كـآرونة الجمس ..

[ومض]

السلام عليكم ورحمة الله وبركاته , حي الله المكشآتيين كلهم ..

اليوم جآيكم بـ مشكله جديده واللي هي الكارونه أو الدفرنس
سوبربآن 2500 يعني دفرنس كبير موديل 97 , هذي المره الثالثه اللي اغيره !
وشكله بتجي الرابعه من شهر صآير اذا مشيت فوق 70 يبدأ يون ونّه مب طبيعيه ><
واليين 160 الصوت موجوود وقوي جداً وحتى احيانا اذا مشيت وهدّيت يعني صرت امشي 20 يجي صوت تقل مسامير تطآيح :eek: , المهم رحت لورشه وسألته قال هذآ فرآغ بالكآرونه ولازم تغيرهآ طبعا بدأ يتفلسف , طبعا ماحبيت اسوي شيّ الا انا مستشيركم !
ولا ودي اغير الكآرونه او الدفرنس مآبه شغل تصليح ؟؟
جزآكم الله خير ..

[كديان]

اخس شي بالمواتر الكوراين اذا عاكست معك
اخبر بعض الاعضاء برابطة ملاك الجمس الحوض
اول ما شروا المواتر بعضهم ركب كارونة رياضية حقت تحمل

بعطيك معلومة عن الونة
اذا رفعت رجلك عن الابنص مثلا سرعة 90 همن اختفى الصوت فالمشكلة من الكارونة
تحتاج تغيير و الوزن ما ينفع ابد لان الطار اكل البنيون و العكس صحيح
اذا رفعت رجلك و ماراحت الونة فالمشكلة من رمان الكارونة و هذه قليلة جدا تحصل

احد الربع توه شاري يوكن م2002 كان فيه تعريق بوجه الكارونة فقام و حط وجه و سيلكون لغطاء الكارونة
و سافر عليه لما رجع لديرته ونة الكارونة قبل ما يوصل ب79كيلو
و الان الموتر بالورشة و السبب ان راعين الورشة الزفت ماضبطوا الوجه و العصار
لانه الزيت الان ناقص و هذا النقص اثر على الكارونة فسبب احتكاك للطار و للبنيون و للديشالي الداخلية
و هذا الاحتكاك ولد حرارة سببت تاكل المسننات و طلعت بسببه الونة

عيب الورش ما يعرفون يوزنون الكارونة و هذه مشكلة اخرى تبدا تون بعيد
لذلك الضمان مهم جدا

رد سابق

الورش و المراكز الكبيرة كلهم نصابين
وشولون موتر جديد و تغير له جلد و مقصات يا شيخ يالله لو هو طايح من جبل
اعرف لك موتر جمس م2001 و ماشي فوق ال200الف
و كل سنة ما شاء الله سفريات و كشتات للصمان و الدهناء و لا شاف الا العافية
و ما خرب لا مقص و جلد و لا رباطات
المهم غير فقط فحمات زيت قير فلتر قير صفاي بنزيز بواجي سيور فلتر هواء فقط

مر على ورشة ثقة

ادخل الرابط وشف اخر رد بخصوص الورش


عندي مشكلة في طرنبة الزيت للجمس + صور + فديو (http://www.mekshat.com/vb/showthread.php?t=399542)

نصيحة ثمينة من رجال سعودي ثقة و كبير بالسن الكوراين ما تحارش ابد


مسالة التصليح به مخاطرة لانه شغل قص و لزق انت و حظك خساير على الفاضي
لان اذا ونة الكارونة لازم تغيره + تغير البنيون اللي راكب عليه العمود عمود الكردان
غالبية اللي تون عندهم الكارونة يغيرون كارونة كاملة و بعضهم يغير دفرنس كامل
مع الرجيع و على الضمان لانه يكون شد بلد ما فك

احتمال عندك مشكلتين 1 ونة كارونة
2 تكسر التروس الداخلية و هي الديشالي الصغيرة و يظهر بسببها الصوت

[بدوي جنوبي]

اغلب دفرنسات التشاليح
ملفقه ويبيعوها على انها ما انفكت من السياره المصدومه
مثل ما قال كديان التوضيب ما راح ينفع معاها لان التروس تأكلت