشرح لك ماهي علته
ومن الافضل اذا ماتعرف تقيض وده حق رجال يقيض وفتك من الشقى

وبخصوص القفص انا اعرف رجال كانت عنده جبيليه كان حطها في قفص وقرنست ومن احسن مايكون بس عاد
كان يكرمها ومذري عليها من الشمس وكان حاط مروحه حتى لا تحتر

واتمنى تاخذ النصيحه بصدر واسع وانت مافيك قصور والله يبارك فيك ويكثر من امثالك الي تسال حتى لايكونون يوم القيامه يوسألون وبيض الله وجهك

[خطاف_دبي]

شاكرلك مرورك والحمدلله انا اقيض الطير ف حجره مكيفه بس العلف ما اعطيه حي عندي فري مجمد اخليه برع لين ما يحر و اعطيه

[abu saud]

أخي الحبيب خظاف دبي
حكاية انه ياكل نص سمانه ويوقف أتوقع اذا الطير باقي ما حذف شي من الريش فهو مقرب يحذف لأنه سبحان الله قبل ما يحذف يقل علفه وبعد ما يحذف أول ريشه تتغير رغبته للعلف للأحسن
أهم شي لاحظ مرش الطير لازم يكون الأبيض أبيض والأسود أسود
أحسن شي تحط الطير في غرفه مكيفه

[خطاف_دبي]

اخوي هو حاذف و باقي له من كل جناح 3 ريشات

و الطبيب قال نوع ف الاكل بس انا ماعرف شو ممكن ااكله غير السمان اقدر اعطيه قطعة لحم بدون عظم ؟؟؟ و بالنسبة للحمام تكون حية ولا واذا حية كيف يكون الترتيب ؟؟؟

و اسمحولي ع الاطالة

[ولع الطير]

افادوك الاخوان
تقبل مروري