المساعد الشخصي الرقمي

مشاهدة النسخة كاملة : ميلان جهة اليمين الباترول


بر دبي
26/04/2011, 02:38 AM
السلام عليكم
عندي مشكلة بالباترول فتك موديل 2004 فيه ميلان جهة اليمين إذا صرت تناظرة من وراء تشوفه مايل يمين مع العلم اني ركبت له كعكات ولانفع معه
ارجو افادتي الله يعطيكم العافية لأنه الصراحة محيرني
عاشق الغضا
26/04/2011, 08:14 AM
اتوقع ان في احد اليايات صاير في ليونه عن الثاني
ساري 111
26/04/2011, 10:51 AM
المشكله هذي بكل الجيوب تقريباً

اذا الموتر جديد ماعندك بأحسن منه لكن مع الاستخدام ينزل جه اليمين ويرتفع من يسار

اعتقد والله اعلم ان الياي اليمين ينضغط واليسار يتمدد
بحكم لو تلاحظ اول ماتحط الموتر بنمره ويقوم الموتر يميل جهه اليمين ويرتفع من اليسار ومع كثرة الأستخدام تظهر المشكله

الحل // عكس الياي اليمين حطه يسار واليسار حطه يمين وطبيعي بيكون مرتفع جه اليسار بعد التبديل لكن مع الاستخدام راح يلين ويتساوى

موفق
العابر2222
26/04/2011, 11:42 AM
أخوي انت شكلك مغير اليايات او مركب استرالي = ومركبها طول بعض

الباترول كله الى اخر موديل اليايات اليمين اطول بلفه او لفه ونص من الياي اليسار

وحتى المسافة المحل لي يركب فيها الياي الجهة اليمين اطول من الجهة اليسار

وذلك بسسب التانكي والأستبنه

والي يحصل للأغلبيه انهم يغيرون اليايات ويركب يايات طول بعض فينزل الموتر من الجهة اليمين

والكلام هذا من واقع تجربه ومن شي شفته بعيني لما غيرت يايات موتري

ولك اجمل تحية
باثفندر
26/04/2011, 12:42 PM
كلام العابر صحيح

الياي الاسترالي من كرتونه مسجل عليه وحده ( L) و (R) واليمين اطول بشوي من اليسار واتوقع ما اجزم عشان وزن السيارة بسبب السبير جهة اليمين اثقل شوي !!

المشكله الحين لو تحط كعكه يبي يصير ارفع من اليمين بواجد
كديان
26/04/2011, 03:12 PM
اخبر مع احد الربع باترول فتك م2005
و كان الكفر الايمن الامامي داخل من فوق من الاعلى لداخل الرفرف
و سالته و قال المشكلة من فلنجة العكس الرمان يحتاج تغيير
بر دبي
29/04/2011, 03:09 AM
الف شكر لكم جميعاَ وجزاكم الله خير
سوبر VTC
01/05/2011, 02:50 AM
وش صار معك اخوي بر دبي
بر دبي
01/05/2011, 01:48 PM
وش صار معك اخوي بر دبي
اهلين اخوي سوبر فتك والله ماصار أي شي فيه ناس يقولون ان يمكن من الدفرنس او كراسي البدي ولا أدري وش الحل الصراحة
قدر مكتوب
11/08/2011, 09:56 PM
اخوي حل مشكلتك عندي اذا للحين ماانحلت

طبعا الياي الاسترالي حسب كلام الرمايه اللي بفرع التخصصي ان الياي الخلفي يجي واحد مكتوب عليه A والثاني B

A يعتبر الاطول بلفه
B يعتبر اقصر شوي من A

حسب كلام الرمايه فان A الاطول بفله يركب جهه اليسار جهه السواق وB يركب يمين جهه الرديف كذا راح يرتفع الجيب شوي يسار وينزل شوي يمين

المشكلة حصلت مع واحد من الشباب وقلبنا الياي ولا نفع نازل 4 سم يمين عن يسار وكل جهه اليمين فيها نزول عن جهه اليسار وكما قال واحد من الشباب قبل ان ان بعد فتره من استخدام الجيب تبدا تحس انه مع فزة الموتر جهه اليسار ترتفع وخصوصا الاماميه تحس اذا تليت الموتر وعطيته بنزين ترتفع خشته وخصوصا يسار وبعد البحث طلع اكثر المشاكل من قواعد الياي بالخلف

شف قواعد الياي اللي فوق واللي تحت احيان تنكسر اللي فوق شوي او تنعفط

اللي تحت نفس اللي بموتر صديقي قواعد الياي اللي تحت كلها مايله تجاه اليمين (القواعد المثبته على الدفرنس ) تحتاج تعديل وتضبط

وتاكد ايضا من المسافه بين دفرنس قدام وورا (اغلب الورش تتاكد بالقياس من الخارج وهذا خطاء) تاكد بالقياس من تحت السياره لان البدي احيان يكون متحرك شوي


عموما مختصر الكلام شيك على قواعد الياي ولو تقارنها ببتارول سليم تبي تشوف الفرق