أحد يخبر مكان ركوب خيل بالرياض

[سنافي النشمي]

السلام عليكم ورحمة الله

يا هلا ومرحبا بكم،،

مثل ما في العنوان!
واحد هاوي ركوب وركض وين تخبرون؟؟

مابي تسجيل واشتراك وحوسه، ابي اروح واركب لين اطيح الي في راسي.


جزيتم الحسان في الجنان وزيادة.

[ابومشعل3]

ابشر واللة من يدلك يوجد اثنان الاول اول شارع الفريان من الجنوب الي الشمال الثاني اول مزرعة علي اليمين وانت داخل الشفاء في الوادي تشوف الخيول وانت علي الشارع:good2:

[مؤرخ]

انا بعد اعرف مرابط خيول على طريق الثمامه قبل الكبري فيه مرابط خيل يشدك منظرها وتسمع صهيلها وجريها سواء اكبار او فلوات،، شئ يجذبك صحيح واعتقد ان بعضهم عنده تدريب لركوبها وهذاافضل.

[سنافي النشمي]

ابو مشعل جزاك الله خير.. يركبون ماعندهم مشكلة؟؟ اي احد يجيهم؟؟

مؤرخ الله يعافيك ويبارك فيك الوصف ما فهمته صراحة! لو تعيده مرة ثانية لا هنت :)

[السهم الأول]

أخوي اشتر لك خيل حصان او فرس تكون هادية و عادية ما فيها اي ميزة غير الهداوة تحصل شيء رخيص ان شاء الله و طلع الي في راسك وتعلم و علم الي تبي :)

و فيه اذا ما ودك مركز في السويدي وانت ما شي مع مخرج 18 اتجاهك غرب و جاتك الكباريات الثلاث تحت الكبري الي يودي لديراب

و فيه بالثمامة اذا جاك دوار عويضة الاخير اطلع يسار و امش فيه هناك محلات تأجير خيل

بس و الله ما فيه مثل خيلك تعرفها و تعرفك و تركب و تتعلم و تعلم

[ابومشعل3]

نعم اي واحد@ واذا انت ناوي يوم من الايام تشتري خيل وتربطة عند الباب كنك من الغرب الامريكى @:p مبيعات الخيول علي طريق الخرج بعد التفتيش علي اليسار

[السومر]

افادك ابو مشعل3

[سنافي النشمي]

جزاكم الله ما تتمنونه وأكثر،،


صراحة أفكر تفكر جاد بشراء خيل ومحتار وين أحطه ولازم اتابعه وكذا.. وهل فيه مربط في شمال الرياض يعني قريب لي ولا لا عشان أحطه؟؟

[الشاعر الفارس]

أخوي سنــآفي اشتر لك كما قال اخونا سنافي فوق خيل احــســن لــكـ.. حصآن وارخص
وتعلم عليهـــــآ الركوب وتكون ملكك انت يعني تراح لها انا والله من اهل القصيم وعندنا اسطبلات كثيره بس بالرياض في اسطبلات الخالديه واسطبلات قبل الخرج عاليسار واتذكر فيه بعد بالثمامه
اعذرني ماعرف اسطبلات الرياض ولا كان حاولت اسرد لك الاقرب لمنطقتك اللي انت فيهآ
تقـــبل تحيآآآتي محبـــكــ..

[ابومشعل علي]

موجود بعد نقطة تفتيش الرياض الخرج على يدك اليسار وانت بتجاه الخرج

[راعي صقاره]

فادوك الاخوان

[محمد ماز]

السلام عليكم ورحمة الله وبركاتة
هلا اخوي اذا انت من سكان الشمال عندك نادي الصافنات في عرقة تحت في الوادي وتقبل مروري واتمنى للجميع التوفيق

[سنافي النشمي]

الله لا يهينكم ويبارك فيكم ما قصرتوا.

محمد ماز/ وعليكم السلام ورحمة الله وبركاته ومغفرته
نعم اسكن الشمال ولا هنت وبارك ربي فيك، وبحاول اتواصل معهم.