المساعد الشخصي الرقمي

مشاهدة النسخة كاملة : صرفية زيت مكينة gxr


عبدالله المطيري
24/04/2011, 12:46 PM
السلام عليكم


قبل ايام فحصت موتري عند كارتك


وطلعلي بالفحص صرفية زيت


الموتر يدخن دخان بسيط اذا خليته واقف فتره ثم مشيت يدخن ثم ينقطع

النقص تقريباً ماينقص الا شئ بسيط

يعني العيار دايما بين الخطين


راعي الفحص يقول سو شنبر ومريت ورشة الضحيان يقول الشنبر ماله فايد وضب أحسن

ولاغير جلد بلوووووف


أبي رايكم


أوضب ويكلف حول 12000 ريال عند الضحيان وعند باكستاني أعرفه خبرة جيوب ب 7000 ريال على اعلى تقدير


ولا شنبر



ولاجلد بلوف
turkiq
24/04/2011, 12:56 PM
في رأيي والله اعلم انك تغير الشنابر ... فرق الفلوس كبير بين التوظيب وتغيير الشنبر بحسب معرفتي
هذا غير ان قليل من الفنيين من يقدر يوظب ويرجعها مثل ما كانت من بلدها.

الا كم موديل السيارة ؟ وكم ماشية ؟
عبدالله المطيري
24/04/2011, 02:01 PM
موديلها 2001 ماشيه 440000 كم
راعي المنهاج
24/04/2011, 03:09 PM
غير جلد بلوف وتوكل على الله
صاروخ الغطغط
24/04/2011, 07:32 PM
سو فحص وشف قوة الشنبر اتوقع جلد بلوف
كديان
24/04/2011, 11:42 PM
قبل الخساير وكل شي
امش على الموتر 4000الاف كيلو و عاير الزيت و شف مقدار النقص كم يوصل
فيه ساعة تقيس ضغط البستم ممتازة جدا
اذا كان الضغط ضعيف فلازم تسقط شنبر
و يدل على ذلك ظهور دخان ازرق

بخصوص جلد البلوف خل الموتر شغال 10دقايق همن دس نص دوسة اذا طلع دخان ابيض
فهي امره سهل جدا جلد بلوف فقط طبعا تغير جلد البلوف بدون فك الراس
و دايم تخرب سواء بالجيب او باترول

ادخل هنا وشف ردي و شف الروابط به معلومات قيمة للمشرف

http://www.mekshat.com/vb/showthread.php?t=401981
اللورد 2009
24/04/2011, 11:59 PM
الاخ A1B22
نفس الوصف اللي تتكلم عنه صار معي بجيب GXRموديل 2002
وضبطة جلد البلوف والحين صافي 100%
واكيد اكثر الورش لو تخيره بتغيير جلاد البلوف ولا توضيب المكينه راح يختار التوضيب او يقترح لك التوضيب حتى يكسب اكثر
ارجو توضيح النتائج بعد تغيير جلاد البلوف لتعم الفائده
بالتوفيق
almushraq
25/04/2011, 06:21 AM
ان شالله يفيدونك الاخوان
عبدالله المطيري
25/04/2011, 07:09 PM
حياكم الله ياشباااااب


رحت يم مكانيكي باكستاني طبعا على كفالة واحد من الشباااااب

وخبرة جيوب خصوصا توضيب

قالي شف انا بنصحك وانت بكيفك اللي تبيه بسويه لك

قلت نسمع النصيحة

قال شيك على الزيت بأستمرار احسن من فك المكينة واذا خبطت

سو توضيب كامل


والله اني مدري ولكن ارتحت لكلامه
بدوي جنوبي
25/04/2011, 08:02 PM
حياكم الله ياشباااااب


رحت يم مكانيكي باكستاني طبعا على كفالة واحد من الشباااااب

وخبرة جيوب خصوصا توضيب

قالي شف انا بنصحك وانت بكيفك اللي تبيه بسويه لك

قلت نسمع النصيحة

قال شيك على الزيت بأستمرار احسن من فك المكينة واذا خبطت

سو توضيب كامل


والله اني مدري ولكن ارتحت لكلامه

انا ما ارتحت لكلامه
لان اذا خبط عليك المحرك وجيم بتخسر أكثر
ممكن تخسر عمود الكرنك ،،، لانه ممكن ينكسر
او ما ينفع معه الخرط

لكن توضب قبل يخبط كامل أفضل
وومكن ينقص الزيت بالكامل ويتعرض المحرك لحراره
وبتخسر الراس . وشوف كم سعره لان الخرط ما ينفع معه .

عموما في الوقت الحالى تقدر تمشي على السياره مع التشييك عليك الزيت
بصفه مستمره .

طالما فحصت المحرك بالكمبيوتر وطلع ضغط البساتم منخفض
فهذا يدل على ان الشنمبر ضعيف ويتهرب الزيت لغرفة الاحتراق
ويحترق الزيت ويسبب النقص .

بالتوفيق
الهاجر 7002
26/04/2011, 03:10 AM
آخوي آلآفضل لك مآتخليه ..

آمآ آلبآكستآني حلوه هذي لين يخبط....!


بآلعكس آذآ كآن شنآبر غيرهآ بورشه مضبوووطهـ..

وآذآ جلد بلوف غيرهآ وتوكل على آلله..

وآلموتر مآشي 440000كم آكيد بيكون فيه جلد بلوووف..

بس وضح آلدخآن بس آذآ دعست ويختفي بعدين ولآ مستمر..؟
آذآ يختفي ::/ جلد بلوف..
آذآ مستمر ::/ تبي تخبط آلمكينهـ..

لآ تسآهل بآلموتر يآلطيب
ابو ف
26/04/2011, 01:44 PM
معليش ياصاحب الموضوع الله يسر امرك السؤال هل 4500 اذا وضبت من جديد ترجع زي اول عزمها ونشاطها او بتكون اضعف لأن اسمع كثير يقول غير تشليح افضل مع ضمان شهر وجرب لأنها اذا وضبت تضعف
والله اعلم،،
عبدالله المطيري
20/05/2011, 06:48 PM
ياشباااب اللي عرفلي ورشة تغيير جلد بلوف بالرياض يدلني عليها مشكوراً

وكم تكلف القطع وشغل اليد


جزيتم خيراً
سوبر VTC
21/05/2011, 01:07 AM
ياشباااب اللي عرفلي ورشة تغيير جلد بلوف بالرياض يدلني عليها مشكوراً

وكم تكلف القطع وشغل اليد


جزيتم خيراً

اخي العزيز
ضع موضوع جديد في خيمة الاعطال
و اذكر فيه نوع و موديل موترك
و باذن الله يدلونك على ورشة طيبة