المساعد الشخصي الرقمي

مشاهدة النسخة كاملة : يازين ممشاك وقت اعصير


هاوي بر
07/12/2005, 08:34 PM
القيض ولى وجاك الخير=والبر زانت مطاليعه

يازين ممشاك وقت اعصير=ممشاك مع دارن اوسيعه

والكل منا معاه الطير=والحر راعيه مايبيعه

هذا هوايه فقط لاغير=والعاذل اقول ماطيعه

مدامي اقدر فنا باسير=والمال مالي ابتجميعه

اصير والا بعد مايصير=هواي طيري وتفريعه

البر والطير له تاثير=وسط الحشا حبه اوديعه

مع خوة اللي لهم تقدير=الكل يعجبك بصنيعه

عبرة عن خاطري تعبير=هذا هوايه وانا ذيعه

وسلامتكم
جرير
07/12/2005, 09:28 PM
صح لسانك قصيده جيده وخفيفه علي المعده
ماعليش لخبطنا هالايام كل شيى يدور حول المعده
الله يعطيك العافيه وشكلك معشق الدبل وحاط رجلك
دحدر تقدر وحنا نستاهل
ذكرتني قصيده قديمه ولكن ماتخص المنتدي يعني يزعلون علينا الربع

ناح الحمام بعاليات المقاصير=واهل الهوى طربين ما يسمعونه

وعلي نفس الطاروق به واحد يقول



ياطير ياللي تنفض الريـش ياطيـر
عطني جناحك واخذ الأرض الفسيحه
عطني الجناح وكبّ عنك المعاذيـر
دام النـوايـا طيّـبـات ومليـحـه
عطنيه ولْك الدلو والحبـل والبيـر
وأرضٍ بها اليشموم يضحك لشيحـه
الحضري
07/12/2005, 11:49 PM
حي الله هاوي بر


هجينيه رائعه صح لسانك ولاعدمناك والله ان قصيدك يعجبني سهل ممتنع .. على قول النقاد :)



تقبل الاعجاب والمتابعة
هاوي بر
08/12/2005, 05:44 PM
هلابك ياجرير

وصح بدنك يا الغالي
والله اني مدري وش اقول
صراحة قمة في الرد

اثابك الله
ذكرتني بطاري الحمام
ياحمام على الغابه ينوحي***يزعج الصوت من عال البنيه
والاخر يقول
ياحمام على عالي اغصونه***ذكرتني الحونه عهد غالي
جيت بيته عقب ماقفت اضعونه***عتبت الباب غطتها الرمالي

وعلى هالمواااااااااااااال خلوها
هاوي بر
08/12/2005, 05:47 PM
الاخ الحضري مرحبا الف وياهلا

وصح بدنك يا الغالي
ولاهنت اخوي على اعجابك
ونحن كذلك(عربيه مع عاميه)

وان شاء الله نقدم مايسركم ومايتحفكم[u]