المساعد الشخصي الرقمي

مشاهدة النسخة كاملة : رديتر الشيروكي


الأجودي
25/04/2011, 04:21 PM
بسم الله الرحمن الرحيم
السلام عليكم ورحمة الله وبركاته

سيارتي شيروكي 2001 ركبت له السنة الماضية مروحة سوبارو وبلف كابريس 160 وحساس الماني مثل مانصحوني الشباب هنا الله يجزاهم الجنة
صيف العام الماضي كان الموتر ولا اروع الحرارة ثابته على الثلث لايمكن تزيد وجاء الشتاء ونسينا الحرارة لكن هاليومين جو الرياض انواع التغيرات ولاحظت ان الحرارة توصل لتحت النص بشوي هذا والحر مابعد جاء
فكيت غطاء الاديتر وطقيته ان كانه منسد طلع سليم وشفت موية الاديتر لقيتها فل وناظرت القربة البلاستيك اللي مفترض انها تزود المويه لانقصت ولاها فل
شغلت السيارة وفتحت غطاء الاديتر وتركتها لين احترت وصلت النص وبدأ ماء الاديتر يفور وينكب برا الاديتر وفضى منه شي كثير وجيت سكرت الغطاء وانتظرت القربه تعبي الاديتر والمفاجأه ماتعبت ولا نقص من القربه شي
شيكت على اللي الواصل بين القربه والاديتر لايكون مسدود طلع سليم
وش سبب الحرارة ياشباب ؟
وليه القربه ماتعبي الاديتر ؟
ولكم الشكر
كديان
25/04/2011, 04:31 PM
الاديتر اصلي رصتين ؟؟؟
او رصة ؟ اردني او صيني ؟
مروحة المكيف القوية حقت البلد موجودة اللي صوته مزعج ؟
او هي مروحة امريكية غبية ؟
المروحه على السرعة الثانية السوبارو ؟
تاكد لا يكون سير المكينة راخي

المتهم الاول البلف عندك قافل او انه يفتح لكنه ضعيف
و ترى على فكرة بلف الكابرس ضعيف احيانا تنطلق القواعد حقاته و يدور الماء باستمرار
يعني يصير مثل الجحة اذا طاحت بالارض و انفقشت هههه
و الحل اللي ينصح به راعي ورشة شيروكيات يقول بلف ددسن قوي جدا و متين و يتحمل
يفتح على حرارة 76.5 مكتوب عليه

الاديتر و السلندر المفروض يغسل كل سنتين او كل 120الف كيلو
و تحط جالون محلول تويوتا و الباقي مقطر
ان كانه الاديتر وسخ فاغسله
مركز حراره
26/04/2011, 12:27 AM
الشيروكي الى النص عادي
القربه تعبي اذا صار الموتر بارد جدآ
الأجودي
27/04/2011, 03:33 PM
الف شكر لكم
اخوي كديان والله مدري عن الرديتر هو اردني او الماني لان ماله سنة معي لكن الوكاد ان كل الصيفية الماضية والموتر منتاز جدا الحرارة الى الثلث ان كثرت
على قولك يمكن البلف قافل لكن ماودي اركب بلف ددسن لأنه حسب كلامك مايفتح الا على حرارة عاليه يعني تقريبا مية وسبعين فهرنهايت وحق الكابرس على مية وستين
السير ماله علاقه بالمراوح لأن كل المروحتين كهرب مروحة المكيف القوية ومروحة السوبارو

اخوي مركز حرارة صدقت القربه ماتعبي الموتر الا وهو بارد والحمد لله القربه عبت الاديتر لكن عافاك الله المفروض ماتوصل الحرارة النص وانا مسوي كل هالامور والا كان مالشغلي فايدة فموتري على مروحة السير العادية توقف على النص

انا مادري شغلي صح والا خطأ انا عجزت اوصل لصرة الاديتر عشان افضي الماء قمت فتحت غطاء الاديتر وشغلت الموتر لين ما احتمى وبدا يفور الماء ويطلع من فوق همن عبيته ماء مقطر بس

واخر سؤال ياجماعة السلندر وشلون ينغسل انا وديته العام الماضي لفني رديترات بس فك الاديتر وسيخه وماجاء السلندر ابد ؟
وش رايكم ياالربع
مركز حراره
28/04/2011, 02:28 PM
اذا فور والحراره النص غير الغطاء
الأجودي
28/04/2011, 06:14 PM
جزاك الله خيرا
YUKON_GMC
29/04/2011, 01:00 AM
إذا فوووور الاديتر معناته فيه مشكله .. اما الاديتر وصخ ومنسد او مروحه ماتشتغل صح او رأس المكينه منشعر ويدخل هواء على الاديتر او الوجيه

او ان الرأس مخروط قبل كذا ..

عموماً انت أبدأ بالسهل واول شيء تسويه تغير بلف الحراره الى واحد يفتح من 70 الى 80 فقط .. وإذا مانفع صيخ الاديتر واغسل المكينه مره وحده ..

وأن شاء الله يضبط
الأجودي
29/04/2011, 01:51 AM
الله يجزاك الجنة ماقصرت
مركز حراره
29/04/2011, 03:36 PM
فيه جهاز خاص لغسيل المكينه (الافضل الاجهزه المزوده بفلتر لضمان عدم عودت الاوساخ ) ويحط فيه محاليل خاصه والمفروض انه يسوى مع التسييخ لانه احيانآ تبقى اوساخ داخل المحرك فتحصل انك اول ماصيخت الرديتر تزين الحراره فتر ثم ترجع لان الاوساخ خرجت من المحرك الى الرديتر وتسكرالرديتر ثم ترجع مسكلة الحراره
ا س ع .. 222
29/04/2011, 10:04 PM
هلابك اخوي

اول شي صرت الرديتر تلقاه اذا صار الرديتر قدامك تلقاه بالزاويه على اليسار تحت

وغسيل السلندر هذا تلقاه عند محلات الرديترات الي يصيخون ويغسلون الرديتر قله ابي غسيل مكينه

ولا انت خسران شي اذا غيرت غطاء الرديتر والبلف وركب نفس الي عندك حق كابرس لانه ازين شي لشروكي
ساحووق
29/04/2011, 10:08 PM
انا معي نفس مووترك والحرااره ترتفع نص وازود شوي بعد والوووووضع عااااادي جدااااااااا

له معي 8 سنوااااااااااااااااات وترا الوضع طبيعي لاتسوي بموترك شي

والله اععلم

تحياتي
الأجودي
30/04/2011, 12:34 AM
الله يجزاكم خير جميعا وبيض الله وجيهكم

اخوي ساحوق انا بالنسبة لي مصيبة اذا هي بتصير على النص وانا مركب مروحة سوبارو كهرب وبلف كابريس وحساس الماني اجل ارجعها مروحة وكالته اريح لي واوفر للبطارية

يعني مشكلتي اني مركب هالترهيمات ومازالت المشكلة قائمة

شكرا لك وجزاك الله خير
ساحووق
30/04/2011, 12:39 AM
انا نفسك مركب مرووحه وبللف وووووووالله
الأجودي
30/04/2011, 12:44 AM
هلا اخوي ساحوق
الله يجزاك خير على ردك بس وكاد هنا مشكلة
تخبر الصيف الماضي جانا حر يشوي العصافير والحمد لله موتري حرارته ماتعدت الثلث وانا دايم بالزحمات عقب الدوام وبشارع خريص

لكن والله العالم مثل ماقالوا الاخوان اني عقب ماسيخت الاديتر وركبت البلف ماخليت اليماني يغسل السلندر ورجع تسدد مرة اخرى

العلم وانا اخوك ابرجع اغسل السلندر واسيخ الاديتر وارسل لك رساله بالنتائج

جزاك الله خيرا
مفكر عربي
30/04/2011, 01:10 AM
عطنا النتائج هنا الله لا يهينك
الأجودي
30/04/2011, 01:18 AM
ابشر طال عمرك
K.S.A.A
30/04/2011, 09:47 AM
اللي أعرفه أن الرديتر إذا ماسحب من القربه معناه الأديتر متسدد ( يبي تصييخ )
لكن بما أنك تقول جديد ماله إلا سنه فممكن أن الماء ماكان نضيف او أن الرديتر مو أصلي.
أكشف على الأديتر والبلف .
إذا مضبوطه فأكشف على طرمبة الماء ممكن تكون ضعيفه . ودوران الماء ضعيف .
سوبر VTC
01/05/2011, 02:32 AM
اخوي تاكد من الاديتر هل هو رصتين ام لا ؟؟؟
اذا كان رصة وحده فما ينفع ابد و لا بريال
استقرار حرارة الشيروكي تحتاج الى ::::
1 اديتر اصلي رصتين او ياباني رصتين مستعمل
الرصة الوحدة ما ينفع ابد الان عند راعي ورشة 4 اديترات خوات الجديدة مرمية عنده
الرصة الوحده سيئ جدا لان الفتحات او المجاري عريضة فما تنزل الحرارة على طول
2 بلف كابرس و الافضل بلف ددسن يفتح على حرارة 72 تقريبا مكتوب عليه
3 تخريم بلف الددسن او الكابرس خرمين 2 كل خرم 4ملي بريشة دريل
3 حساس الماني 85
4 غسل السلندر و الاديتر جيدا طبعا البلف مفكوك و اخراج الطين خصوصا من الدفاية
5 وضع محلول جالون تويوتا و الباقي مقطر
6 لابد و مهم جدا من توافر مروحة المكيف السعودية مهمة جدا سرعته تعادل مروحتين من السوبارو
و هي اللي صوته مزعج
7 مرواح يشتغلن مع الحساس و هي مروحة المكيف + مروحة سوبارو او البديل عن السوبارو و اسرع
منه و هي مروحة اللومينا طبعا
8 فائدة التخريم عند خروج الماء من الخرمين يصل الماء الحار على الحساس و بالتالي تشتغل المراوح
و تقوم بتبريد ماء الاديتر قبل ما يفتح البلف
بمعنى فائدة التخريم عملية تسبيق قبل ما يفتح البلف

الاديتر و السلندر يتم غسلهما كل 120الف كيلو او كل سنتين كحد اقصى
مركز حراره
01/05/2011, 10:18 AM
اخوي تاكد من الاديتر هل هو رصتين ام لا ؟؟؟
اذا كان رصة وحده فما ينفع ابد و لا بريال
استقرار حرارة الشيروكي تحتاج الى ::::
1 اديتر اصلي رصتين او ياباني رصتين مستعمل
الرصة الوحدة ما ينفع ابد الان عند راعي ورشة 4 اديترات خوات الجديدة مرمية عنده
الرصة الوحده سيئ جدا لان الفتحات او المجاري عريضة فما تنزل الحرارة على طول
2 بلف كابرس و الافضل بلف ددسن يفتح على حرارة 72 تقريبا مكتوب عليه
3 تخريم بلف الددسن او الكابرس خرمين 2 كل خرم 4ملي بريشة دريل
3 حساس الماني 85
4 غسل السلندر و الاديتر جيدا طبعا البلف مفكوك و اخراج الطين خصوصا من الدفاية
5 وضع محلول جالون تويوتا و الباقي مقطر
6 لابد و مهم جدا من توافر مروحة المكيف السعودية مهمة جدا سرعته تعادل مروحتين من السوبارو
و هي اللي صوته مزعج
7 مرواح يشتغلن مع الحساس و هي مروحة المكيف + مروحة سوبارو او البديل عن السوبارو و اسرع
منه و هي مروحة اللومينا طبعا
8 فائدة التخريم عند خروج الماء من الخرمين يصل الماء الحار على الحساس و بالتالي تشتغل المراوح
و تقوم بتبريد ماء الاديتر قبل ما يفتح البلف
بمعنى فائدة التخريم عملية تسبيق قبل ما يفتح البلف

الاديتر و السلندر يتم غسلهما كل 120الف كيلو او كل سنتين كحد اقصى




يعطيك الف عافيه مشرفنا الغالي ما خليت لنا كلام
الأجودي
02/05/2011, 01:13 AM
مشكورين الله يجزاكم الجنة

المشكلة طلعت بسيطة وبعيدة كل البعد عن اللي كنت متوقعه

اتضح ان مروحة المكيف ماكانت تشتغل مع الحرارة كانت تشتغل بس مع تشغيل المكيف وهالسبب اللي خلا الحرارة ترتفع

غيرت الكتاوت الخاص بها وانتهت المشكلة الحمد لله رب العالمين

الله يجزاكم الجنة
سوبر VTC
02/05/2011, 01:30 AM
يعطيك الف عافيه مشرفنا الغالي ما خليت لنا كلام


مشكورين الله يجزاكم الجنة

المشكلة طلعت بسيطة وبعيدة كل البعد عن اللي كنت متوقعه

اتضح ان مروحة المكيف ماكانت تشتغل مع الحرارة كانت تشتغل بس مع تشغيل المكيف وهالسبب اللي خلا الحرارة ترتفع

غيرت الكتاوت الخاص بها وانتهت المشكلة الحمد لله رب العالمين

الله يجزاكم الجنة

لاهنت اخوي مركز حرارة

اخوي الاجودي الحمدلله الامور صارت تساهيل
انصحك تسوي تسليك كهرب من الكتاوت حق مروحة السوباور
بحيث تشتغل كل المروحتين على الكتاوت الازرق
اما كتاوت البلد فانه اذا وصلت الحرارة النص فان الكمبيوتر يعطي كهرب للمرواح
بحيث تشتغل عن طريق الكتاوت البلد
و هذه ميزة
لانه لو قدر الله خرب الكتاوت الازرق فان الحرارة عندما تتعدا النص بشعره فان المراوح تشتغل عن طريق الكتاوت الاساسي اللي بالعلبة
و هذه طريقة تسليك الكهربائي العثيم :good: ببريدة
ايضا يسوي طريقة ثانية ممتازة و هي
يسحب سلك كهرب من الكمبرسور و يوصله الى كتاوت ازرق ياباني ثاني و هذا الكتاوت
يقوم بتوصيله الى الكتاوت الاول الازرق حق الحساس الالماني
الفائدة
اذا شبك الكمبرسور يشتغلن المرواح و اذا فصل الكمبرسور يطفن المرواح
و الميزة المكيف يثلج + استقرار الحرارة
لكن
لو وصلت الحرارة 85 فان المرواح تشتغل بواسطة الحساس
و ليس هناك اية تعارض او خوف بين الكتاوتات الثلاثة
الأجودي
02/05/2011, 01:32 AM
شكرا مشرفنا سوبر فتك قواك الله وزادك علم الى علمك
سوبر VTC
02/05/2011, 02:15 AM
لاهنت
لو قدر الله خرب كتاوت المروحة شفه باخر الصورة من الاسفل يسار اسمه
كولينق فن فانك تستطيع تبديله بالكتاوت اعلاه حق اسد بشرط ان الموتر ما يطفى
كما تستطيع الغاء الكتاوت و وضع سلك طول الاصبع و تقوم بالتوصيل
بين الكهرب الدايركت اللي جاي من البطارية الى الكهرب الاوت الخارج من الكمبيوتر
اقصد ان الاناثي اللي يركب عليه الكتاوت 4 فتحات
1 كهرب دايركت من البطارية
2 كهرب ماص
3 كهرب يعمل بامر من الكمبيوتر
4 كهرب خروج الى المروحة و المكثف من قبل الكتاوت
تستطيع التوصيل بسلك بين كهرب رقم 1 و رقم 4
بحيث ان المرواح يشتغلن باستمرار
و هذا في حال ان الكتاوت خربان مسبقا


http://www.mekshat.com/vb/../pix/upload03/images134/mk53291_a2.jpg